Yod hanr liq 10 的热门经文

分享

Chaw khuhd awr lehr, khuhd yug tug, dawz vehr tug he lehq te lug tug awg pun lehax lag che yaog. Ngag awr lehr, yawg teq pa a saq gha teq tug awg pun awg khod-aq liz, a saq teq che u ve haq caz daq che awg ceng kha lawq gha tug awg pun ngag lag che yaog.

Ngag awr lehr daq che yawg huhx sehr phad phehq che yaog. Daq che yawg huhx sehr phad awr lehr, yawg teq pa awg pun yawd ved a saq tand vid che yaog.

Ngag ved yawg teq pa awr lehr, ngag ved awg khuhd haq na yug che yaog. Yawg u ve teq pa haq ngag sir lehq, i hehd ngag awg khaz nuhr ghaq lag che yaog.

Ngag i hehd haq co co taer taer teq che co tiq ha tiq pid lehq, i hehd te pawz-a liz maq gha lug maq gha sez tug yaog. A sug liz ngag ved laq kuhr awg khuhn i hehd haq lu yug maq gha.

Ngag awr lehr, ghaz mir khuh phehq che yaog. Ngag awg khuhn lo gehag che chaw awr lehr, thaer khuhq che haq gha tug yaog. Yawd awr lehr, tuhz tuhz geh geh te lehq, kaz cad kig haq gha mawg tug yaog.

Ngag awr lehr daq che yawg huhx sehr phad phehq che yaog. Awr pa ngag haq sir lehq, ngag liz Awr pa haq sir che heh te lehq, ngag ved yawg teq pa haq ngag sir lehq, ngag ved yawg teq pa liz ngag haq sir che yaog. Kheh te lehq, ngag awr lehr ngag ved yawg teq pa awg pun ngag ved a saq haq tand che yaog.

Ngag haq yawg u ve teq pa chid aq ax sehr phad ngag ved Awr pa awr lehr, awg gha lia haq keh ir che yaog. A sug liz Awr pa ve laq kuhr awg khuhn lo yawg u ve teq pa haq lu yug maq gha. Awr pa ngag nid-ag te ghad lehax phehq che yaog,” lehz yawd i hehd haq koz vid che yaog.

Ngag awr lehr daq che yawg huhx sehr phad phehq che yaog. Awr pa ngag haq sir lehq, ngag liz Awr pa haq sir che heh te lehq, ngag ved yawg teq pa haq ngag sir lehq, ngag ved yawg teq pa liz ngag haq sir che yaog. Kheh te lehq, ngag awr lehr ngag ved yawg teq pa awg pun ngag ved a saq haq tand che yaog.

Ngag ved a saq haq chaw te ghad-eg liz maq hinx yug maq lu yug veh. Kheh ma khuhd, ngag khad ngag tand vid che yaog. Ngag ved a saq haq tand vid tug kand pax he lehq kawq yug khuhq tug kand pax awr lehr ngag geh cawg che yaog. Che kheh te tug, Awr pa ngag haq tawd pehar vehr che yaog,” lehz i hehd haq koz vid che yaog.

Kheh te lehq, Yer suq te pawz kawq koz che, “Ngag nig hehd haq awg cehg mag koz ax laq, ngag awr lehr yawg teq pa gehag tug ghaz mir khuh phehq che yaog.

Ghad phuhd cad lehq huhx sehr phad awr lehr, yawg huhx sehr phad cehg mag phehq che ma hez lehq yawg teq pa liz yawd ved phehq che ma hez. Kheh te cheaq te lehq, heh phid lag che haq yawd gha mawg che te yand, yawg teq pa haq yawd chid bag lar haz lehq phaw veh che yaog. Kheh te lehq, heh phid u ve awr lehr, yawg teq pa haq cheq lehq phaz daq vid vehr che yaog.

Ngag nig hehd haq awg cehg mag koz ax laq, yawg khawz awg khuhn lo gehag huh, ghaz mir khuhn lo maq gehag lehq awg kag awr ve te khad haq ca taz gehag che chaw te ghad awr lehr, chaw khuhd chaw naz phehq che yaog.