लूका 3 的热门经文

分享

यूहन्‍नै पट्‌टकोके बप्‍तिस्‍मा याहाच बेलाङ येशूके घनीङ बप्‍तिस्‍मा याहा। हटै येशूये प्रार्थना जाट्‌नाङ स्‍वर्ग फोचीसा। हटै पवित्र आत्‍मा ढुकुरो रुपाङ येशूटकनी राहाकाङ। हटै स्‍वर्गइङ काट इट टेच आवाज राहा, “नाङ ङौ रोह जाट्‌च मीजा आले। ङा नाङ कठा बेहेरी मर्‌हाङमनङ।”

यूहन्‍नै होसोकोके टेया, “ङै नाक्‍कोके डीये बप्‍तिस्‍मा याहालाङ बाकी र ङाटेनाङ शक्तिशाली काट राम्‍हलेको। ङा होस्‍कुङ चप्‍पलो फीट्‌टा फोसाक्‍के लायकावो घनीङ मालेनाङ। होस्‍कोइ नाक्‍कोके परमेश्‍वरो पवित्र आत्मै बप्‍तिस्‍मा याहानीसीङ सफा जाट्‌लेको हटै म्‍हेये पवित्र जाट्‌लेको।

परमेश्‍वरीङ राहाच क्रोधीङ जोह्‌के नाक्‍कोइ पाप जाट्‌के डास्‍म परमेश्‍वरलाक ल्‍हेस्‍च जीबन जीवाके परीस्‍ले। हटै मेल्‍लाकोके परमेश्‍वरो क्रोधीङ जोगडीके, ‘कानको अब्राहामो मीजाको आले नाटेनीस।’ हीके टेहाङ सेनीस, परमेश्‍वरे ल्‍हुङकोके ज अब्राहामो मीजाको खास्‍के ह्‌योकलेको।

इन्‍नाङ ज परमेश्‍वरो क्रोधौ आर्‌वा मीमौ म्‍यारटुमाङ परीस्‍म भ्‍यामले। परमेश्‍वरे होसै सेहेम मीस्‍या मास्‍याच सीङो मीमा लख लेच भर्‌मीकोके सजाय याहाके टेनीसीङ म्‍यारटुमीङ ज चेम फुस्‍म जोसाक्‍लेको।”

होस पट्‌ट कुराको यशैया अगमवक्तै परमेश्‍वरो बचनाङ रीक्‍च लख ज छान्‍के राहा। होलाङ इट रीक्‍मलेया: “उजाड ठावाङ काट भर्‌मीये कराहाङ्‌च आवाजाङ ङाहाक्‍ले, ‘मेल्‍लाकोके प्रभुवाङ विश्‍वास जाट्‌के तयार जाट्‌नीस, होस्‍कुङ लागी लाम तयार जाट्‌नीस हटै होस्‍कुङ लाम सोझो जाट्‌नीस। नाक्‍कोइ पट्‌ट फाँटको पुर्‌डीके परीस्‍ले, हटै डाँडाकोके खास्‍नीसीङ न्‍हामाक्‍के परीस्‍ले, हटै गोङ्‌च लामके सोझो पार्‌डीके परीस्‍ले मासेहेच लामके सेहेच जाट्‌के परीस्‍ले। हटै पट्‌ट भर्‌मीकोइ परमेश्‍वर लाकीङ राहाच मुक्ति डाङ्‌ले।’”