Matius 7 的热门经文

分享

“Mangileko mangé, wo kamu wéan oka. Éréno, wo kamu makéré oka. Tuméngkoro, wo em papalen wukaan oka torona miow.

Ampa'paan susur en tou i mangilek tumerima oka, wo susur in tou i mangéré makéré oka, wo susur in tou en tuméngkor im papalen wukaan oka.

“Anaé, si esa wo si esa tou sé iluminga in aicua-Ku anio' wo pengaémaanna, sia ipeputé wo si tou pandéi, si mangun im baléna am bawo im batu.

Sapa sé icasalé' miow émaan é tou walina ai camu, tanu siituo si musti émaan iow a sé tou itu. Siituo en sususuien ang kitap Torat wo ang kitap é nabi.”

Taan em papalen pesut wo en lalan pesut, maangé ang katouan akar ing kauré-uré wo wayake' im pira en tou sé kumiit am bitu.”

“Muntepo mangé kumiit im papalen pesut. Em papalen welar wo en lalan wangko' maangé am papaté, wo kelian en tou muntep kumiit im papalen itu.

Anaé, sa kamu sé léwo' makailek mawéé sé loor a sé toyaang iow, wopé'taré si Amang iow an sorga! Iwéé-Na oka mai sé loor a sé tou sé imangilek ai Sia.

“Tioo kamu mengaakim, wosama' kamu ra'ica akimen. Ampa'paan em pakaakim sé pengapakén iow i maakim sé tou, em pakaakim itu ka'i em pakén oka i Amang Kasuruan e makim icamu. Wo em paukur sé pengaukur iow a sé tou walina, siituo oka ka'i en yukur ai camu.

Taan si esa wo si esa tou sé iluminga in aicua-Ku anio' wo ra'ica pengaémaanna, sia meputé wo si tou bodok, si mangun im baléna am bawo in dangi'ngis.

Kéitu réén en awu ing kayu am beren i poowmu kaséréan iow, taan em balak am beren iow in esa, ra'ica kailekan iow? Tambisa réén kamu ro'na kumua a si poowmu, ‘Mayoo icesotku en awu ing kayu am berenmu’, taan awéan balak am beren iow?

“Maténga-téngamo mangé a sé nabi ra'ica wutul. Séra maai ai camu tanuoka domba, taan en ulitna séra itu serigala léwo'. Kailekan oka miow séra asi wuéna im pinengaéma' éra. Ro'na réén sé tou mupu' im bua'na in anggor an serawet owo kuma'pa wua'na in ara an dukut tutunéan owo?

Anaé en tuura loor mawua' loor, taan en tuura ra'ica loor mawua' ra'ica loor.

En tuura loor ra'ica kawisa mua' ra'ica loor wo en tuura ra'ica loor ra'ica kawisa mua' loor.

En tuura sé ra'ica mawua' loor, tantu tongkéien wo tiya' an api.