San Juan 12 的热门经文

分享

Tá ndá ndóꞌo̱ kúni xaa chiñu nuu i, ta vaꞌa kundikun ndo yeꞌe. Chi nuu koo i ta ikán koo tu ndóꞌo̱ va xiꞌin i. Tá ndá ndo xáa chiñu nuu i, ta xaa kaꞌnu Iva i Ndioxi ndóꞌo̱ ―káchi Jesús xiꞌin na.

Ndiꞌi na ndee ni kúꞌvi ini xíni xiꞌin mií, ta ndiꞌi xaꞌa na. Sundi na köo ndíꞌi ni ini xíni xiꞌin mií ñuu ivi yóꞌó, ta chívaꞌa na mií na nuu kutaku na ndiꞌi saa kúu kivi ya vaxi.

Ya ndaa káꞌan i xiꞌin ndo iin ndikin trigo, ya köo chíꞌi na ta köo táꞌi ya, yakan köo ndúkuaꞌa ya, ndóo iindaa mií ya. Sundi tá ná chiꞌi na ya, taꞌi xeꞌe sata ya ta nduta ya, saa kua ndúkuaꞌa ni ka ya.

Yeꞌe ku ñu̱ꞌu̱ ya xa̱a i ñuu ivi yóꞌó, ta ndiꞌi na kándixa yeꞌe, ta ndöo na koo na nuu naá.

Na xíni soꞌo tuꞌun ya káꞌan i, tá tu köo xíin na xaa súvi na ya, ta köo táxi i kuachi xaꞌa na, chi yeꞌe ta süvi ra vaxi taxi kuachi na ñuu ivi ku i, yeꞌe vaxi sikaku va ku i na.

Ta saa xa̱a yá María kuꞌva ra Lázaro xiꞌin iin yuyu nuu ñúꞌu nduta tami xaꞌan nardo náni rá, ta kúu rá sava litro níꞌi yá xa̱a xiꞌin yá, si̱kuchi yá xaꞌa Jesús. Ta sindiꞌi ndi̱yakun yá xaꞌa ra xiꞌin ixi xiní yá. Ta iin chu̱tu ndaa xiko tami xaꞌan ini veꞌe ikán.

Ta saa xa̱ꞌnda na itun ñuú níꞌi na kuaꞌan xiꞌin na ndikiꞌin na Jesús. Ta ndee ni káꞌan na, káchi na saa: ―¡Ra Kaꞌnu ni ku Ndioxi! ¡Ta Kaꞌnu ni tu Taa, ra ti̱ꞌvi ra vaxi nuu va ra! ¡Saa chi rey nuu yo Israel ku ra! ―káchi na.

Saa ndi̱kuiin Jesús káchi ra saa: ―Xa yati ni ti̱ndaa kivi ya xaa súvi i chiñu chee ni nuu xaa kaꞌnu ni Ndioxi yeꞌe Taa ra xa̱a ñuu ivi yóꞌó.