Naṉ. 4 的热门经文

分享

Péṉker túraitkiumka paṉkái̱ íirsaintme. Túrasha péṉker túrachu asam anearta. Tunáa wárik nupettamkattsa wakerutmawai. Túrasha kakaram ajakmeka nupetkamniaitme” tímiayi.

Núnisaṉ Set uchin yajutmar Enus anaikiamiayi. Nui̱ Uunt Yusa náari̱n pachitian juárkiarmiayi.

Nuya̱ṉka Uunt Yus Káinian aníak “¿Ame yátsum Awirsha tui̱ pujá?” tímiayi. Tutai Kain aya̱k “Cha, nékatsjai. Antsu wíkiaitiaj winia yatsurun wáinniuna” tímiayi.

Tutai Yus chicharuk “¿Urukamtai ausha áitkiam? Ame yatsumi numpe̱ uputúrumna nu nuṉkaya̱ untsurun paant anturkajai” tímiayi.

Tutai Uunt Yus chicharuk “Antsu ámin mantamaka siati asutiámu átatui” tímiayi. Nuyá̱ Uunt Yus Káinian máwara̱i̱ṉ tusa niisháa iira mantamnachmin awajsámiayi.