Luke 6 的热门经文

分享

Selleð ⁊eow beoð geseald. god gemet ⁊full ⁊geheapod ⁊oferflowende hyo sylled on eowrne bearm. Þam sylfen gemette þe ge meteð; eow beoð gemetan.

god man of goden goldhorde; hys heorte god forðbrincð ⁊yfele men of yfele goldhorde yfel forðbringeð. Soðlice se muð specð swa swa sye heorte þencð.

Þeahhwæðere lufiað eowre feond ⁊heom wel doð ⁊leane sylled nan þing þanum (sic) eft gehihtende ⁊eower mede beod mycel on heofene ⁊ge beoð þas hegesten bearn. for þam þe he ys god ofer unþancfulle ⁊ofer yfele.

Eornestlice beoð mildheorte swa eower fader is mildheort.

Nelle ge demen ⁊ge ne beoð demede. Nelle ge nyðerien ⁊ge ne beoð genyðereð. Forgyfeð; ænd eow beoð forgefen.

Ac ic eow segge for þam þe ge hyrad. Lufiað eowre feond doð þam tæle þe eow hatedon. Bletsieð þa þe eow weregieð. Gebiððed for þam þe eow onhuscieð.

⁊swa eow willeð þt eow men do; doð hem gelice.

⁊þam þe þe slehð on þam wange. wend oðer agen ⁊þam þe þin reaf nymð ne forbeod him na þine tunecan. Syle ælcen þe þe bidde ⁊se þe nymd þa þing þe þine synde ne munega þu hyra.

Nïs god treow þæt yfelne wæstm deð ⁊nis yfel treow godne wæstm doende.

Ælc treow is be hys wæstme oncnawen. Ne hyo of þornen ficæppel ne gaderieð. ne winberian of gorste ne nymeð.