ZAN 6 的热门经文

分享

Yezu ko u ma: “Ne le ye dumunifɛn ye min bɛ nii kura don mɔgɔ la. Ni mɔgɔ min sɔnna ne ma, kɔngɔ t'o tigi minɛ tugu. Ni min lara ne la, minnɔgɔ t'o tigi minɛ tugu.

Nii Senuman le b'a to mɔgɔ bɛ barika sɔrɔ, n'o tɛ n'a danna farisogo ta ma, o tɛ foyi ye. Ne ye kuma minw fɔ aw ye, o bɛ bɔ Nii Senuman fɛ ka nii don mɔgɔ la.

Aw kana baara kɛ dumuni tolita kɔsɔn dɛ! Nga dumuni min tɛ cɛn, aw ye baara kɛ o le kɔsɔn, o min bɛ sini hɛrɛ di. O dumuni nin, Mɔgɔ Dencɛ bɛna o d'aw ma. A Faa Ala y'a ka taamasinyɛ bila ale kan.”

N Faa ko ni mɔgɔ o mɔgɔ ye ne ye k'a jigi la ne kan, k'o tigi bɛna sini hɛrɛ sɔrɔ. Ne fana bɛn'a kunun labanlon na.”

Yezu y'u jaabi ko: “Ala ye min ci, fɔɔ aw ka la ale la. O le ye Ala sago ye.”

Ni n Faa ye mɔgɔ o mɔgɔ di ne ma, o bɛna la ne la, ne fana tɛna ban o tigi la.

Simɔn Piyɛri y'a jaabi ko: “An bɛna taa jon fɛ? Mɔgɔ bɛ hɛrɛ banbali sɔrɔ ele ka kuma barika la.

“Dumuni nyanaman min bɔra sankolo la, ne lo. Ni min y'o dumu, o tigi bɛ to nii na tuma bɛɛ. Ne bɛna dumuni min di, o ye ne fari yɛrɛ le ye. Ne bɛ n yɛrɛ di waasa dinyɛ ka se ka hɛrɛ banbali sɔrɔ.”

Mɔgɔ si tɛ se ka sɔn ne ma ni n Faa sababu tɛ. Ne fana bɛna o tigi kunun labanlon.

Bari Ala bɛ dumuni min di, o bɔra sankolo la min bɛ nii kura don dinyɛ mɔgɔw la.”

Ne ye dumunifɛn ye min bɛ hɛrɛ banbali di mɔgɔw ma.

O tuma na, Yezu ye buru nunu ta ka barika la Ala ye k'u tilan mɔgɔw cɛ. A ye jigɛ nunu fana kɛ ten. U bɛɛ ye sɔrɔli kɛ fɔɔ ka wasa. U bɛɛ fara minkɛ, Yezu y'a fɔ a ka kalandenw ye ko: “Aw ye buru tɔɔ bɛɛ tɔmɔ a si kana cɛn.”

U tun ye kilo duuru walima wɔɔrɔ nyɔgɔn taama ka ban ni kurun ye. U ye Yezu taamatɔ ye jii kan ka gwɛrɛ u ka kurun na. U siranna kosɛbɛ. Nga Yezu y'a fɔ u ye ko: “Aw kana siran, ne lo.”