Lucas 23 的热门经文

分享

Tawamhã Zezusi hã Timama wi ma tô rowaptẽ, te te siwi isasõmri norĩ ãma, ãne: — Ĩmama, iwasédé hã ãma 'madâ'â za'ra tõ, te te i'manharĩ za'ra zé hã te te waihu'u za'ra õ wa. Tawamhã Zezusihi uza na ma tô ãma sima aipé, ẽtẽ zapotore i'ui'éré ré hã te te nasi sima sãmra wa, isisi nasi iwairébé zarina.

Tawamhã Zezusi hã ma tô asa tãma tinha, ãne: — Tô sena wa za aima waihu'u, ãne. Ã bâtâ na te za oto ĩsiré 're asãmra mo, rowẽ uptabi ãma 'Re ihâimana u'âsi mono 'rata.

Taha pari, ma tô Zezusihi ma oto tinha, ãne: — Zezusi, ma'ãpé ĩ'ãma aipo're pu'u za, apito na oto 're aihâimana mono wamhã.

Tawamhã Zezusi hã ma tô mreme 'rãihâ na Timama 'mahâ, ãne: — Ĩmama, asib'rata wa ãma aima tisõ, ĩpẽ'ẽzani hã. Tawamhã ãne te te nharĩ pari, ma tô oto pẽ'ẽ hai'utõ.

Tawamhã Da'rãihi na romnhisi u oto sihutu wamhã, tame ma tô Zezusi hã sasõmri ni, wede po'o nhonhi'rãmi na. Rob'manharĩ wasété 'wa norĩ zama ma tô isiré sasõmri zahuré ni, ihâiba amo hã isimire niwĩ duré ihâiba amo hã isimi'e niwĩ.

Tawamhã oto abzuma wa'wa, robra hã ma tô rob'upsi, uburé daro mono bâ, si'ubdatõ bâtâ pibuzéb u bâdâ isiprazéb u. Taha ré hã, bâdâ te te rob'uiwẽ õ di. Tawamhã zazahâ ihâpa ma tô hâihaipo'o iwa'wa, 'Re ihâimana u'âsi mono nhorõwa 'ri 'rãihâ ãma hã.

Tawamhã ãne iromhâimanazé dasi'wapéi 'manharĩ'wa norĩ wada'uri'wa te te 'madâ'â wamhã, ma tô 'Re ihâimana u'âsi mono ãma tiwata, ãne: — Tô sena tô, ã hã aibâ hã 're imorĩ wẽ!