मती 24 的热门经文

分享

बेलूर कताकून चउंदीसरे मुरुक बगरानता, जेमहा होड़कूराः दुलार ओहराव जुवाः। मनदो टुटीग वरी सहाव घड़ीने दोहोनता हाँयग होड़ बनसाव जुवाःता।

अरू भगवानराः राइजराः नपाय सरवन चउंदीसराः जमा जइत होड़कू एचेरेकू परसारगेता। अरू हना तयोमरे चउंदीस टुटीग जुवाःता।

अपे लड़ाइ बुँहड़ीनता, हना बदीरेपे अयुमेता। मनदो अपे अहापे बयावगुः। नाःआ इयाःआ कताकून मड़ंगरे होनोयाः लगा इदा। मनदो हनमेला लुलिगगुःराः बेला कोवानेःआ।

मी जइतरिकुःआ होड़कू एटाः जइतरिकुःआ होड़कू सुदा अरू मी देसरिकुःआ होड़कू एटाः देसरिकुःआ होड़कू सुदाकू लड़ाइता। एटाः एटाः ततेरराः ओत डोलाःता अरू कतकाल हों होयाःता। नाःआ जमाकून, सवाड़ीनराः हसू इया बुँहड़ीनता।

ओत अरू सेरमो टगाव जुवाःता, मनदो ईंगराः सरवन कहियो ओरो टगावनेना।”

मुरुक बगरा होड़कू ईंगराः ञावते अपे एचेरेकू वेगता अरूकू कतायता, ईंग मसी हवे, माःआन अरू हँकू मुरुक होड़कूकू अडिगगोडकूता।

हनते होड़कू अपे संतावपे लगा अरू ञेड एंडापे लगाकू जिमापेता। जमा जइतरिकुःआ होड़कू ईंगराः ञाव अते अपेकू हिनइस-बिनइसवापेता। हना कटसिया मेला मुरुक होड़कू बिसवास अड़ाःकेडखनकू कुदा जुवाःता। मुरुक होड़कू एटाः होड़कूकू एचे साबता अरूकू हिनइस-बिनइस होड़ेंगता। भगवानराः बड़रा लबराकेडखनकू कतायता हँकुःआ मुरुक बगरा होड़कू रेम चड़ाँनता अरू मुरुक बगरा होड़कूकू बहकावगोडकूता।

दो ईसू हँकू एचेरेय कताया, “तोनोंगीग अपे अहाकू बहकाव अवेपे लगा सवासितीपे दोहोन।

मनुवारीग बेटात तुमिसे कुदा वेगता, हना अपे मेरपे सुदीयतना। हनालगा अपे हों सपड़ावतोपे दोहोन।”

अपे मेरपे सुसुदीतना अपेरीग परबू तुमिसे वेगता। हनालगा अपे जगलेपे दोहोन।

“मनदो हना दिन सहे बेला तोनोंगीग होड़ मेरकू सुसुदीता। सेरमोरिकुःआ बराहीलकू अरू बेटात हों मेरकू सुदीयतना, मनदो अपांग भनगवान एकला नाःआय सुसुदीतना।

हना बेला मुरुक बगरा होड़कू लबरा घड़ीनकू कतायता, ईंग मसी हवे अरू ईंग भगवानराः बड़रा कतायीग होड़ हवे, माःआन। हँकू मुरुक चिनहाकून अरू बयाव जुवाः इयाःआ बुताकून एचेवाडखन भगवानरिकुःआ सुनावतो होड़कू हों बहकावकू लगाकू कुरनिसगेता।

मनुवारीग बेटात कुदा वेगता हना दिन नूहराः परियारे होयानेना हना इया होयाःता। नूह मरंग जहाजरे अरीने देग वरी होड़कू जोम ञूःआ अरू बियाहगुःआकू अरू बियाह लगाकू एमे होड़ेंगा। पुरा दाः वेग वरी हँकू तोनोंगीग मेरकू सुदीगाड अरू जमा होड़कू हना दाःरेकू तू एंडायान। हनन इया मनुवारीग बेटात वेग मेला हों होयाःता।