Luka 8 的热门经文

分享

Na edula ani nálɛ ébo kalɔ kabuni lɛlɔ ni, ese aani bekyuli bani muunú litemi lɛmmɔ teeti-ni taada ku kayi nwaa. Na beeboku lɛlɔ kalɔ na beenye momoomo teetédu kawɔlɔkɔ kalɛ na banwu ebi pii.

Edula ani nálɛ ébo liyu livo akɔ ni, ese aani bekyuli bani muunú litemi lɛmmɔ, nsu kayawi lɛƒɛda ku lɛlakɛ ku kayawi kamɛni ebiti aatú taabali-ma, na alaya na ebi ammɔ egyie na baƒɛ-nya.

Na ani nálɛ ébo atakpɛ lɛlɔ ni, ese aani bekyuli bani na bénu litemi lɛmmɔ na báƒɔ-ni ku ebiti mmɔ kani, nsu líteduo-ma lɛlɔ kemmo geen. Anwuɔsu baaƒɔ́ taadi uwi klukui kemmo kani. Na si uwi ɔni na bukpoku taanu bɔdi búbo ni, baayuɛ.

Na úye batɛyane bammɔ ɔnini, “Bi ɔsu na biiibo bɔƒɔtaadi?” Nsu bunye kani na benye yaa, na liƒu lɛnɔ lɛ́da-ma. Na béye lɛlɔ banini, “Ukyuli ɔmani na ɔdi mɛni bɔdi? Ɔɔtɛmi teete ɔƒɛƒɛɛ ku ɛpu ntu bɔni mɔɔnwanɛ lɛlɔ na beenú-nwu litemi!”

Na edula ani nálɛ ébo ulu kɔtu ese aani bekyuli bani muunú, nsu ukisine uubo taabada litemi lɛmmɔ teedie-ma kayi kemmo. Na ɔ́ya-ma na balakana bɔƒɔ bɔdi na Katɔti ɔƒɔ-ma ngba.

Lɛla biala lɛni na bábala bákya kesii biala ni, lɛdubɔda lɛlɛ keyi. Na lɛla lɛni na bébi ala ni, badubudie-ni beboku bukeye kemmo.

Ka uleku ɔmmɔ ɔ́nu ɔ́ti ka ulakana bɔbɛ ɔsu ni, lɛlɔ lɛɛtɔ́-nwu na ɔ́yu ɔ́tɛ Yesu lɛgba kalɔ. Amu na ɔ́sɔku lɛla biala kalɔ údie na bekyuli bammɔ ƒui anumi. Na údie ɔ́su lɛla lɛni ɔsu na útuku-nwu awu ku kalɛ na ɔlɛ ɔmmɔ ɔ́ba-nwu kɔnakunwi. Ɔmɛni ɔsu Yesu ɔ́su-nwu ɔnini, “Mina ubi uleku, ƒula bɔƒɔtaadi bɔ́bwi-ɔ. Teesie ku keyi buɛɛ.”

Batɛyane bammɔ bésie na bátágyila Yesu na básu-nwu banini, “Ati! Bɔdaku bukpi!” Amu na Yesu ɔ́ta únye na údie lɛdi ɔ́bɔku ɔƒɛƒɛɛ ku ntu bɔni mɔɔnwanɛ lɛlɔ mmɔ, na ana ƒui kenye káyɔ na ɔ́bla buɛɛ.