मती 21 的热门经文

分享

जे हों सकालाः अपे बिसवासकेडखन अरजी घड़ीनपे असेय हना जमा अपे पवाव जुवाःतापे।”

दो ईसू चेलाकूतेने कतावाड, “अपे ईंगपे अयूम! अपे बिसवासकेडखन बार जीवगुः घड़ीन अलोपे दोहोन दो, ईंग लुवा दूब एचेरेयिंग एचेकेरा हना अते अरू मरंग मरंग बयाव जुवाः इयाःआ बुताकूनपे एचे अवेयता। अपे नाःआ पहाड़ होँपे कतावा, नाःआते रवीग उडुंगकियानखन समुंदररे लुजरुः, दो हनन इया होया जुवाःता।

मुरुक बगरा होड़कू हाँय मड़ंग मड़ंग अरू देह दूरकू सेनेडा अरू हँकुःआ होड़कू मुरुक खिररी घड़ीनकू कताया, “दाऊद राजारीग नइड़-बाँस होड़के होसनना!” “परबूराः ञावतेय वेगता हाँयग होड़राः जीव भगवान भलावाता!” “सेरमो देसरीग भगवानके होसनना!”

अरू ईसू हँकू एचेरेय कताया, “भगवानराः कागदरे ओजाःतो इदा, ईंगराः ओड़ाः अरजी ओड़ाः माःआनकू कतावाता, मनदो अपे नान इनिग होड़कूराः लातपे बड़ाँवगोतेडा।”

“सीयोन सहररिकुःआ होड़कूपे कतावा, ञेलेयपे, अपेरीग राजा अनँयग आँयग हुडिंगे ओंगलुःता, अरू गदहा होन चोटरे दुडुःकियानखन अपे एचेरे दरवाया।”

ईसू हँकू एचेरेय कतातेड, “अपे भगवानराः कागदरे मेरपे बछावगना जा, ओड़ाः तुला मिसतिरीकू ओरो बड़ाँवनेना माःआनकू चलाः एंडातेरा, हनानाः दिरि जमा दिरिकून अते ननपाय दिरि होयानेना। नाःआ दो परबू अगीते होयाकिया अरू अबू बयावयनाबू।

हनालगा ईंग अपे एचेरेयिंग कतायतना, भगवानराः राइज अपे अते चलाः एंडा जुवाःता अरू नपाय जोःओकू जोःता हँकुःआ एटाः जइत होड़कू हनाकू पवाःता।