KENESE, 10
10
O LE MATAUPU X.
O gafa o Semu, ma Hamo, ma Iafeta.
1O gafa foi nei o atalii o Noa, o Semu, o Hamo, ma Iafeta; na fananau foi ia te i latou o atalii a ua mavae le lolo. 2O atalii nei o Iafeta; o Komeri, ma Makoku, ma Metai, ma Iavana, ma Tupalu, ma Meseko, ma Tirasi. 3O atalii foi nei o Komeri; o Asekeneso, ma Rifata, ma Tokaremo. 4O atalii foi nei o Iavana; o Elisa, ma Tasesa, o Kitimo, ma Totanimo; 5o i latou nei na āina solo ai o nuu tumatafaga o nuu ese, i o latou laueleele, e taitoatasi ma lana gagana, i o latou aiga, i o latou nuu. 6O atalii foi o Hamo; o Kuso, ma Misaraimo, ma Futu, ma Kanana. 7O atalii foi o Kuso; o Sepa, ma Havila, ma Sapeta, ma Ragama, ma Sapeteka; o atalii foi o Ragama; o Seepa, ma Titana. 8Na fanaua foi e Kuso o Nimarota; o ia foi na amata ona fai ma alii malosi i le lalolagi; 9o lē malosi foi o ia i tuli manu i luma o Ieova; o le mea lea ua faapea ai le upu, E pei o Nimarota lē malosi i tuli manu i luma o Ieova. 10O le pogai foi o lona malo o Papelu, ma Areka, ma Akata, ma Kalene, i le nuu o Senara. 11O le nuu lava lea na alu atu ai Asura, ma ia faia Nineva, ma le aai o Reopo, 12ma Kala, ma Resena e i le va o Nineva ma Kala; o le aai tele lea. 13Na fanaua foi o Misaraimo o tagata Luti, ma tagata Anama, ma tagata Leapi, ma tagata Nafatui, 14ma tagata Pateruse, ma tagata Kaselui, (sa tutupu ai Filisitia,) ma tagata Kafatori.
15Na fanaua foi e Kanana o Saitonu, o lana ulumatua lea, ma Heti, 16ma sa Iepusē, ma sa Amorī, ma sa Kirekasē, ma sa Hivī, 17ma sa Arekī, ma sa Senī, ma sa Aratī, 18ma sa Semarī, ma sa Hamatō, mulimuli ane ua faasalalau atu aiga o sa Kananā. 19O le tuaoi foi o sa Kananā na afua lea i Saitonu, ona oo lea i Kasa, i le ala e ui atu ai i Kira; ona ui lea i Sotoma, ma Komoro, ma Atama, ma Sepoima, e oo atu i Lasa. 20O atalii ia o Hamo i o latou aiga, ma a latou gagana, i o latou laueleele, ma o latou nuu.
21O Semu foi na fanaua ona atalii, o le tupuga o le fanau uma a Eperu, o le uso o Iafeta le matua. 22O atalii nei o Semu; o Elema, ma Asura, ma Afasata, ma Luti, ma Arama. 23O atalii foi nei o Arama; o Usa, ma Hulo, ma Kiteru, ma Mase. 24Na fanaua foi e Afasata, o Selaa; na fanaua foi e Selaa, o Eperu. 25Na fanaua foi e Eperu ona atalii e toalua; o le igoa o le tasi o Peleko; auā o ona aso ia ua vaevaeina ai le lalolagi; o le igoa foi o lona uso o Ioketana. 26Na fanaua foi e Ioketana o Alemotata, ma Salefo, ma Asamoveta, ma Iaraa, 27ma Aturamo, ma Usala, ma Tikelu, 28o Upalu foi, ma Apimalu, ma Seepa, 29ma Ofeira, ma Havila, ma Iopapo; o i latou uma nei o atalii o Ioketana. 30O le mea na latou mau ai na afua i Mesa ua oo i Sefara, o le mauga lea i sasae. 31O atalii ia o Semu, i o latou aiga, ma a latou gagana, i o latou laueleele, i o latou nuu. 32O aiga ia o atalii o Noa, e tusa ma o latou gafa i o latou nuu; o i latou ia foi na āina solo ai atu nuu i le lalolagi ina ua mavae o le lolo.
Samoan Edited Old Version © Bible Society of the South Pacific, 2017.