Zohane' 4 的热门经文

分享

O'moso'mi emeni dameni nene Sikalahu' ne'mine neine' nenako ei' O'moso opo'ni lilizave nete ei' Sikalahu've ne'mo ngelebizeline' monovo gihilelotikovo' nene opo'ni lilizado' o neive.

Gamene ma aline' o minine' gamene idise mo ogangu' mene lu'ine laminetoti' O'moso opo'ni laa' ave ingine ei' Sikalahu've ne'mo ngelebizeline' monovo gihilelotikovo' nene opo'ni lilizave. Ne'mine noluvoni' nene me'neho O'moso aza a'mine ne'mine monovoloti' opo'ni lilizavemu' nene vise' ogo minaa' neine' nenako nemu' ne luve.

Ne'mine ilisani'za neni' ngemeloni' noso nalizave nene gohi a'minemu' ngisamivo mini di dizi nizavo a'mine ngemeloni' noso minevo' minevo' ogali'mi izeleho ne'mo engi' lu'ningu' nene hinipini' ne'mino dizo mineleseive.

Ne'mine lavo Izesu' ti' lo lo-imine': Gaza O'moso'mo lehize-lengedaa' neine' initekumukisi ido' nosomu' voku' lo-giduve neni' monovo'ne nemukisi nene ma ningo gele minaine' neidiniko gaza voku' laanivo naza nene noso hinipinikuti' dizaa' neine' noso minevo' minevoli'mi izelehosi minine' noso nene gimuvodine.

Ne'mine likevo Izesu' ti' lo lo-ngimine': Neni' noso' nite'ne nene nimiselive ei' lulolo' inite' ogo molo mino nimine' gono've do peleloni' neve nene noso' nite'ne ve.

Ne'mine lavo vene' aza ti' lo lo-imine': Ve melo, gaza noso ohizaa' initeka nene ma do minamane' nenako ido' galeseu' noso nesi nene homiu' goloso neine' nenako gaza a'mine hinipinikuti' minine' noso nemelove laine' nene zaukoti' do nemelesa lane.

Ne'mine lavo vene' aza ti' lo lo-imine': O'moso'mo do lu' izelive lo imiselelesa live ve lave nene mo aloseive likevosa naza nene mo aloseive lo gele nouve. Aza ogo inite' mukikumu' nene lo soto' ogo lo-lemeleseive. Lavo Izesu' ti' lo lo-imine': Gamazi nolo-gimuve neni' nene a'mine ve ne nouve.

Lingine ve ma neni' ogo molo oga' uvoni' monovo muki' lo soto' o-nidive nene ningilizaze. Alo. Aza nene O'moso'mo do lu' izelesa kegese-dive Kilisito' nehe lo ga'ne sita' nogiluze. Igi ningi' nalo.