Lucas 19 的热门经文

分享

Ti'ai ãma Dasiré Ipodo hã ma tô wei mo, siwa'ru 're inomro mono zô 're rĩtĩ mono da, duré te te 're anho'reptui mono da.

Apito, Uburé Danhib'apito nhisi na we imorĩ hã, 'Re ihâimana u'âsi mono iwẽ hã te te tãma 're ipisutu u'âsi mono da si, iwẽ hã! Hâiwa ãma rowẽ u'â hã 're isa'wari mono da si. Duré 'Re ihâimana u'âsi mono ãma zama, 're wawata za'ra wa'aba mono, hâiwa ãma 're isãmra mono ãma!

Tahawa Zezusi hã ma tô tãma tinha, ãne: — Ã bâtâ na hã, ãwa 'ri u ma tô danho'reptuzé hã we ãzé. E marĩ wa. Ã hã aibâ zama Abra'ãhã nhihudu 're hâimana mono wa duré.

Tawamhã Zezusi hã wede zahâpâ u oto wisi wamhã, hâimo ma tô rob'madâ. Tame ma tô Zaqueu 'mahâ, ãne: — Zaqueu, ma'ãpé waptu na si'ra na. Wa ĩsima wẽ, ã bâtâ na hã asõrõwa ãma ĩnhamra da. Tawamhã Zaqueu hã waptu na ma tô si'ra. To sina ma tô 'mazé, tinhorõwa u.

Tawamhã Zaqueu hã hâiwi ma tô za. Wanhib'apito ma, ma tô tinha, ãne: — Apito, ĩwapari! Isibrob'õ norĩ ma, wa za ĩnhibrom na aiwa ãma aipo'o. Ni'wai wi ãma ĩnhimisaihuri wamhã, wa za ãma tãma sisiwi, maparane si'uiwa na.

Tawamhã nima norĩ farizeu norĩ dawazari ihâimana za'ra hã ma tô Zezusihi ma nharĩ za'ra, ãne: — Rowahutu'wa, ma'ãpé asazei'wa norĩ ma nharĩ za'ra na, hãsi mono tõ da. Tahawa Zezusi hã ma tô ãma sada'âbâ za'ra, ãne: — Tô sena wa za aima waihu'u za'ra wa'wa, ãne: Ari'iwi si'aba'ré da wamhã, ẽtẽ norĩ hã te za hãsi, isibrob'reb za'ra.