Mataafa Uumata 5
5
Sanynyeeta Attaami
otoo a 1ta 1:1-4
1Are kammopa xata maxxada a saynnyeeta Attaami ca. Waaqa awta nama uummooyye pahanaadinni uume. #uuma 1:27-28 2Ka diirta ka iskatteeta' kode ka uume. Ka ishootta' sake ka maxxa ishootta' kode ka kide, ‘Nama’. #Maati 19:4; Maari 10:6 3Attaami ete paraadi dippa ka kunda sessa kayeeyye, inna isha paha'e xaaye ka ‘Seeti’ kide ka maxxa ishi' kode. 4Attaami a Seeti xaaye kammaayye, para dippa sette kallaade ka parroosen kara hellaa a diira isho a tuparra' xaayeew. 5Attaami para dippa sakal ka kunda sessa kallaade ka to'e.
6Seeti ete paraadi dippa ka ken kayeeyye, Henoosi xaaye. 7Seeti a Henoosi xaaye kammaayye, para dippa sette ka tappa kallaade ka parroosen kara hellaa a diira isho a tuparra' xaayeew. 8Seeti para dippa sakal ka kudanka lakki kallaade ka to'e.
9Henoosi ete paraadi kunda sakal kayeeyye, Qaynaani xaaye. 10Henoosi a Qaynaani xaaye kammaayye, para dippa sette ka kudanka keni kallaade ka parroosen kara'e, hellaa a diira isho a tuparra' xaayeew. 11Henoosi para dippa sakali ka keni kallaade ka to'e.
12Qaynaani ete paraadi kunda tappa kayeeyye, Melaali'eli xaaye. 13Qaynaani a Melaali'eli xaaye kammaayye, para dippa sette ka kunda afuri kallaade ka parroosen kara hellaa a diira isho a tuparra' xaayeew. 14Qaynaani para dippa sakali ka kudani kallaade ka to'e.
15Melaali'eli ete paraadi kunda lehi ken kayeeyye, Yaaredi xaaye. 16Melaali'eli a Yaaredi xaaye kammaayye, para dippa sette ka kunda sessa kallaade ka parroosen kara hellaa a diira isho a tuparra' xaayeew. 17Melaali'eli para dippa sette ka kunda sakali keni kallaade ka to'e.
18Yaaredi ete paraadi dippa ka kunda lehi lakki kayeeyye, Henooki xaaye. 19Yaaredi a Henooki xaaye kammaayye, para dippa sette kallaade ka parroosen kara hellaa a diira ka a tuparra' xaayeew. 20Yaaredi para dippa sakal ka kunda lehi lakki kallaade ka to'e.
21Henooki ete paraadi kunda lehi' ken kayeeyye, Maatusaala xaaye. 22Henooki pora Waaqatinni kallaade ka a Maatusaala xaaye kammaayye, para dippa sessa kallaade ka parroosen kara hellaa a diira isho a tuparra' xaayeew. 23Henooki para dippa sessa ka kunda lehi' keni kallaade. 24Henooki qoota pora Waaqatin kallaade malla, Waaqa isha teyyade ikka in akkaannin. #Ip 11:5; Yihu 14
25Maatusaala ete paraadi dippa ka kunda setteeti tappa kayeeyye, Laamehi xaaye. 26Matusaala a Laamehi xaaye kammaayye, para dippa tappa ka kunda setteeti lakki kallaade ka parroosen kara hellaa a diira isho a tuparra' xaayeew. 27Matusaala para dippa sakali ka kunda lehi' sakali kallaade ka to'e.
28Laamehi ete paraadi dippa ka kunda setteeti lakki kayeeyye, inna xaaye. 29Ka kide, “Innoosen yaala piisse a Waaqa Poqalla jiije kela ino nessisha” ka “Noohe” kide ka maxxa ishi' kode. 30Laamehi a Noohe xaaye kammaayye, para dippa keni ka kunda sakali' keni kallaade ka parroosen kara hellaa a diira isho a tuparra' xaayeew. 31Laamehi para dippa tappa ka kunda tappa' tappa kallaade ka to'e.
32Noohe ete paraadi dippa ken kayeeyye, Seemi ka Kaami isho Yaafeeti xaaye.
