Dehet deng Apan-kloma ki in Dadi ka 11 的热门经文

分享

Hidim Un tek noan, “Atuil nias totoang bangsa mesa. Oen kon pake dasi-dehet mesa. Asa man oen in dake nia, halas-sam poh hmunan na na. Ola bingin dua, eta oen totoang butu-kil apa daid mes banansila el halas nia lam, mam oen daek nal asa tukun. Banan dui ka Kit niu lako, le tao oen dasi-dehet ta daid dasi mamo, halin oen aa kam taan apa mes nol mes lo.”

Oen totoang koo mesa le tek apa noan, “Kaka-pali me! Maa le kit bangun-pii kota tene mesa. Kit musti kutang dale, hidim kit tunun, le halin daid baut didi. Kit tode-toed baut nas nini ter. Hidim bangun-pii menara mesa, man tula ka lako pes se apan nua, le halin nam kit haup in naka. Nang le kit daid bangsa tene mesa, man bakisa-bakisan pait lo ka.”

Undeng na le oen ngali kota na ngala Babel, (man banansila el dasi mesa, man nahin na noan, ‘nangan tanan lo’), lole AMA LAMTUA tao sisaek oen dasi-dehet ta, nol tao oen le holhising lakos se ola-ola, se papmes apan-kloma kia.

Hmunan hesa kua, totoang atuil in se apan-kloma ki ngias, dehet nol apa nini dasi mes sii.

Kon AMA LAMTUA niu le ngat soba-naan kota na, nol menara man oen in bangun son na.

Kon nam, Ama Lamtua niu maa le tao didaan oen dasi-dehet ta. Nini ela lam, Un tao atuli las le holhising lako papmes se apan-kloma kia. Kon oen bangun napiut kota na pait lo.