LUKA 22 的热门经文

分享

akiuga atĩrĩ, Awa, akorũo wenda-rĩ, ’thengeria gĩkombe gĩkĩ: ĩndĩ ti ũrĩa ngwenda niĩ, no gwĩkwo o ũrĩa ũkwenda wee.

no niĩ-rĩ, nĩngũhoeire, nĩ getha gwĩtĩkia gwaku gũtigathire: nawe warĩkia kũgarũrũka, ũcoke ũũmagĩrĩrie ariũ a Ithe witũ.

Agĩcoka akĩoya mũgate, na aarĩkia gũcokeria Ngai ngatho, akĩwenyũranga, akĩmane, akiuga atĩrĩ, Ũyũ nĩguo mwĩrĩ wakwa ũkũneanwo nĩ ũndũ wanyu: ĩkagai ũũ nĩ getha mũndirikanage.

Ningĩ no taguo, maarĩkia kũrĩa, akĩmane gĩkombe kĩu akiuga atĩrĩ. Gĩkombe gĩkĩ nĩkĩo gĩa kĩrĩkanĩro kĩrĩa kĩerũ thĩinĩ wa thakame yakwa, o ĩrĩa ĩgũitwo nĩ ũndũ wanyu.

Nake agĩtubunyĩka mũno, agĩcoka akĩhoya mũno makĩria; nayo njoya yake ĩgĩtuĩka ta mataata manene ma thakame, magĩtaata thĩ.

No kũrĩ inyuĩ nĩgũtige gũtuĩka ũguo: no rĩrĩ, ũrĩa mũnene kũrĩ inyuĩ nĩatuĩke ta ũrĩa mũnyinyi, na ũrĩa wathanaga nĩatuĩke ta ũrĩa ũtungatanagĩra.

Nake Jesu akiuga, Ngũkwĩra atĩrĩ, Petero, atĩ ngũkũ ndĩrĩgamba o ũtukũ ũyũ, ũtakaanĩte gatatũ atĩ ndũnjũĩ.