Lucas 15 的热门经文

分享

Y ec'u xu'ano. Xumaj bi ube chirocho rukaw. »Ec'u rukaw, echiri' xril pana ruc'ajol chinimanaj, lic xjuch' ca'n pa ranima'. Lic c'u ri' canic xe'ec y xu'c'ulu apanok. Xulak'apuj y xutz'ub uchi'.

ma wa nuc'ajol e junam ruc' caminak chic yey wo'ora xc'astaj lok. Rire sachinak chic pero xrikitajic” xcha chique. Y xquijeko lic quequi'cotic.

»Cambi'ij c'u ri'in che alak: Más ne c'o qui'cotemal chila' chicaj ruma juna aj mac cutzelej utzij chwach ri Dios, chiquiwa noventa y nueve jusuc' e c'olic y na cajawax taj cacuytaj quimac.

Ec'u wo'ora quintzelej chirocho ri nukaw y jewa' cambi'ij che: Tat, in macuninak chwach ri Dios y chiwach rilal.

»Y rala xubi'ij che rukaw: “Nukaw, in macuninak chwach ri Dios y chiwach rilal. Na takal ta chic cabi'x chwe in c'ajol la” xcha'.

«¿Sa' nawi cu'an junok che alak we e c'o jun ciento ubexex yey casach c'u junok chique? ¿Na quebuc'ol ta neba can ri' ri noventa y nueve pa ri quiluwar y que'ec c'u che utzucuxic ri jun xsach canok? Yey na cuxlan ta che utzucuxic c'a echiri' cu'rika lok.