Génesis 6 的热门经文

分享

Jee nñukua̱chi iniꞌ I̱toꞌoꞌ‑ó ya̱ nsa̱ꞌá re̱ꞌ rá ñɨvɨ nu̱u̱nꞌ ñu̱ꞌún ne̱ jiátúꞌ ánímaꞌ re̱ꞌ.

Jee niniꞌ I̱toꞌoꞌ‑ó ya̱ ntántúníꞌ kánéꞌén víꞌí ñɨvɨ ya̱ íyó nu̱u̱nꞌ ñu̱ꞌún, jee ntáká ya̱ ñúꞌún iniꞌ ánímaꞌ ráa ví ya̱ yɨ́táꞌán mani ya̱ kánéꞌí.

Soo Noé chi ni̱yo ma̱ni̱ꞌ iniꞌ Ndiosíꞌ nne̱ꞌyá re̱ꞌ maa.

Yaꞌá ví tu̱ꞌun jie̱ꞌe̱ꞌ ya̱ nnoꞌo Noé. Noé kúvi ɨɨn te̱e na̱a̱ꞌ nu̱u̱nꞌ Ndiosíꞌ ntu̱náꞌ níyo chikua̱chi ñɨvɨ si̱kɨ̱ꞌ re̱ꞌ nteñu rá ñɨvɨ ntekuꞌ tiempúꞌ yukuán. Jee nika Noé nyɨ̱tíñú re̱ꞌ nu̱u̱nꞌ Ndiosíꞌ.

Jee nkachiꞌ I̱toꞌoꞌ‑ó: “Xináánꞌ ni̱ꞌ rá ñɨvɨ ya̱ nsa̱ꞌá ni̱ꞌ ne̱ nu̱u̱nꞌ ñu̱ꞌún. Xináánꞌ ni̱ꞌ ne̱ rá ñɨvɨ jín ne̱ rá kitɨ jíka nu̱u̱nꞌ ñu̱ꞌún, jín ne̱ rá kitɨ síúꞌun maáa, jín rá kitɨ íyó chi̱yo̱ꞌ jíkó súkún. Ñúkuáchi iniꞌ ni̱ꞌ ya̱ nsa̱ꞌá ni̱ꞌ ráa.”

Jee nka̱jiéꞌé ña̱ku̱kueꞌeꞌ rá ñɨvɨ nu̱u̱nꞌ ñu̱ꞌún jee ni̱yo se̱ꞌya sɨ́ꞌɨ́ ráa. Jee niniꞌ rá se̱ꞌya Ndiosíꞌ ya̱ viiꞌ íyó rá se̱ꞌya sɨ́ꞌɨ́ rá ñɨvɨ jee nkeꞌen ráa nta̱na̱ꞌá ráa jín ne̱ ni ɨɨn ya̱ nka̱ji ráa. Jee nkachiꞌ I̱toꞌoꞌ‑ó: ―Njia̱ꞌa ni̱ꞌ ta̱chi̱ꞌ káꞌánꞌ ni̱ꞌ nu̱u̱nꞌ ñɨvɨ sáva kutekuꞌ ráa, soo nkɨ́netuꞌ ni̱ꞌ ka̱ꞌ ya̱ kino̱o‑o iniꞌ ráa nɨ́ɨ́nkání, chi kúvi ráa ñɨvɨ ñunéꞌyúꞌ ni, jee kua̱chi sientúꞌ o̱ko̱ꞌ (120) kui̱ya̱ꞌ ka̱ꞌ kutekuꞌ ráa. Rá te̱e káꞌnú a̱nasɨ́ xéénꞌ ni̱yo ráa nu̱u̱nꞌ ñu̱ꞌún rá ki̱vɨ̱ꞌ yukuán. Jee sunisaá ña̱kuneeꞌ rá se̱ꞌya Ndiosíꞌ nkixiꞌ ráa jín rá se̱ꞌya sɨ́ꞌɨ́ rá ñɨvɨ jee nsa̱ꞌá ráa se̱ꞌya rává ya̱ nkuvi rá te̱e tiɨ́kɨ́ ne̱ tióꞌ ya̱ta̱ꞌ víꞌí ya̱ túvi víꞌí ráa nu̱u̱nꞌ rá ñɨvɨ.

Jee nsa̱ꞌá Noé nɨꞌɨ sánikua̱ꞌ nkachiꞌ Ndiosíꞌ nu̱u̱nꞌ‑u. Suꞌva nsa̱ꞌá re̱ꞌ.

Jee nkachiꞌ Ndiosíꞌ nu̱u̱nꞌ Noé: “Ya nkuna̱a̱ꞌ iniꞌ ni̱ꞌ xinɨ́ꞌɨ ni̱ꞌ nɨꞌɨ rá tékúꞌ, chi nchu̱chítú ráa ñɨ̱vɨ́ jín máá tiñu kántáꞌán. Jee sa̱néꞌ íyó xináánꞌ ni̱ꞌ ráa jín ñɨ̱vɨ́.

Saꞌá nú ɨɨn barkúꞌ yutun gofer ya̱ kuatíñú maánú ya̱ káchíꞌ‑ó arca, jee saꞌá nú kéꞌín iniꞌ veꞌi iniꞌ arca vá, jee nakɨɨnꞌ nú su̱jie kixín iniꞌ jín ya̱ta̱ꞌ arca sáva nakasɨꞌ nú nu̱u̱nꞌ yutun.

Jee niniꞌ Ndiosíꞌ ya̱ tívɨ́ rá ñɨvɨ ñɨ̱vɨ́ jee nstívɨ́ nɨꞌɨ rá ñɨvɨ ñujiínꞌ jiáꞌnu ráa nu̱u̱nꞌ ñu̱ꞌún.

Jee ntáká rá kitɨ tékúꞌ ya̱ íyó ñunéꞌyúꞌ chuꞌun nú ni u̱vi̱ꞌ ni u̱vi̱ꞌ ntáká rátíꞌ iniꞌ arca, sáva kutekuꞌ rátíꞌ jín noꞌó. Koo ɨɨn kitɨ yɨ́ɨ́ jín ɨɨn kitɨ sɨ́ꞌɨ́ ta rá kitɨ vá.