ၥ မိ 9
9
9
ယွၩအဆၧအုၩ့လၩ့လၧစနိအၫ.
1ယွၩဆိၪဂ့ၩစနိအၫ ဒဲအဖိၪခွၫၥံၪတၭစံၭအဝ့ၫၥံၪ, မွဲနၥံၪၥၪထၪ့ ဒဲအၪထၪ့တၭ, မၩဎွ့ၩထၪ့ဂၪ့ခိၪဆံၭ. 2တၭဆၧၥၭမဲၪနၥံၪဒဲဆၧဝၭထိၬ လၧနၥံၪအကၠီၩ့မိအီၪ လၧကယဲဆၧဖိၪဆၧဎါအလီၩ့ လၧအအီၪဝ့ၫလၧဂၪ့ခိၪ ချိၫ့ယီၩ, ဒဲလၧကယဲထိၪၥံၪလံၪၥံၪအလီၩ့, လၧအအီၪ ဝ့ၫလၧဆၧဖိၭဖၫ့, ဒဲကယဲဆၧလၧအစွၩ လၧဂၪ့ခိၪချိၫ့ အလီၩ့, ဒဲလၧကယဲဒ့ၪၥံၪယၪၥံၪအလီၩ့ လၧမၫဆမံၭ ဖၧၩ့နီၪလီၫ. တၭဆၧဖ့ၪလၫ့ခွံၬအဝ့ၫၥံၪ လၧနၥံၪအ 3စူၪဖၧၩ့လီၫ.- ကယဲဆၧဂဲၩလၧအမၧၫ့ဝ့ၫ လမံၩ့လါလါ နီၪမိကဲၪထၪ့ဆၧအၪ့ လၧနၥံၪအဂး, ဘဲၫဆၧဒိၭဆၧ လၪအၥိၭနီၪ ယဖ့ၪလၫ့နၥံၪ လၧဆၧထီးအလူၬလီၫ. 4အ့ၪမွဲဆၧယၪအီၪ လၧအၥၭမၧၫ့ဘဲၫၦစံၭ ဆၧအၥိၭ, 5အၥွံၪနီၪတၭ, ထီးအၪ့လဂ့ၩ.- ယမိအၪ့ဎၬနၥံၪအၥၭ မၧၫ့အၥွံၪတၡါတၭ, ယမိအၪ့ဎၬဝ့ၫ လၧကယဲဆၧဖိၪ ဆၧဎါအစူၪဖၧၩ့, လၧကယဲၦၡၩအစူၪဖၧၩ့တၭ, ကယဲ ၦၡၩအထၧၫ့ဖုဝဲအစူၪဖၧၩ့ လဂၩလါလါနီၪ ယမိအၪ့ 6ဎၬၦၡၩအၥၭမၧၫ့လီၫ.- ၦလၧအလူၫလၩ့ခွံၬၦၡၩအ ၥွံၪနီၪ, မိဘၪဆၧလူၫလၩ့ခွံၬအၥွံၪဒၪဝ့ၫ လၧၦၡၩအ စူၪဖၧၩ့လီၫ. အဂဲးဘဲၫယီၩ ယွၩမၩကဲၪထၪ့ၦၡၩဘဲၫ 7အခံးအဂၩ့ဒၪဝ့ၫအၥိၭနီၪလီၫ.- တၭနၥံၪဝ့ၫဒၪယီၩ, ၥၪထၪ့နၥံၪဝ့ၫတၭ, အၪထၪ့ဆံၭ, ထၪ့ဖိၪအၪဂၩလၧ ဂၪ့ခိၪချိၫ့, ဒဲအၪထၪ့လၧအဖၫ့ခိၪဆံၭ.
8ယွၩစံၭစနိၭအၫ, ဒဲအဖိၪခွၫၥံၪလၧအအီၪလၧအၥိၭ 9တၭ,စံၭဝ့ၫဒၪ,- ယဝ့ၫဒၪယီၩ, ယိခွါ, ယအီၪက့ၪဂုး ခၧၫ့ယဆၧအုၩ့လၩ့ လၧနၥံၪ, ဒဲလၧနၥံၪအချံၫအၥၪ 10လၧနၥံၪအလးခဲၫ့လီၫ.- ဒဲလၧကယဲဆၧၥၭမၧၫ့ အီၪ လၧနၥံၪအၥိၭ လၧထိၪၥံၪလံၪၥံၪ လၧဆၧဖိၪဆၧဎါ အဒိၩ့, ဒဲလၧကယဲဆၧဖိၪဆၧဎါ လၧဂၪ့ခိၪချိၫ့ၥံၪအ ကျၩအီၪလၧနၥံၪအၥိၭ, လၧကယဲဆၧလၧအစဲၪ့လၩ့ ခွံၬလၧတလၫဖၭဒိၪအဖၧၩ့ ကယဲဆၧဖိၪဆၧဎါလၧဂၪ့ 11ခိၪချိၫ့လမံၩ့လါလါနီၪလီၫ.- တၭယမိအီၪက့ၪဂုးခၧၫ့ ယဆၧအုၩ့လၩ့ လၧနၥံၪလီၫ. ကယဲဆၧယၪလမိဘၪ လၧၩ့ဘၪဆၧဒၪ့ထ့ၬခွံၬဝ့ၫ လၧထံၫလၩ့ဘံၭဆၧတၭ, ထံၫလုၬဘံၭဆၧ လၧအမိမၩဂၭဂီၩ့ခွံၬ ဂၪ့ခိၪယီၩမိ အီၪထၪ့လၧၩ့အ့ၬ.
12တၭယွၩစံၭဝ့ၫဒၪ, ယဆၧအုၩ့လၩ့အဆၧမၩနဲၪ့လၧ ယအုၩ့လၩ့လၧနၥံၪ, ဒဲကယဲဆၧၥၭမၧၫ့ လၧအအီၪ 13လၧနၥံၪအၥိၭ အဆိၩအကၠၪနီၪမွဲအယီၩ,- ယမိအီၪ က့ၪယချံၪလၧဆၧအုၪ့အလီၩ့တၭ, မိကဲၪထၪ့ဆၧအုၩ့ လၩ့အဆၧမၩနဲၪ့ လၧယအုၩ့လၩ့ဆၧ လၧဂၪ့ခိၪနီၪ 14လီၫ.- ဆၧမိမၩအၥၭ ထီးယဒုၭအုၪ့ထၪ့ဆၧလၧဂၪ့ခိၪ အဖၫ့ခိၪတၭ, ချံၪလဒုၩနီၪ မိအီၪဖျီၪ လၧဆၧအုၪ့အ 15လီၩ့နီၪလီၫ.- တၭယမိနၪ့ထၪ့ထဲၩ့ ယဆၧအုၩ့လၩ့လၧ ယအုၩ့လၩ့ဆၧလၧနၥံၪ, ဒဲကယဲဆၧၥၭမၧၫ့ အီၪလၧ ကယဲဆၧယၪ အကျၩနီၪလီၫ. တၭထံၫမိကဲၪထၪ့ဆၧ လၧအမၩလၩ့ဘံၭဆၧ, ဘဲၫၥိၭအမိမၩဂၭဂီၩ့ခွံၬကယဲ 16ဆၧယၪထီးအလူၬနီၪမွဲအ့ၬ.- တၭဆၧလၧချံၪလဒုၩ နီၪမိအီၪလၧဆၧအုၪ့အလီၩ့တၭ, ယမိယိအဝ့ၫဘဲၫယ မိနၪ့ထၪ့ထဲၩ့ယဆၧအုၩ့လၩ့အၥိၭ အဆိၩအကၠၪလၧ ယွၩအုၩ့လၩ့ဆၧ, ဒဲကယဲဆၧၥၭမၧၫ့ လၧကယဲဆၧ 17ယၪအကျၩ လၧအအီၪလၧဂၪ့ခိၪလီၫ.- တၭယွၩစံၭ စနိအၫ, အယီၩ, မွဲဆၧအုၩ့လၩ့ လၧယအုၩ့လၩ့ဆၧ လၧကယဲဆၧယၪ လၧဂၪ့ခိၪချိၫ့ အဆၧမၩနဲၪ့လီၫ.
စနိအၫဒဲအဖိၪခွၫလဖၪ.
18တၭစနိအၫအဖိၪခွၫၥံၪ လၧအစဲၪ့လၩ့ခွံၬလၧတလၫ ဖၭဒိၪအဖၧၩ့နီၪ, မွဲစၡံၫ့, စဟၫ့, ဒဲစယၫဖ့ၭလီၫ, တၭ 19စဟၫ့နီၪ, မွဲစကၫနအၫ့အဖါလီၫ.- အဝ့ၫၥံၪနီၪမွဲစနိအၫ အဖိၪခွၫၥၧၫ့ဂၩတၭ, ၦလဖၪနီၪ အဆၨၩအဆၬအီၪ ဎံၩ့ဂၪ့ခိၪချိၫ့ယီၩလီၫ.
20တၭစနိအၫကဲၪထၪ့ ၦမၩကၩလၧဂၪ့ခိၪတၭ,ၥုၪ့လၩ့ 21စဘံၭမုအလးလီၫ.- အဝ့ၫအီၩစဘံၭထံၫနီၪ မၧၩ့ဝ့ၫ 22တၭ,အီၪဘိၪ့ လၧအတဲၩဖၧၩ့လီၫ.- စကၫနအၫ့အဖါ စဟၫ့လဂၩဒၪ ဘၪအဖါအီၪဘိၪ့ဝ့ၫတၭ, လီၩဘၪအ 23ထၧၫ့ဖုဝဲနံၫဂၩ လၧအအီၪလၧခီၫ့လီၫ.- စၡံၫ့ဒဲစယၫဖ့ၭ မၩန့ဖၬဘဲၩ့လုၬလဘံၪ့တၭ, အီၪက့ၪထၪ့ဝ့ၫလၧအခိၬ ထံၭနံၫဂၩလူၬတၭ, လ့ၩဂုၩ့ထဲၩ့အၥၭလခီၫတၭ, မၩ ဘံၭအဖါအီၪဘိၪ့နီၪတၭ, လဒၪဘၪအဖါအီၪဘိၪ့ဝ့ၫ 24ဒၪလီၫ.- စနိအၫမံၫနၪ့ထၪ့အၥၭ လၧအအီၩစဘံၭထံၫ အဖၧၩ့တၭ, ဆၧလၧအဖိၪဒၪဘၨၩမၩဝ့ၫနီၪ ၥ့ၪယၫဝ့ၫ 25ဒၪလီၫ.- တၭစံၭဝ့ၫဒၪ, မွဲစကၫနအၫ့ ဘၪဆၧဆိၪအၧၩ့ ဆံၭ, မိကဲၪထၪ့ဎီးလဖၪအဎီး လၧအထၧၫ့ဖုဝဲလဖၪ 26အဎီးလီၫ.- တၭစံၭဝ့ၫဒၪ, ယဟိဝၩစၡံၫ့အယွၩနီၪ,မွဲ အဘၪဆိၪဂ့ၩဆံၭ, တၭစကၫနအၫ့မိကဲၪထၪ့ အဎီးအ 27ၡၩလီၫ.- ယွၩမိမၩလဲထၪ့စယၫဖ့ၭအလးတၭ, မိအီၪ ဝ့ၫလၧစၡံၫ့အတဲၩလဖၪအဖၧၩ့တၭ, စကၫနအၫ့မိကဲၪ ထၪ့အဎီးအၡၩလီၫ.
28တၭစနိအၫအီၪဝ့ၫ လၧထံၫလုၬဘံၭဆၧအလးခဲၫ့ 29နီၪ,အနံၪ့ၥၧၫ့ယၩယဲဆံၫလီၫ.- စနိအၫအမုနံၩထီးအ လူၬနီၪ, အနံၪ့ခွံၫယၩယဲဆံၫတၭ, ၥံၫဝ့ၫဒၪလီၫ.
Pwo Kayin Bible © Bible Society of Myanmar, 1883.