PA'JARIANG 9 的热门经文

分享

A'jaria pammatei ri parjanjiang satunggu-tungguna Kupareka mae ri kau siagang mae ri sikontu apa-apa attallasaka, iamintu laKuboliki taraweKu ri rammanga, a'jari pammatei parjanjiangKu mae ri linoa.

Punna kacinikang tarawea ri rammanga, laKuciniki siagang laKuu'rangi parjanjiangKu satunggu-tunggua mae ri sikontu apa-apa attallasaka ri lino.

Anjo rupataua nipa'jari sangkamma iNakke; lanri kammana anjo, inai-nai ammuno rupatau, kalenna lanibuno tongi ri rupataua.

Nabarakkakimi Allata'ala anjo Nuh siagang sikamma ana'na na Nakana, “Ammana'-manakko siagang accucu-cucuko nu'jari jai, sollanna akkulle sossorannu napammantangngi sikontu linoa.

Yangasenna anjo akkullei a'jari kanrenu, sangkammaya tompa lamung-lamung moncongbuloa; yangasenna anjo Kupassareangi ri kau untu' a'jari kanrenu.

Sikontu jangang-janganga siagang jukuka kammayatompa olo'-olo' maraengannaya lamalla' ngasengi ri kau. Yangasenna anjo ke'nanga nia' ngasengi lalang kakoasannu.

Jari, ikau musti ammana'-manakko siagang accucu-cucuko nu'jari jai, sollanna akkulle sossorannu napammantangngi sikontu linoa.”