मत्ती 4 的热门经文

分享

यिहॱनाङ येशूगी दि ल़ेहमु सुङदी ल़ेहन क्‍याहप नाङसीन, “सुङरापला दि ल़ेहमु प्री़हदी येहबा– ‘साहएँ स़ेह च्‍यी़गीराङ मिह थार मी़हखुएँ, यिहॱनाङ खो किन्‍ज्‍योगी स्‍याहललेगी थेन्‍ग्‍योकी सुङ रे़ह-रे़हगीराङ थार्कें यिहम्‍बा।’”

ओहजेला येशूगी सुङ नाङसीन, “ए ती़ह गो-छ्येवा, दिलेगी सोङ! च्‍यिबेमाना सुङरापला दि ल़ेहमु प्री़हदी येहबा– ‘ख्‍येगी चो़वो छ्येवा राहङगी किन्‍ज्‍यो च्‍यी़लाॱराङ ज्‍याल्‍दोङ, ओहले किन्‍ज्‍यो च्‍यी़मे च्‍यी़लाॱराङ स्‍याहप्‍तो डुप्‍तोङ’!”

येशूगी खोला सुङ नाङसीन, “सुङरापला दि ल़ेहमुॱआङ प्री़हदी येह– ‘ख्‍येगी चो़वो छ्येवा राहङगी किन्‍ज्‍योला ङ्याहम-छे माहबे’।”

ओ़ह तिङले ती़ह गो-छ्येवागी येशूला ङ्याहम च्‍येच्‍येला नाम्‍पार-ताहक्‍पा थुगी येशूला रिह-काम्‍बुला नोम फेप्‍सीन। रिह-काम्‍बुला येशूगी ङ्यिहन ज़्‍यिप-च्‍यु दाङ नुहप ज़्‍यिप-च्‍यु थु ङ्युङने ज़्‍य़ू नाङसीन। ओ़ह सोङबे येशू ज्‍यिबुराङ टे़दी येहकें।

ओहले येशूगी खुङ ङ्यी़ला सुङ नाङसीन, “ङाहगी तिङ ङ्यादी स्‍यो, ङाहगी ख्‍याया़ला मिह ज़ुङगेन्‍गी ङ्याहबा ज़ोज्‍ये येह।” दि थे़-लुहङ मे़हबाराङ खुङ ङ्यी़गी राहङगी ङ्याहटाया़ ओ़हलाराङ क्‍युर ज़्‍या़दी येशूगी तिङदा तिङ काहल्‍सीन।

ओ़ह ती़हजी यिहन्‍ज्‍यु येशूगी दि ल़ेहमु सुङदी सुङ ख्‍येप्‍टा नाङज्‍ये छ़ूसीन, “सेमगी स्‍या़बा पेहती तिहक्‍पा पाङदोङ च्‍यिबेमाना किन्‍ज्‍योगी क्‍याहल्‍बु जेकेन्‍गी ती़हजी लेप्‍च्‍ये पेह सिहन्‍दी येह।”