Génesis 49 的热门经文

分享

Judá castallapitam reykuna imaypis kayanqa. Manam pipis rey kanqanta qechunqatsu. Tsaynö kanqa llapanpä poderyuq rey chämunqanyaqmi. Tsay reytam maytsay nación runakuna cäsuyanqa.

<<Josépita miraqkunam yaku kuchunchö wiñamuq jachanö kayanqa. Paykunam atska wayuq jachanö kayanqa. Lloqlluyparä jacha wiñar pirqa jananpa päsaqnömi kayanqa. Paykunatam pasaypa chikir flëchankunawan atacayanqa. Tsaynöllam imaypis rabyanätsiyanqa.

Tsaynö kaptinpis Josépita miraqkunapa rikrankuna pasaypa kallpayuqmi kayanqa. Flëchananpä flëchakunantapis chachakmi aptaräyanqa. Tsaynö kallpayuq kayanqa llapanpä poderyuq Tayta Dios yanapaptinmi. Paymi Israel runakunata mitsir poderninwan imapitapis tsapan. Yärakunqä Tayta Dios yanapaykulläshuy. Llapanpä poderyuq Tayta Dios ciëlupita bendicionninta churaykallämutsun. Patsa rurinpita yakutapis pashtaykatsillämutsun. Wamraykikuna y ashmaykikuna atska kayänanpä bendicionninta churaykallämutsun.

<<Judá, qampita miraqkunatam llapan Israel mayinkuna kuyayanqa. Chikiqninkunataqa poderninmanmi churayanqa. Llapan Israel mayinkunapis respitarmi ñöpanman qonqurikuyanqa. Hïju, malta león ashmata tsariqnömi kanki. Ashmata tsarinanpä patsaman lätakuykuq leonnömi kanki. Mantsaypä kaptiki ¿pirä ichikllatapis wajupäshunkiman?

Rubén, qammi mayor tsurï kanki. Jövinllarä kaykaptïmi qam yurirqayki. Llapan wawqikikunam respitayäshurqayki. Paykunapita mas munayyuqmi karqayki. Mayu atskayaptin tsapayta mana puëdinqannömi qamtapis jutsa rurayta munaptiki tsapayta puëdiyäshunkitsu. Concubïna warmïwan punurmi penqakuyman churamarquyki. Tsaymi mayor derëchuykita perdirquyki.