Lu̱ka̱ 6 的热门经文

分享

Aanycik ol kaal, kar atin kanyoziung i̱ge̱t bu̱k. Atimanai atin kaala ne̱ke̱ ju̱rru̱m, ommogonik atin ju̱rru̱m, ku̱du̱te̱ koot rok lo̱o̱c, a̱du̱to̱ni̱k atin onyoto cuggo̱k. Kar gi̱i̱ye̱ ci atimanu niga ko̱, atimanonikkung atin i̱ge̱t bu̱k.”

Anyaha e̱e̱ti̱ ci abunna kaal cik abunna ngati adazze enne zinine cinne, kar e̱e̱ti̱ ci mu̱nye̱nu̱ anyak kaal cik mu̱nye̱nu̱ ngati adazze enne zinine cinne. Eci enne ozoz utuga kaal cik abbize zinin cinne.

Abarik irezit mo̱ddo̱ cuggo̱k, u̱tu̱gu̱zze̱k nogo kaal cik abunna, aanycik nogo kaal labak ci iróng atin niga orongnyu nga̱bo̱lo̱. Kar atin Ta̱mu̱ta̱dde̱n ka̱a̱nyu̱ng kaal cik meelek, ovvo atin e̱e̱ggi̱nnu̱ dooli cik Manyi wa Ommog Veelek, eci enne een bunnatait ngati olli mu̱nye̱nu̱.

Izet ol cik amanikku ol ki Be̱e̱ti̱nno̱ng wa aave ta̱mu̱-kenga.”

“Ma ettedekku ol lo̱ki̱ko̱, kar atin iróng Ta̱mu̱ta̱dde̱n ettedekkung lo̱ki̱ko̱ bu̱k. Ma a̱gga̱mnyu̱ zoz ci gerze ollu, abunna atin Ta̱mu̱ta̱dde̱n iróng a̱gga̱me̱kku̱ng zoz ci gerze. Alaltek ol kaale cik gerzek, kar atin Ta̱mu̱ta̱dde̱n kalaleung i̱ge̱t bu̱k.

“Abarik anna ka̱du̱wa̱kku̱ng i̱ge̱t ol cik azikna annit ko̱: Irezit mo̱ddo̱ cuggo̱k, u̱tu̱gu̱zze̱k kaal cik abunna ol cik amarinnung, a̱ma̱yu̱we̱t ol wak otoryung ko̱, alayek ol wak aminyung ko̱ Ta̱mu̱ta̱dde̱n.

U̱tu̱gu̱zze̱k ol kaal cik orongnyu ol ku̱tu̱gu̱zze̱u̱ng i̱ge̱ta̱.

Ming apani e̱e̱ti̱ vurec, anyik bo̱do̱k kapan vurec co̱de̱ ke̱ bu̱k. Ming a̱gga̱ma̱ni̱ e̱e̱ti̱ ru̱u̱m cunne ngo̱lo̱lu̱, anyik kurumek ki ru̱u̱m ci ta̱dde̱nu̱ bu̱k. Anyik e̱e̱t kaal cik a̱jji̱n enne ngatunne, kar ming okkoye e̱e̱ti̱ imma gi̱i̱ cunne, ma ngen obodane ngatinne.

“I̱llo̱i̱ keet ci abunna ci a̱bbi̱rna̱ o̱ya̱u̱ cik gerzek, icima keet ci gerze ci a̱bbi̱rna̱ o̱ya̱u̱ cik abunna.

A̱gga̱ ol keet ngati a̱bbi̱rna̱ o̱ya̱u̱ ciginnek. Iróng ol aduca o̱ya̱u̱ cik een lobata keete ci een biila, icima ol aduca o̱ya̱u̱ cik een vi̱no̱ zara.