San Lucas 14 的热门经文

分享

—Ja̱ chrujan chujni tsii ngajin, rugunda icha ruthjueꞌna jaꞌan ke ndudee, o janee, o chriꞌi, o xeꞌen, o xan choo o nchri choo, ko kai icha ruthjueꞌna ke thi jichunxin jeꞌe. Ko chujni sincheꞌa jiꞌi, chroꞌa siꞌin chujnina.

Jañaa chujni ruxrajonꞌa seꞌen ixin jaꞌan, chujni mee chroꞌa siꞌin chujnina.

Ixin thi chujni jeꞌo tusayeꞌe, sinchekusue na̱; ko thi chujni rinaoꞌa tsusayeꞌe, ni mee sinchesayeꞌe na̱.

Jañaa kai, ja̱ chrujan ra chroꞌa tsinthueꞌe ra kain thi chunda ra, chroꞌa siꞌin ra chujnina.

Ja̱ chrujan ra sinchechjian ra naa nchia anto jié, ¿a jeꞌa saꞌo ruxraxaon ra kejaꞌin tumi tsunchjianxin nchia, ko jañaa tsunuꞌa ra a sithja tumia ra tsjexinxin tsunchjian nchia? Ixin ja̱ kuexinxion kuethe xro ko ijuaꞌa binchechjian nchia. Kuthimejan chujni sikon jaꞌa tsjanua na̱, ko chujni mee rundachro na̱: “Xii jiꞌi kuexinꞌa xa jueꞌe xa nchia.”

Mexinxin are jaꞌa sakee naa kiai, kai thetuꞌen chujni nua, thi chujni chroꞌa chrji, thi chujni chundaꞌa naa raa ko thi chujni dikonꞌa. Ko jamee Ndo Dio sinthanchaon jaꞌa ixin jeꞌe na̱ chroꞌa tsjenga ꞌna na̱, aro Ndo Dio tsjenga ꞌna ngajin are ruxechon kain chujni bincheꞌe jian.

’Xijntha jian, aro ja̱ ndatsuxruathe, ¿kexreen rukjan sunda inaa? Ko xijntha mee ichroꞌa sinchegunda na̱ ngain thja, ko kai xruꞌin xree sithekjan xee kuxiigo, ko ixruꞌin dunda xijntha. Jaꞌa ra xro thiꞌin ra, thinxin ra jian.