Luke 14 的热门经文

分享

“Mbe la stsꞌu tiyalh seꞌ ꞌutꞌen kꞌoh ꞌuwhutilhꞌelh-un whe dubá ꞌinkꞌez duloo, duꞌat cha, ꞌinkꞌez duzkeh, dulhutsinke, ꞌinkꞌez dulhtuske, ꞌalhaꞌ dichꞌoh whe yinka usda-un cha, ndi njan tsꞌiyawh hukwa lheꞌhunizun de, ꞌen ꞌaw sgha hodilꞌeꞌ-un ooleꞌ ꞌaitꞌoh.

ꞋInkꞌez mbe la dutulalhgus lhudistel-un suntiyal-un, ꞌaw sgha hodilꞌeꞌ-un ooleꞌ ꞌaitꞌoh.

ꞋEt mbe la ncha naꞌdudilꞌi-un, ꞌen yooya tileh. ꞋInkꞌez mbe la teꞌ dudilꞌen-un, ꞌuntꞌoh-un huyoolhtselh.”

ꞋEt huwa nohni nohtoh ꞌilhone ꞌahli whe, tsꞌiyawh ahtꞌi-i, ꞌaw oolalhduzahni de, ꞌaw sgha hodilꞌeꞌne oohleꞌ ꞌaitꞌoh.

Mbe ꞌuntꞌoh nohtoh-un, whedinꞌai-i ꞌutilelh de, ꞌaw lawk ꞌudechoo nátlꞌa dida ꞌinkꞌez daltsuk tileh ꞌaw lhuyóolhtoh ndi wheninꞌai-i bé lhaoodutaneh-i? Doo ka la ꞌaw ndulhinel de, ꞌinkꞌez yoh ookꞌu whuzꞌai-i ꞌinla, ꞌaw soo ꞌultsuk ye lhaoodutileh-i lhitꞌiꞌ de, whunilhꞌenne, tsꞌiyawh highu tidloh. ꞋInkꞌez la ꞌuhudooniꞌ, ‘Ndun dune whedinꞌai-i wheꞌ yuninleꞌ ꞌinkꞌez ꞌaw lhai dooleh ꞌaitꞌoh!’

ꞋEt hoontsꞌi huwa ꞌutanꞌalh de, ꞌet telꞌenne, ꞌinkꞌez dzoh nudilhne, ooyustꞌe bodinꞌaine, ꞌinkꞌez hoos̱ꞌenne cha, nduntꞌohne, ꞌenne bughu nonyaꞌ. ꞋEt nyun ꞌukꞌenus hoonzoo-un nyulh ꞌúhoneh, ꞌaw mba kꞌelha hoohoolhtselh ꞌaitꞌoh. ꞋInkꞌez nyun tsꞌihꞌun ꞌuntꞌohne dunahudidil de, ꞌet de mba kꞌelha whutaleh.”

Lisel ꞌi ꞌuzooꞌ whe ꞌuntꞌoh. ꞋEt hoontsꞌi ꞌaw oonalhuwhúlhnih suliꞌ de, ntsꞌenꞌa suba doo cha oonawhúlniꞌ naoodleꞌ? Lisel oonalhuhóolni de, ꞌaw hoonli huba lheꞌízooꞌ whe ꞌuntꞌoh. ꞋAw yun ꞌinkꞌez musdoos dáltsꞌiꞌ-un ꞌet hoontsꞌi huba lheꞌízooꞌ whe ꞌuntꞌoh. ꞋI Dune tehúyulhkuk, huba ꞌuntꞌoh. Mbe la oodzeh hoonline hohoozólhtsꞌaiꞌ!”