San Juan 13 的热门经文

分享

Ne̱ nihánj me suun naca̱ aꞌnéꞌ ꞌu̱nj rihaan soj, se vaa ꞌo̱ ga̱a̱ ꞌe̱e̱ rá soj man tuviꞌ soj á. Dan me se da̱j se cunuu ꞌe̱e̱ raj niꞌya̱j man soj roꞌ, da̱nj ga̱a̱ quiꞌya̱j soj, ga̱a̱ ꞌe̱e̱ rá soj man tuviꞌ soj a. Sese ga̱a̱ ꞌe̱e̱ rá soj man tuviꞌ soj, ne̱ queneꞌe̱n cunuda̱nj yuvii̱ se vaa si̱j tucuꞌyón snana̱j me soj na̱nj ado̱nj ―taj Jesús rihaan nij síí tucuꞌyón snana̱ soꞌ a.

Cheꞌé dan, sese ma̱ꞌán ꞌu̱nj si̱j me Maestró do̱ꞌ, Señor do̱ꞌ, a̱j naꞌnuꞌ tacóó soj, ne̱ no̱ xcúún soj naꞌnu̱ꞌ soj tacóó tuviꞌ soꞌ na̱nj ado̱nj. Da̱nj ina̱nj quiꞌyáj, cheꞌé rej me raj queneꞌe̱n soj manj, ne̱ xca̱j soj cuentá da̱j quiꞌya̱j maꞌa̱n soj uún ado̱nj.

Ga̱a ne̱ cataj Jesús rihaan soꞌ a: ―Ne neꞌén so̱ꞌ me cheꞌé ꞌyáj da̱nj cuano̱ maꞌ. Tza̱j ne̱ vaa güii, ne̱ xca̱j so̱ꞌ cuentá ado̱nj ―taj Jesús rihaan Pedró a.

Cuano̱ nihánj me cata̱j xnaꞌanj yá ꞌu̱nj rihaan soj se vaa né si̱j noco̱o doj me mozó rihaan se‑ruꞌve̱e̱ mozó maꞌ. Ne̱ né si̱j noco̱o doj me síí caꞌanj suun rihaan síí caꞌnéé man soꞌ maꞌ.

Ne̱ a̱j cuno soj nana̱ nihánj, ne̱ sese quiꞌya̱j soj nu̱ꞌ nana̱ nihánj, ne̱ ya̱ cavi̱i̱ sa̱ꞌ soj ado̱nj.

Dan me se ga̱a quisíj chá xtiꞌno̱ nij soꞌ, ne̱ quirii Jesús roto̱ nu̱u̱ soꞌ, ne̱ taꞌaa soꞌ yatzíj toallá, ne̱ numíj soꞌ catuu̱n soꞌ a. Veé dan, ga̱a ne̱ caraa soꞌ na rque rcoꞌo̱o, ga̱a ne̱ guun cheꞌe̱ soꞌ naꞌnuꞌ soꞌ tacóó nij síí tucuꞌyón snana̱ soꞌ, ne̱ nachen soꞌ yatzíj toallá numi̱i catuu̱n soꞌ, ne̱ tinacoo̱ soꞌ tacóó nij síí tucuꞌyón snana̱ soꞌ a.