Lucas 11 的热门经文

分享

Mga yamong mapinagtalaken gatakong magtorol ta mo-yang bagay ong mga ana mi, ang Tatay mi pa bato ong langit? Indi bato magtorol tanandia tang Ispirito Santo ong mga taw ang pama-dol ong nandia?”

Animan agganingo ong nindio, pirmi among mama-dol ong Dios ig oldan amo. Magprosigir among magdilem tang agdilemen mi, sia itaen mi ka. Sigi lamang tang panagbalay mi ig padayonon amo.

Tenged garisibi tang kada pama-dol. Gaita tang pagdilem. Ig agpadayonon tang panagbalay.

Ganing si Jesus ong nira, “Mga mangadi amo, maning ta na tang pangadien mi: ‘Tatay amen, dayawen ig galangen tang aran mo. Balampa yawa ra tang maggaem ong tanan-tanan.

Patawaden ami nio ong mga talak amen, tenged agpatawaden amen ka tang mga pamagkatalak ong yamen. Ig tabangan ami kay nio agod indi ami degen tang tokso.’ ”

Olday ami ka nio ta yamen ang pamangan ong kaldaw-kaldaw.

Ang kalimbawan tang mata ta, midio pa-kal tang sinangoni ta. Animan mga mayag tang mata ta, gayagan ka tang bilog ang kaboi ta. Piro mga maki-lep tang mata ta, gaki-lepan ka tang bilog ang kaboi ta.

Ganing si Jesus, “Anday pagsindi ta kingki oman italok obin dapan na ta gantangan. Kondi don lamang i-tang ong borondoan na para mga tenled tang mga taw, mayag ang lagi.