Génesis 5
5
Rá se̱ꞌya ichiyúkúnꞌ Adán
1Yaꞌá ví rá ñɨvɨ váji ráa nu̱u̱nꞌ ichiyúkúnꞌ nkene ráa nu̱u̱nꞌ Adán.
Sáá nsa̱ꞌá Ndiosíꞌ ñɨvɨ ñunéꞌyúꞌ, nsa̱ꞌá re̱ꞌ ráa kua̱ꞌ íyó maáréꞌ. 2Te̱e jín ñaꞌan nsa̱ꞌá re̱ꞌ ráa jee nsa̱ꞌá re̱ꞌ ya̱ netuꞌ ví ráa. Jee ki̱vɨ̱ꞌ nsa̱ꞌá re̱ꞌ ráa nsi̱kúnání re̱ꞌ ráa “ñɨvɨ”.
3Íñɨ́ Adán sientúꞌ o̱ko̱ꞌ u̱ji̱ꞌ kui̱ya̱ꞌ (130), sáá nsa̱ꞌá re̱ꞌ se̱ꞌya re̱ꞌ ya̱ nsi̱kúnání re̱ꞌ maa Set, ya̱ kua̱íyó maáréꞌ íyó‑o. 4Sáá njia̱ꞌa tiempúꞌ nsa̱ꞌá Adán se̱ꞌya re̱ꞌ Set jee ntekuꞌ Adán u̱na̱ꞌ sientúꞌ kui̱ya̱ꞌ ka̱ꞌ (800) jee nsa̱ꞌá re̱ꞌ ka̱ꞌ se̱ꞌya yɨ́ɨ́ jín se̱ꞌya sɨ́ꞌɨ́. 5Jee nɨꞌɨ rá kui̱ya̱ꞌ ntekuꞌ Adán ni̱ñɨ re̱ꞌ ɨ̱ɨ̱nꞌ sientúꞌ o̱ko̱ꞌ u̱ji̱ꞌ kui̱ya̱ꞌ (930) jee ni̱ꞌi̱ꞌ re̱ꞌ.
6Íñɨ́ Set sientúꞌ u̱ꞌu̱nꞌ kui̱ya̱ꞌ (105) sáá nsa̱ꞌá re̱ꞌ se̱ꞌya re̱ꞌ Enós. 7Sáá njia̱ꞌa tiempúꞌ nsa̱ꞌá Set se̱ꞌya re̱ꞌ Enós jee ntekuꞌ Set u̱na̱ꞌ sientúꞌ u̱xa̱ꞌ (807) kui̱ya̱ꞌ ka̱ꞌ jee nsa̱ꞌá re̱ꞌ ka̱ꞌ se̱ꞌya yɨ́ɨ́ jín se̱ꞌya sɨ́ꞌɨ́. 8Jee nɨꞌɨ rá kui̱ya̱ꞌ ntekuꞌ Set ni̱ñɨ re̱ꞌ ɨ̱ɨ̱nꞌ sientúꞌ u̱xu̱ꞌ u̱vi̱ꞌ kui̱ya̱ꞌ (912) jee ni̱ꞌi̱ꞌ re̱ꞌ.
9Íñɨ́ Enós ku̱mi̱xiko u̱ji̱ꞌ kui̱ya̱ꞌ (90) sáá nsa̱ꞌá re̱ꞌ se̱ꞌya re̱ꞌ Cainán. 10Sáá njia̱ꞌa tiempúꞌ nsa̱ꞌá Enós se̱ꞌya re̱ꞌ Cainán jee ntekuꞌ Enós u̱na̱ꞌ sientúꞌ xa̱ꞌu̱nꞌ kui̱ya̱ꞌ ka̱ꞌ (815) jee nsa̱ꞌá re̱ꞌ ka̱ꞌ se̱ꞌya yɨ́ɨ́ jín se̱ꞌya sɨ́ꞌɨ́. 11Jee nɨꞌɨ rá kui̱ya̱ꞌ ntekuꞌ Enós ni̱ñɨ re̱ꞌ ɨ̱ɨ̱nꞌ sientúꞌ u̱ꞌu̱nꞌ kui̱ya̱ꞌ (905) jee ni̱ꞌi̱ꞌ re̱ꞌ.
12Íñɨ́ Cainán u̱ni̱xiko u̱ji̱ꞌ kui̱ya̱ꞌ (70) sáá nsa̱ꞌá re̱ꞌ se̱ꞌya re̱ꞌ Mahalaleel. 13Sáá njia̱ꞌa tiempúꞌ nsa̱ꞌá Cainán se̱ꞌya re̱ꞌ Mahalaleel jee ntekuꞌ Cainán u̱na̱ꞌ sientúꞌ vi̱xiko kui̱ya̱ꞌ ka̱ꞌ (840) jee nsa̱ꞌá re̱ꞌ ka̱ꞌ se̱ꞌya yɨ́ɨ́ jín se̱ꞌya sɨ́ꞌɨ́. 14Jee nɨꞌɨ rá kui̱ya̱ꞌ ntekuꞌ Cainán ni̱ñɨ re̱ꞌ ɨ̱ɨ̱nꞌ sientúꞌ u̱ji̱ꞌ kui̱ya̱ꞌ (910) jee ni̱ꞌi̱ꞌ re̱ꞌ.
15Íñɨ́ Mahalaleel u̱ni̱xiko u̱ꞌu̱nꞌ kui̱ya̱ꞌ (65) sáá nsa̱ꞌá re̱ꞌ se̱ꞌya re̱ꞌ Jared. 16Sáá njia̱ꞌa tiempúꞌ nsa̱ꞌá Mahalaleel se̱ꞌya re̱ꞌ Jared jee ntekuꞌ Mahalaleel u̱na̱ꞌ sientúꞌ o̱ko̱ꞌ u̱ji̱ꞌ kui̱ya̱ꞌ ka̱ꞌ (830) jee nsa̱ꞌá re̱ꞌ ka̱ꞌ se̱ꞌya yɨ́ɨ́ jín se̱ꞌya sɨ́ꞌɨ́. 17Jee nɨꞌɨ rá kui̱ya̱ꞌ ntekuꞌ Mahalaleel ni̱ñɨ re̱ꞌ u̱na̱ꞌ sientúꞌ ku̱mi̱xiko xa̱ꞌu̱nꞌ kui̱ya̱ꞌ (895) jee ni̱ꞌi̱ꞌ re̱ꞌ.
18Íñɨ́ Jared sientúꞌ u̱ni̱xiko u̱vi̱ꞌ kui̱ya̱ꞌ (162) sáá nsa̱ꞌá re̱ꞌ se̱ꞌya re̱ꞌ Enoc. 19Sáá njia̱ꞌa tiempúꞌ nsa̱ꞌá Jared se̱ꞌya re̱ꞌ Enoc jee ntekuꞌ Jared u̱na̱ꞌ sientúꞌ kui̱ya̱ꞌ ka̱ꞌ (800) jee nsa̱ꞌá re̱ꞌ ka̱ꞌ se̱ꞌya yɨ́ɨ́ jín se̱ꞌya sɨ́ꞌɨ́. 20Jee nɨꞌɨ rá kui̱ya̱ꞌ ntekuꞌ Jared ni̱ñɨ re̱ꞌ ɨ̱ɨ̱nꞌ sientúꞌ u̱ni̱xiko u̱vi̱ꞌ kui̱ya̱ꞌ (962) jee ni̱ꞌi̱ꞌ re̱ꞌ.
21Íñɨ́ Enoc u̱ni̱xiko u̱ꞌu̱nꞌ kui̱ya̱ꞌ (65) sáá nsa̱ꞌá re̱ꞌ se̱ꞌya re̱ꞌ Matusalén. 22Sáá njia̱ꞌa tiempúꞌ nsa̱ꞌá Enoc se̱ꞌya re̱ꞌ Matusalén jee nika Enoc nyɨ̱tíñú re̱ꞌ nu̱u̱nꞌ Ndiosíꞌ u̱ni̱ꞌ sientúꞌ kui̱ya̱ꞌ ka̱ꞌ (300) jee nsa̱ꞌá re̱ꞌ ka̱ꞌ se̱ꞌya yɨ́ɨ́ jín se̱ꞌya sɨ́ꞌɨ́. 23Jee nɨꞌɨ rá kui̱ya̱ꞌ ntekuꞌ Enoc ni̱ñɨ re̱ꞌ u̱ni̱ꞌ sientúꞌ u̱ni̱xiko u̱ꞌu̱nꞌ kui̱ya̱ꞌ (365). 24Jee nika Enoc nyɨ̱tíñú re̱ꞌ nu̱u̱nꞌ Ndiosíꞌ jee kuíre ntu ka̱ꞌ nééꞌ re̱ꞌ ñɨ̱vɨ́ yaꞌá chi nna̱keꞌen tékúꞌ Ndiosíꞌ maa.
25Íñɨ́ Matusalén sientúꞌ ku̱mi̱xiko u̱xa̱ꞌ kui̱ya̱ꞌ (187) sáá nsa̱ꞌá re̱ꞌ se̱ꞌya re̱ꞌ Lamec. 26Sáá njia̱ꞌa tiempúꞌ nsa̱ꞌá Matusalén se̱ꞌya re̱ꞌ Lamec jee ntekuꞌ Matusalén u̱xa̱ꞌ sientúꞌ ku̱mi̱xiko u̱vi̱ꞌ kui̱ya̱ꞌ ka̱ꞌ (782) jee nsa̱ꞌá re̱ꞌ ka̱ꞌ se̱ꞌya yɨ́ɨ́ jín se̱ꞌya sɨ́ꞌɨ́. 27Jee nɨꞌɨ rá kui̱ya̱ꞌ ntekuꞌ Matusalén ni̱ñɨ re̱ꞌ ɨ̱ɨ̱nꞌ sientúꞌ u̱ni̱xiko ɨ̱ɨ̱nꞌ kui̱ya̱ꞌ (969) jee ni̱ꞌi̱ꞌ re̱ꞌ.
28Íñɨ́ Lamec sientúꞌ ku̱mi̱xiko u̱vi̱ꞌ kui̱ya̱ꞌ (182) sáá nsa̱ꞌá re̱ꞌ ɨɨn se̱ꞌya yɨ́ɨ́ re̱ꞌ. 29Nsi̱kúnání re̱ꞌ maa Noé chi nkachiꞌ re̱ꞌ: “Maáréꞌ ví ya̱ xinúváꞌa re̱ꞌ iniꞌ‑ó nu̱u̱nꞌ tiñu sáꞌá‑ó jín tu̱nóꞌó nóꞌo‑ó sátíñú yɨ́ɨ́‑ó nu̱u̱nꞌ ñu̱ꞌún ya̱ nchi̱sónínu Ndiosíꞌ maa.” 30Sáá njia̱ꞌa tiempúꞌ nsa̱ꞌá Lamec se̱ꞌya re̱ꞌ Noé jee ntekuꞌ Lamec u̱ꞌu̱nꞌ sientúꞌ ku̱mi̱xiko xa̱ꞌu̱nꞌ kui̱ya̱ꞌ ka̱ꞌ (595) jee nsa̱ꞌá re̱ꞌ ka̱ꞌ se̱ꞌya yɨ́ɨ́ jín se̱ꞌya sɨ́ꞌɨ́. 31Jee nɨꞌɨ rá kui̱ya̱ꞌ ntekuꞌ Lamec ni̱ñɨ re̱ꞌ u̱xa̱ꞌ sientúꞌ u̱ni̱xiko xa̱ꞌu̱nꞌ u̱vi̱ꞌ kui̱ya̱ꞌ (777) jee ni̱ꞌi̱ꞌ re̱ꞌ.
32Íñɨ́ Noé u̱ꞌu̱nꞌ sientúꞌ kui̱ya̱ꞌ (500) sáá nsa̱ꞌá re̱ꞌ rá se̱ꞌya re̱ꞌ Sem, Cam jín Jafet.
© 2022, Wycliffe Bible Translators, Inc. All rights reserved.