मात्‍ति 3 的热门经文

分享

न्‍निङ्‌दा जेप्‍पा पास्‍चाताप चोगिघा ओमभोङ्, न्‍निङ्‌दा उचुन्‍हा काम चोगानुम॥

न्‍हाङ् वालोकपाहाङ् एको खाॽलाना सेम्‍ला ताया, “ना का आलुङ्‌मा तुक्‍तुङ्‌ना आच्‍या ओम, नाभाङ् का तुक्‍नुङ् चोन्‍दास्‍यामाङ्‌ना॥”

येसुङा बाप्‍तिस्‍मा लियाचोगिहोङ् सोलोक माङ्‌च्‍वाभाङ् पाखा लोन्‍दा॥ ङ्‌खिङ्‌बेला वालोक होसा, न्‍हाङ् उङा निङ्‌वाफुमागा आत्‍मा ढुकुवा लोॽवा लेक्‍सुक्‍साहोङ् उङ् छोङ्‌बे उङ्‌मास्‍याना निसु॥

“का गो न्‍निङ्‌दा पास्‍चाताप चोगिघा चेॽया सोॽमेमागा माङ्‌च्‍वाङा बाप्‍तिस्‍मा पिमेॽनेनिन, ङ्‌खाॽनिङ्‌गो का हाक्‍निङ् हेक्‍साङ् ताखुबाङा च्‍हेन न्‍निङ्‌दा पाबित्‍तारा आत्‍मा नुङ् मिङा बाप्‍तिस्‍मा पिइवाघा॥ उङ् का हाक्‍निङ् साक्‍तिसालिना, का गो उका लाङ्‌खोप खुॽमा चा न्‍थेन्‍सिमेॽङान्‍ना॥

लोप्‍माङ् निरिक्‍का फेन्‍दिक सिङ्‌गा उसामबे आयाब्‍यामाना॥ हाकु उचुन उसा मेङ्‌गेङ्‌खुबा घाक सिङ् इम्‍मेहोङ् मिबे लेम्‍नाहाङ्‌मेहा॥

उका उतुम्‍बे प्‍याक ओन्‍दाङ् निङ्‌वाफुमाभाङ् चेक्‍खुबा यासाइयाङा खाॽला कायामा– “खेप्‍सानुम, इसा चा मेॽनिङ्‌ना सुन्‍नेना ठोङ्‌बे एको याॽमिङा माडा सेम्‍लाङा खाॽला कामासिम्‍मे, ‘हाङ्‌बा निङ्‌वाफुमा तामाना लाम्‍बु तोयानुम, उङ् लाम्‍माहा लाम्‍बुचि सिधा चोगानुम्‍चिम!’”