Yoni 17 的热门经文

分享

Ta yasida 'emuya be 'imu ona 'ai'ailega 'uda giebobo'anedi be 'imu bodao 'esasedi.

Ta yawasi ataya gete 'abo tomota simwalatoniyo 'aene 'oyo tuga tebweuyo Yaubada 'ai'aila, be wate 'abo To'etoseyana nigu simwalatonigu 'aene 'oyo 'uetuneguma.

“Tamagu ye, nigeya 'aene taudimo manudi yasidasidawa, ta esi taudi wate ma'etamo 'idi onega sida emisegu manudi. Yasida 'emuya be 'aene maibo'adi sida e'ebweu 'edaya, nadigega 'oyo be 'abo'agu 'ebweuna tuga, be 'enega me bale'u sida emisegu 'aene 'oyo 'uetuneguma.

Ta nigeya yasidasida manudi be 'aene bale'uyega 'uda 'ewa apwesedi, ta esi yasidasida manudi be 'aene geya'abo toto'umalina nina 'igitogitoodi.

“Lowa 'imu esaesa maemaedanina 'u'ebwa'eguya ni'atu tomotai nidi ya'ebwa'edi, be 'enega sida e'ebweu, nadigega tuga 'abo'ada tae'ebweuna. Ta 'abo'agu 'ediya yamiyami. 'Oyo wate 'eguya 'umiyami, be gete 'enega sida e'ebweu 'ai'aila. Be wate gete 'enega me bale'u sida mwalatonigu 'aene 'oyo 'uetuneguma, be wate sida mwalatoniyo 'aene 'oyo 'uobobomedi taudi, tuga nadigega 'abo'agu 'uobobomegu.