यहुन्ना 13 的热门经文

分享

आंउ तुहांनि अक नवीं आज्ञा दींता कि; तुवे योकिया सिंउ प्रेम करा। जिहीं मीं तुहां सिंउ प्रेम रखा तिहियें तुवे योकिया सिंउ बि रखा। अगर तुवे योकिया मझ प्रेम-भाव रखैलै तां मैहणुवां पता लगणा, कि तुवे मिंडै चैलै अत्तै।”

ऐठणीरै तेईनी मीं, तुवाड़ा प्रभु जां गुरू भौ करि बि तुवाड़ै पैयिड़ धोतै ता तुहां बि नम्र भौ करि योकिया केरै पैयिड़ धूंणै चेहिंथै। ऐ मीं तुहांनि अक नमूना लुहाआ, कि जिहीं मीं तुहां सिंउ कियु तिहियें तुवे बि करियां करा।

यीशु उत्तर दिता, “कि आंउ जै काता तुहां ऐम्हियां ना लगणा पता।”

आंउ तुहां सिंउ सच-सच बोलता; दास अपड़ै मालिका किना बडा ना भौ सकता, ना सैकिया जेनि सै भेईजौरा भूंता, तैस किना बडा भौ सकता।

अबै तुहां ऐन्हां गला केरा पता आ जां ऐन्हां गला केरै अनुसार चला ता तुवे धन्य अत्तै।

सै रोटी खा करि उठै, तैन्हैं अपड़ै भेईरियें लिकड़ै उतारी दित्तै जां ढका पन परना बंन्ही ल्या। तां फिरी यीशु पराति मझ पांणी भरी करि चैला केरै पैयिड़ धोतै जां जै परना तेनी ढका पन बंन्होरा थ्या, तेनी ला अपड़ा चैला केरै पैयिड़ पुछणा लगा।