1
यूहन्ना 6:35
कोन्छ्योककी सुङ
xsrNT
यिने येशूकी तिवाला सुङ्सुङ, “नाम्साङ मिशिवु मिजी तेरुप शुब्ज्याङ ति ङ राङ यिन। ङे ते वुङ्गुपतिवा नाम्साङ ल्होवा मलङ्गिवी, तमा ङला तेपा कितुपतिवा नाम्साङ कोम्बा मलङ्गिवी।
对照
探索 यूहन्ना 6:35
2
यूहन्ना 6:63
नाम्साङ मिशिवु मिजी नङ्गुप ति कोन्छ्योककी थु चाङ्मा यिन, तमा जु ति काङ साङ फेन मोथोवी। ङे ख्यिराङला सिक्यावु दी ताम्ङे ति कोन्छ्योककी थु चाङ्मा ताङ नाम्साङ मिशिवु मिजीकी कोर्ला यिन।
探索 यूहन्ना 6:63
3
यूहन्ना 6:27
ख्यिराङ रुल्नी डोप समी थोक्ला लाका माकी, बोरु नाम्साङ मिशिवु मिजी तेरुप समी थोक्ला लाका की। ती मिजी ति ङ मी पुज्युङकी ख्यिराङला तेर्किवी, च्यिलासिसिन पपा कोन्छ्योककी ती मिजी तेरुप ओङ ति ङला नाङ्सुङ।”
探索 यूहन्ना 6:27
4
यूहन्ना 6:40
तमा खोकी पुज्युङला ल्हानी तीला तेपा कितुपतिवा तेरीकी नाम्साङ मिशिवु मिजी थोपुप ति ङे पपी नोवा यिन। तमा जम्बुलिङकी तिङ्मी तुजेला ङ तिवा तेरीला सेन्बु लङ ज्यितिन।”
探索 यूहन्ना 6:40
5
यूहन्ना 6:29
तमा खोकी तिवाला “कोन्छ्योककी तङ्गुप तीला तेपा कितुप ति कोन्छ्योककी लाका यिन।” सिनी सुङ्सुङ।
探索 यूहन्ना 6:29
6
यूहन्ना 6:37
ङे पपी ङला चेक तेन नङ्गुप मीतिवा तेरी ङे ते वुङ्गिवी, तमा ङे ते वुङ्गुपतिवाला ङ नाम्साङ लोक्नी मोतोङ।
探索 यूहन्ना 6:37
7
यूहन्ना 6:68
खोकी तुक सुङ्सिमा सिमोन पत्रुस तीकी “ओ चोवो, चोवोकी मुला याङ नाम्साङ मिशिवु मिजी तेरुप सुङ वे। तुक क्यानी ङ्यिराङ सी चाला डोप्जा?
探索 यूहन्ना 6:68
8
यूहन्ना 6:51
ङ ति देवाच्येन नेमा पाम वोवु सेन्बु वोतुप शुब्ज्याङ यिन। सी दी शुब्ज्याङ सेवे, तिवा नाम्साङ मिशिवी। ती शुब्ज्याङ ति ङे जु यिन, तमा ती जुकी जम्बुलिङकी मीतिवा तेरीला मिजी तेर्किवी।”
探索 यूहन्ना 6:51
9
यूहन्ना 6:44
ङला तोङ्गुप पपी मीतिवाला ङे ते वुङ्गुप सेम माबिन्सुङ सिसिन सु साङ ङे ते वुङ मुथुपी, तमा ङे ते वुङ्गुपतिवाला ङ जम्बुलिङकी तिङ्मी तुजेला सेन्बु लोङ्यिन।
探索 यूहन्ना 6:44
10
यूहन्ना 6:33
कोन्छ्योककी शुब्ज्याङ ति देवाच्येन नेमा वानी जम्बुलिङकी मीतिवाला नाम्साङ मिशिवु मिजी नङ्गुप ती यिन।”
探索 यूहन्ना 6:33
11
यूहन्ना 6:48
तमा नाम्साङ मिशिवु मिजी तेरुप शुब्ज्याङ ति ङ राङ यिन।
探索 यूहन्ना 6:48
12
यूहन्ना 6:11-12
तमा येशूकी ती शुब्ज्याङ ति लानी कोन्छ्योकला थुचिछे पुल्सिमा ते देतुप मीतिवा तेरीला गोनी तेर च्यिसुङ। तुक राङ क्यानी ङ्या साङ तिवा तेरीला डाता सेक गोनी तेर च्यिसुङ। मीतिवी डाता सेक सो सिन्सिमा येशूकी लोमातिवाला “ल्हकुप पुर्मातिवा तेरी रु, तिवा च्यिक साङ माक्युर।” सिनी सुङ्सुङ।
探索 यूहन्ना 6:11-12
13
यूहन्ना 6:19-20
ते नेसुर लोमातिवा टु ग्यप्नी किलोमिटर ङ टुक चोयी डोसालेन्सिन येशू ग्येम्छो ख नेसुर युनी टी चाला फेपुप तिवी थोङ्सुङ। ती थोङ्सिमा तिवा पर्नी छासे ज्यिवा क्यासुङ। यिने येशूकी तिवाला “ङ राङ यिन, ज्यिवा माकी।” सिनी सुङ्सुङ।
探索 यूहन्ना 6:19-20
主页
圣经
计划
视频