TUTU LUCA 20 的热门经文

分享

Tacan cuu, ta cati ndico ra Jesuu chi ra ta ra ti: ―Na cua cuhva ndo cha cuu chi ra cumi tiñu can chi ra, ta chi ra Ndioo cua cuhva ndo cha cuu chi maan ra ―cati ra.

Ta ndehe ra Jesuu chi ra ta ra, ta cati ra ti: ―Cha cati tutu Ndioo cuenda yu ti: Iyo iin yuu, ta cati ra sandaa vehe ti ña vaha chi, soco yuu can cha cuu yuu cahnu tutu vehe. Chacan ni savaha ra chahnu, cati tutu Ndioo.

―Na cua saha vaha ndo cuenda yoso cuhva ni ndacu ra sacuaha ley chahnu. Cuni xaan ra caca cuu ra, ta ndichin ra sahma vaha. Cuni xaan ra cha cua sacahnu ñivi chi ra nu chica ra iti nuyahvi. Cuni xaan ra cunda ra tayu vaha ve ñuhun. Ta ni cuhva cuni ra cunda ra tayu vaha nu chachi ñivi, ta sacahnu ñi vico. Suhu xaan ra ndatiñu ñi ñahan ndahvi, ta nahan xaan cahan ra chi ra Ndioo, soco vata ra cuhva cahan ra. Cuaha xaan ca cua cutuni ra sacuaha ley can ―cati ra.