PURWAKANING DADI 15 的热门经文

分享

Dane Abram raris pracaya ring Ida Sang Hyang Widi Wasa tur malantaran punika dane kaledangin antuk Ida Sang Hyang Widi Wasa.

Sasampune punika Dane Abram raris kawean. Sajeroning dane kawean, dane nampi sabdan Ida Sang Hyang Widi Wasa, kadi asapuniki: “Abram, edaja kita jejeh sawireh Ulun dadi tabeng dadan kitane, tur gede pesan lakar pikolih kitane.”

Raris Ida Sang Hyang Widi Wasa ngajak Dane Abram medal ka jabaan, sarwi ngandika ring dane sapuniki: “Tingalinja marep menek ka langite, yening kita nyidayang metek, petekja bintang-bintange ento. Manian katurunan kitane lakar aketo liunne.”

Nanging Ida Sang Hyang Widi Wasa masabda ring dane, sapuniki: “Parekane totonan tusing lakar dadi sentanan kitane, nanging pianak buah basang kitane ane lakar dadi sentanan kitane.”

Ida Sang Hyang Widi Wasa raris masabda ring Dane Abram sapuniki: “Apang kita nawang, sasajaane katurunan kitane lakar ngempi di satunggaling gumi, nah ento gumi ane tidong gumi gelahne, tur ia lakar kapanjakang muah kasangsarain ditu, kanti samas tiban makelonne.

Dane Abram raris matur: “Inggih Ratu Sang Hyang Widi Wasa, punapike sane jaga paicayang Palungguh IRatu ring titiang, santukan titiang rauh mangkin nenten maderbe sentana, tur sane pacang ngwaris pakurenan titiange, inggih punika I Elieser sane saking Damsik punika.

Duk punika Ida Sang Hyang Widi Wasa ngardi prajanjian ring Dane Abram, sapuniki sabdan Idane: “Gumine ene paicayang Ulun teken katurunan kitane, ngawit uli bates gumi Mesire, kanti teked ka Tukad Eprate

Nanging katurunan kitane ane undag kaping pat lakar malipetan mai, sawireh satonden masane ento, kadurjanan bangsa Amorine tonden jangkep.”