Jã Sɛbɛ 1 的热门经文

分享

Ɩ̃-cɛ a bala na sɔw de ʋ tɛrɛ nɩ ʋ a ƴɔ̃w-nyãa, ʋ kʋ ba na sɔr a ba lɩɛb ɩ a Naaŋmɩn bibiir.

A lɛ a tẽw na ma dãa be be sɛr wa, ɩ̃ a ʋlɔ na ɩ a Ƴɛrɩ̃ de na nĩe be be. A ʋna Ƴɛrɩ̃ be nɩ na a Naaŋmɩn, ɩ̃ a Ƴɛrɩ̃ ʋlɔ ɩ na a Naaŋmɩn.

A cãa caara na a libe pʋɔ ɩ̃ a libe ma tʋɔ ʋ wa.

A Ƴɛrɩ̃ ʋlɔ lɩɛbʼã ɩ nɩrɛ, ɩ̃ jɛ a sɩ sɔ̃w. Sɩ nyɛ na a ʋ yo-yifʋ na ɩ a yo-yifʋ ʋlɔ a Bi-dab-daadaa na pɔw a ʋ Sãa jie. A ʋ maalfʋ nyɩrɩ̃ na vɩɛlɛ, ɩ̃ ʋ mɩ ɩ na yel-mɩ̃ɛ sʋbɔ.

Ʋlɔ ɩ̃ maal a yele a jaa. Bom ma be be ʋ na ma maal wa. A baafʋ be na a ʋ jie ɩ̃ a baafʋ ʋlɔ ɩ na cãa a nɩbɛ jie.

A dɩvɩɛ bio, a Jã nyɛ na a *Jeeju ʋ wɩɛrɛ a ʋ sɛ̃, ʋ yel: “Nyɩ́ nyɛ a Naaŋmɩn Péle na ire a tẽw nɩbɛ maal-fãa bara.

Ʋ dãa na be a tẽw pʋɔ, ɩ̃ a ʋlɔ ɩ̃ maal a tẽw, ɩ̃-cɛ a tẽw nɩbɛ ma dãa bɔ̃w ʋ wa. Ʋ wa na a ʋ mɩ̃ɛ tẽw, ɩ̃ a ʋ mɩ̃ɛ nɩbɛ ma sɔw de ʋ wa.

A cãa ʋlɔ ɩ na a yel-mɩ̃ɛ cãa na waara a tẽw pʋɔ caara a nɩbɛ ba jaa.

A-na-ɩ a Mowisi a Naaŋmɩn kʋ a ƴɛr-kpɛn ʋ tɩɩr, ɩ̃-cɛ a maal-vɩlaa nɩ a yel-mɩ̃ɛ yi na a *Jeeju-Kirisi jie.