Luka 3 的热门经文

分享

Ba bu yya ba̱nyet ba baptisma nu, Yesu a̱ ma̱n ba meyang, Yohana a̱ bu ku yya baptisma nu. Yesu na̱ bu shyi i yya a̱duwa, Tazwa ji i yrang, Tswa Ka̱za i nyyai da̱ a̱bva ni bu kyrek a̱za̱ nu. Diwan i nyyai Tazwa bu hywa da̱ nu, “Ba̱ nwan yet ka̱won ka n byyi ni, nwan n ni sak rya.”

Yohana a̱ hywa da̱ mba ba̱sa̱rei, “Nzuk n ya yya baptisma di ba̱shekwot, ma a̱yanyet a̱n shyi a̱ bai a̱ n da̱u, ko ryik a̱kpatak nu n maai n kpo byyik ba. Nu a̱ ni ya yya baptisma di Tswa Ka̱za bu rong.

Nde, yi yya nkyang a ni tyyei ka̱sak ka yin wwon a̱ka̱tukyya nyin nu ni, i ryok ya raai di yi yet na̱mbvon Ibrahim ba. Ka̱ryong n ni ya tyyei: ki Ka̱za a̱ shim, ka brak kpang jini a̱n yya Ibrahim na̱mbvon.

Ba̱nyying ka̱tssong a̱ wa ka̱n nat atyin na̱kon. Ka̱kon ka a̱ wi sak a̱tsatsak disum ni ba ni ka̱ kprip a̱ tyyi an dong.”

Da̱ni di ban jem ka̱yat kpa a̱ntyok tyyei ba̱ryat Ka̱za ka ba yin yei Ishaya ni, a̱ hywa, “Diwan a̱yanyet n shyi ka̱yat ka̱yit ya tyyei di yi jyi na̱ta̱ryen A̱gwam Tazwa, i ta̱twang na̱ta̱ryen nu na. Ba ni bap kozan a̱ngam, a̱ bvwum sa̱rei a̱huhwan na bu tsutsok ji. Sa̱rei na̱bvwa na a̱ gon ni, dolet ba ni na̱ neyak na tyyi ba̱tuntwang; na̱bvwa na a̱ byyi ngyep ni ba ni na̱ bvwum. Sa̱rei ba̱nyet ka̱sa ba a̱ ni ryi sucet Ka̱za.”