Juan 2 的热门经文

分享

Saena ha binuhat hi Jesus diyà ta Cana ha sakup ta Galilea iyan nauna ha belenganen ha binuhat din. Pinaagi taena nakapaahà din sa pagkagamhanan din aman nakatuu kandin sa mga tinun-an din.

Ba tuminubag si Jesus, “Hurà kinahanglan ha suguen a ikaw ta kenà pa haini panahun ha maahà sa gahem ku hu kaet-etawan.”

Inikagiyan hi Jesus sa mga suluguen, “Pamunua hu wahig haini sa tadyaw.” Aman pinamunù dan. Dayun minikagi si Jesus diyà ta kandan, “Saluk kaw duun daw uwita diyà tayà ha tagbayà hu kaamulan.” Aman tuminuu sidan.

Tuminubag si Jesus, “Kagasa nuy haini sa timplu ta agbalayen ku dà duun hu tatulu ha aldaw.”

Aman binuhat din sa lagkut ha pisì daw pan-abuga sa mga etaw duma hu mga karniru daw mga baka dan. Insawed din sa mga salapì ku tagpamaylu dayun pinamantang din sa mga lamisahan dan. Inikagiyan din su tagbabaligyà hu salapati, “Awaa nuy hayan. Harì nuy agbuhata ha baligyaanan haini sa balay hu Amay ku.”