Matayo 6 的热门经文

分享

Ela hadeni jako uzuri ghwa Mlungu na hachi yake na agho ghose ghejekala ghenyu na ghose.

Kwa hung'u simwaririkanye gha ikesho, kwani ikesho lyikumanyilagha lyenyi. Ghakata masirimo gha ijua kwa ilyo ijua.

“Kwa hung'u namuza, simwakusirimise na umana ghwenyu mulyighagha kimuni ango munweghagha kimuni? Hata na mili yenyu murwaragha kimuni? Ado umana sighuisile chakulya na muli sighuisile marwari?

Ela uwe kolomba, ngila chumbeni kwako urughare mjango, nao umlombe Tatio ewo kivisoni, na Tatio aonagha kivisoni ujekunosa.

Ndamu inyo lombeni hung'u: ‘Aba wetu ewo mlunguni Izina lyako lyieleso; Uzuri ghwako ghuje; Mashayo ghako ghadeike aha msangeni selyi gheo uko mlunguni.

Utihawe lelo chakulya chetu cha lelo.

Utisighe makosa ghetu, Selyi tawasigha awa watikosile.

Swatikumbe matimoni, ela utikize na ulya Mlaghelaghe.’” [“Kwani uzuri na ndighi na ubwaa ni vako kwa kale na kale. Ameni.]

“Kwani mkawafwila waya wazima makosa ghawe, Tatio ewo mlunguni ujemfwila waya nanyose.

Loleni nyonyi za mbeoni siziwandagha na sizikwashagha na kuika vitunduni, ela Tatio wenyu wa mlunguni wazilyisa. Ado inyo simuziisile izo?

“Simwakuikile mali urumenguni andu viburute na kutu zihakilagha na andu viting'a vivunjagha na kuiwa. Ela mukuikile mali mlunguni andu viburute na kutu sizehakilagha na viting'a sivevunjagha na kuiwa. Kwani andu kwenyi mali yako iyo niko kwenyi na ngolo yako iyo.

“Sikwesi mundungi edimagha kuwatumikila wana Bwana waili; kwani ujemumenya mumoju na amshaye ulya mumoju, ango ujewatana na mumoju na kumumenyesa ulya mumoju, simdimagha kumtumikila Mlungu na mali.

Ndamu ikakala Mlungu arwarisagha nyasi za mbweni zio moyo lelo na ikesho zakumbo motoni, ado sedimagha kumurwarisa inyo wandu wa idumusi ichache?

Ela uwe kofunya sadaka kwa mkiwa, funya hata mgheni wako wa kavui samanye selyi udeagha. Eri sadaka yako kwa mkiwa, ikale kivisoni, na Tatio uyu aonagha kivisoni akunose mwazi.

“Manyeni simwadee uhachi ghwenyi hambiri ya wandu eri muono niwo, kwani simupatagha manosi ghengi kwa Tatio ewo mlunguni.

“Na mkafunga kulya simwafuruse sa wandu wa ngolo mbili, wakunjagha maushu ghawe eri waono kamba wafunga kulya. Fulo namuza, wapata manosi ghawe. Ela uwe kwafunga kulya, kuvile mavuta chongo na uogheshe ushu ghwako, eri kufunga kwako sikwaono ni wandu, sala Tatio ewo wa kiviso, naye Tatio ewo kivisoni ujekunosa.