Ajyíninka Apurucayali WBT Drama (NT)

<div class="version vid579 iso6393cpc" data-vid="579" data-iso6393="cpc">
 <div class="book bkMAT">
 <div class="chapter ch12" data-usfm="MAT.12">
 <div class="label">12</div><div class="s">Ikinkithatakotziro Jes&#250;s kitiijyiri jimakoryaantaitari</div><div class="r">(Mr. 2.23-28; Lc. 6.1-5)</div><div class="p"> 1Okanta kitiijyiri jimakoryaantaitari, ikinanaki Jes&#250;s pankirintsimashiki. Tima itajyaiyatziini jiyotaani, joyiikitanaki okithoki pankirintsi joyaari. 2Ji&#241;aakiri Fariseo-paini, ikantanakiri Jes&#250;s: &#8220;Paminiri piyotaani. Jiroka kitiijyiri jimakoryaantaitari inatzi, tii oshinitaantsitzi joyiikiwaiti&#8221;. 3Jakanakiri Jes&#250;s ikantanakiri: &#8220;&#191;Tiima pi&#241;aanatakotziri ikantakota David-ni, aantawitakariri itajyi itsipayitakari ikaataiyini? 4Ityaaki tasorintsipankoki, jowakawo tasorintsitanta, jatyootakiri itsipayitakari. Tii oshinitaantsiwita, apa jowapiintawo Ompiratasorintsitaari. 5Josankinawiitaka iijatzi pairani Ikantakaantaitani, okantzi: &#8216;Iiro pantawaitantawo kitiijyiri jimakoryaantaitari&#8217;. Iro kantzimaitacha jiyaatapiintzi Ompiratasorintsitaari kitiijyiriki jimakoryaantaitari tasorintsipankoki, jantawaitapiintzi. Tikaatsi kijyirini. 6Nokantzi naaka, iinitatsi jaka impinkathapiroitiri, iri anairori tasorintsipanko. 7Iro josankinaitantakari pairani, kantatsiri:</div><div class="q">Tii nokowi pamayitaina pipira pintayinari,</div><div class="q">Iro nokowapirotaki pitakotaiyaari pijyininka.</div><div class="m">Iro pinkimathatirimi iiroka jiroka, iiro pikijyimawaitziri jirikapaini, tima tii ikaaripiroshiritzi. 8Jirika Itomi Atziri ipinkatharipirotzi irirori, janairo kitiijyiri jimakoryaantaitari&#8221;.</div><div class="s">Atziri kisowakori</div><div class="r">(Mr. 3.1-6; Lc. 6.6-11)</div><div class="p"> 9Ipo&#241;a jawijanai Jes&#250;s, ityaapai japatotapiintaita. 10Ari isaikakiri kisowakotatsiri. Ikanta Fariseo-paini, josampitakiri Jes&#250;s, ikantziri: &#8220;&#191;Kamiithatatsima poshinchiiri kisowakori kitiijyiri jimakoryaantaitari?&#8221; Iro josampitantariri inkini inkantakotiri. 11Ipo&#241;a jakanakiri irirori, ikantanakiri: &#8220;Tii paminashitari poijyati aririka jotitya omoonaki kitiijyiri jimakoryaantaitari, pitakotari, pinoshikiri. 12Iri jitakopiroita atziri, janairi oijya. Tima tii okaaripiroshiritakaantzi anishironkatanti kitiijyiriki jimakoryaantaitari&#8221;. 13Ji&#241;aanatanakiri kisowakori, ikantziri: &#8220;Pinthaaryaawakotai&#8221;. Matanaka atziri, akotsitanai, okimitanaawo pashini jako. 14Ari ikisaiyanakani Fariseo-paini. Jataiyakini, ikinkithawaitaiyini, ikantzi: &#8220;&#191;Tsika ankantakirika Jes&#250;s, ampiyakaantyaariri?&#8221;</div><div class="s">Josankinatakoitsitakari pairani Jes&#250;s</div><div class="p"> 15Ikanta Jes&#250;s, yotaki ikowaitatzi intsitokaitiri, irootaki jawijantanaari. Ari joyaatanakiri ojyiki atziri, joshinchaaki ojyiki mantsiyari. 16Ikantayiwitakari: &#8220;Iiro pikinkithatakotana&#8221;. 17Ari imonkaatari josankinatakaayiitakiriri pairani Kamantantaniri Isa&#237;as-ni, ikantzi:</div><div class="q"> 18Jirika nompiratani, iriitaki niyoyaakiri.</div><div class="q">Nitakotani jinatzi, iri oimoshirinkanari.</div><div class="q">Kiso jowiri Tasorintsinkantsi,</div><div class="q">Ikinkithatakagairi kaari ajyininkata, ikamantairi tyaaryootatsiri.</div><div class="q"> 19Iiro ishinchiinkawintawaita apaniroini irirori,</div><div class="q">Iiro ikimaitziri inchiraachiraati inkinkithatakotya,</div><div class="q"> 20Iiro jimapirotziro irirori isataapirotiro sonkari sataawitainchari,</div><div class="q">Iiro joitsiwakiri paampariminki kapichiwitainchari ipaampataki,</div><div class="q">Irojatzi inkitsirinkantaiyaawori ji&#241;aitairo tyaaryootatsiri.#12.20 Ojyakaawintachari sonkari ipo&#241;a paampariminki tsiwakimataintsiri, iriitaki atziriiti kimisantawitachari kapichiini, ashironkaashiriyitachari, mantsiyashiriyitatsiri, shipitashiriyitatsiri, tima aritaki inishironkaitairi Jes&#250;s jirikaiti, iiro ishinitziri jashironkaayitaiya, a&#241;a aawiyaashiri inkantakaayitaiyaari, joshiripiroyitaiya. </div><div class="p"> 21Iriitaki joyaakoniintairi kaari ajyininkata impairyagairi iwairo.</div><div class="s">Ookimotziriri Tasorintsinkantsi</div><div class="r">(Mr. 3.20-30; Lc. 11.14-23)</div><div class="p"> 22Ipo&#241;a jamaitakiniri Jes&#250;s piyarishiritatsiri, ikamampotaakitakaakiri, imasontzipaantitakaakiri iijatzi. Joshinchaawakiri, aminanai kamiitha, &#241;aawaitanai iijatzi. 23Iyokitzi ikantanaka maawoni atziri, ikantaiyanakini: &#8220;&#191;Iriima jirika charinitariri David-ni?&#8221; 24Ikanta ikimaiyakini Fariseo, ikantaiyanakini irirori: &#8220;Jirika atziri joshinchaatziiri ashitariri piyari iitachari Beelzeb&#250;, irootaki jowawijaakotantariri ikaatzi ipiyarishiritaiyini&#8221;. 25Jiyotakotzimaitakari Jes&#250;s ikinkishiritakari, ikantanakiri: &#8220;Aririka jantaminthatawakaiya atziri ipinkathariwintaitziri, ari ji&#241;aakiro jowapintawakaiya. Iijatzi okimita aririka jantaminthatawakaayitaiya inampiki atziri, ari ji&#241;aakiro jookawintawakaiya inampiki. Aririka jantaminthatawakaiya atziri ikaatzi isaikapankotawakaa, ari ji&#241;aakiro jookawintawakaiya ipankoki. 26Ari inkantyaari iijatzi piyari aririkami jantaminthatawaiya. &#191;Iiroma ithonka aririka jookawintawakaanatya? 27Iriirikami kamaari Beelzeb&#250; oshinchiinani naaka, &#191;irijatzima kamaari oshinchiiriri piyotaaniyitari iiroka jowawijaakotantariri kaaganiritatsiri? Aririka okanta pikinkithatakotatziiri piyotaani, ari inkisantakimiro okaatzi pikantakiri. 28Tima Tasorintsinkantsi po&#241;aachari Pawaki oshinchaanari naaka nowawijaakotantariri piyarishiritatsiri. Irijatzi Pawa omapokakimiri iiroka ipinkathariwintantzi. 29Aririka inkowaiti inkoshiitiri shintsitatsiri kamiitha atziri, ontzimatyii jitaitawatyaari joojoitiri, onkantya iiro ikisakowintantawo jashiwitari aririka jayitsiitiri. 30Tima ikaatzi kaari aapatziyanari naaka, iriitaki kisaniintanari. Inkaati kaari imitakotinani joyiipatakotina, japaatakotatyaana. 31Iro kantzimaitacha nokantzi naaka: Kantatsi impiyakotairi Pawa inkaati kaaripiroshiriwitachani, ari inkimitagairi &#241;aawaiwitawori kaaripirori &#241;aantsi. Iriima ookimotakirini Tasorintsinkantsi, iiro ipiyakoitairi. 32Ari okimitsitari iijatzi: Kantatsi impiyakotairi Pawa ookimowityaarini Itomi Atziri, iriima inkaati kijyimatakirini Tasorintsinkantsi, iiro ipiyakoitairi. 33Okimiwaitakawo aririka i&#241;aitiro kamiithari chochoki, jiyotaitzi kamiithari inatzi owaato tsika opo&#241;aaka chochoki. Ari okimitari iijatzi aririka i&#241;aitiro chochoki piyantatsiri, jiyotaitzi kaaripirori onatzi owaato tsika opo&#241;aaka iroori. 34Pikimitakari maanki, kaaripiroshiri pikantaiyakani. Tikaatsi pinkinakairo pi&#241;aawaitiro kamiithari, tii opantawo pikinkishiritari, irootaki okaaripirotantakari pi&#241;aawaiyitziri. 35Apaani kamiithashiriri ikinkishiritawo kamiithari, irootaki okamiithatantari jantayitziri. Iriima kaaripiroshiritatsiri tii ikinkishiritapiintawo kamiithari, irootaki okaaripirotantari jantayitziri. 36Irootaki nokantantari naaka, aritaki jaminakoyiitairo paata okaatzi kaaripirori i&#241;aaniyiitari. 37Kamiitharika okaatzi pi&#241;aaniyitari, ari jaapatziyaitaimi. Irooma tiirika okamiithatzi, inkantayiitaimi: &#8216;Kaaripiroshiri pinatzi, ojyiki pinkimaatsitaiya&#8217; &#8221;.</div><div class="s">Ikowawita kaaripiroshiriri intasonkawintantaiti</div><div class="r">(Lc. 11.29-32)</div><div class="p"> 38Ipo&#241;a jakanaki Fariseo-paini itsipatakari Yotzinkariiti ikantanaki: &#8220;Yotaanar&#237;, nokowi no&#241;iimi pintasonkawintanti&#8221;. 39Ari jakanaki Jes&#250;s ikantzi: &#8220;Kaaripiroshiriri pinaiyini iiroka, pithainkani powakiri Pawa, pikowaiyini pi&#241;iina nontasonkawintanti. Iiromaita no&#241;aayimiro, apa pi&#241;iiro kimityaawoni awijyimotakiriri pairani Jon&#225;s, 40iniyantakariri kimitariri antari omani, tima mawa kitiijyiri isaikaki imotziki. Ari inkimityaari iijatzi Itomi Atziri inkitawitapaintya mawa kitiijyiri kipatsiki. 41Paata aririka jaminakoyiitairo okaatzi jantayiitziri, ari jiyakowintaimi N&#237;nive-jatzi, tima ikimisantairi pairani Jon&#225;s jowajyaantanairo ikaaripiroshiriwitaiyani. Jirika saikimotakimiri iiroka janairi Jon&#225;s. 42Paata aririka jaminakoyiitairo okaatzi jantayiitziri, ari iyakowintaimi tsinani pinkatharitatsiri pairani nampitsiki Sab&#225;, tima opokashitakiri yotaniri pinkathari Salom&#243;n, okimisantairi. Jirika saikimotakimiri iiroka janairi Salom&#243;n&#8221;.</div><div class="s">Ipiyashitanta piyari</div><div class="r">(Lc. 11.24-26)</div><div class="p"> 43&#8220;Okimiwaitakawo isaikashiritantyaarimi piyari apaani atziri, ipankotsititakawomi ja&#241;aantari. Aririka jookawiityaari, awijakowitaa atziri isaikantakari piyari. Ikinawaiwita otzishimashiki, iiro i&#241;i tsika isaiki. 44Impo&#241;aatya inkantashiritai piyari: &#8216;Nompiyai nopankoki tsika nopo&#241;aaka&#8217;. Piyaa piyari, i&#241;aapairi atziri kamiitha opishitaka ja&#241;aantari, owaniinka okantaka. 45Impo&#241;a jiyaatashitakiri mapirotzirori ipiyaritzi, inkantakiri: &#8216;Thami aati nopankoki, pintsipatina ampinkathariti&#8217;. Jamaki inkaati 7. Ari jashironkaapirotaiya jirika atziri, iiro ikimitaa jashironkaawita pairani kapichiini. Ari pinkimitaiyaari iirokaiti&#8221;.</div><div class="s">Ikinkithatakotziro Jes&#250;s inaanati ipo&#241;a iririntzi</div><div class="r">(Mr. 3.31-35; Lc. 8.19-21)</div><div class="p"> 46Iikiro ikinkithatakaatziiri Jes&#250;s apatowintakariri, ariitapaaka inaanati otsipatakari iririntzipaini, okatziyapaaka jikokiroki, okaimakaantapaakiri. 47Ikantawiitakari: &#8220;Ari ariita pinaanati otsipatakari pirintzipaini, okowi o&#241;iimi&#8221;. 48Ari jakanaki ikantzi: &#8220;&#191;Tsika otzimikama pikinkishiritaiyarini iro nonaanatitari, iri nirintzitari?&#8221; 49Jookotanakiri ikaatzi jiyotaapiintakiri, ikantzi: &#8220;Jirikapaini iriitaki nokimitakaantairi nirintzi, irootaki nokimitakaantairi iijatzi nonaanati. 50Tima maawoni antanairori ikowiri Ashitairi Inkitijatzi, iriitaki nirintzitaari, irootaki notsirotaari, irootaki nonaanatitaari&#8221;.</div>
 </div>
 </div>
</div>

Okanta kitiijyiri jimakoryaantaitari, ikinanaki Jesús pankirintsimashiki. Tima itajyaiyatziini jiyotaani, joyiikitanaki okithoki pankirintsi joyaari. Jiñaakiri Fariseo-paini, ikantanakiri Jesús: “Paminiri piyotaani. Jiroka kitiijyiri jimakoryaantaitari inatzi, tii oshinitaantsitzi joyiikiwaiti”. Jakanakiri Jesús ikantanakiri: “¿Tiima piñaanatakotziri ikantakota David-ni, aantawitakariri itajyi itsipayitakari ikaataiyini? Ityaaki tasorintsipankoki, jowakawo tasorintsitanta, jatyootakiri itsipayitakari. Tii oshinitaantsiwita, apa jowapiintawo Ompiratasorintsitaari. Josankinawiitaka iijatzi pairani Ikantakaantaitani, okantzi: ‘Iiro pantawaitantawo kitiijyiri jimakoryaantaitari’. Iro kantzimaitacha jiyaatapiintzi Ompiratasorintsitaari kitiijyiriki jimakoryaantaitari tasorintsipankoki, jantawaitapiintzi. Tikaatsi kijyirini. Nokantzi naaka, iinitatsi jaka impinkathapiroitiri, iri anairori tasorintsipanko. Iro josankinaitantakari pairani, kantatsiri:
Tii nokowi pamayitaina pipira pintayinari,
Iro nokowapirotaki pitakotaiyaari pijyininka.
Iro pinkimathatirimi iiroka jiroka, iiro pikijyimawaitziri jirikapaini, tima tii ikaaripiroshiritzi. Jirika Itomi Atziri ipinkatharipirotzi irirori, janairo kitiijyiri jimakoryaantaitari”.


Ipoña jawijanai Jesús, ityaapai japatotapiintaita. Ari isaikakiri kisowakotatsiri. Ikanta Fariseo-paini, josampitakiri Jesús, ikantziri: “¿Kamiithatatsima poshinchiiri kisowakori kitiijyiri jimakoryaantaitari?” Iro josampitantariri inkini inkantakotiri. Ipoña jakanakiri irirori, ikantanakiri: “Tii paminashitari poijyati aririka jotitya omoonaki kitiijyiri jimakoryaantaitari, pitakotari, pinoshikiri. Iri jitakopiroita atziri, janairi oijya. Tima tii okaaripiroshiritakaantzi anishironkatanti kitiijyiriki jimakoryaantaitari”. Jiñaanatanakiri kisowakori, ikantziri: “Pinthaaryaawakotai”. Matanaka atziri, akotsitanai, okimitanaawo pashini jako. Ari ikisaiyanakani Fariseo-paini. Jataiyakini, ikinkithawaitaiyini, ikantzi: “¿Tsika ankantakirika Jesús, ampiyakaantyaariri?”

Ikanta Jesús, yotaki ikowaitatzi intsitokaitiri, irootaki jawijantanaari. Ari joyaatanakiri ojyiki atziri, joshinchaaki ojyiki mantsiyari. Ikantayiwitakari: “Iiro pikinkithatakotana”. Ari imonkaatari josankinatakaayiitakiriri pairani Kamantantaniri Isaías-ni, ikantzi:
Jirika nompiratani, iriitaki niyoyaakiri.
Nitakotani jinatzi, iri oimoshirinkanari.
Kiso jowiri Tasorintsinkantsi,
Ikinkithatakagairi kaari ajyininkata, ikamantairi tyaaryootatsiri.
Iiro ishinchiinkawintawaita apaniroini irirori,
Iiro ikimaitziri inchiraachiraati inkinkithatakotya,
Iiro jimapirotziro irirori isataapirotiro sonkari sataawitainchari,
Iiro joitsiwakiri paampariminki kapichiwitainchari ipaampataki,
Irojatzi inkitsirinkantaiyaawori jiñaitairo tyaaryootatsiri.
Iriitaki joyaakoniintairi kaari ajyininkata impairyagairi iwairo.


Ipoña jamaitakiniri Jesús piyarishiritatsiri, ikamampotaakitakaakiri, imasontzipaantitakaakiri iijatzi. Joshinchaawakiri, aminanai kamiitha, ñaawaitanai iijatzi. Iyokitzi ikantanaka maawoni atziri, ikantaiyanakini: “¿Iriima jirika charinitariri David-ni?” Ikanta ikimaiyakini Fariseo, ikantaiyanakini irirori: “Jirika atziri joshinchaatziiri ashitariri piyari iitachari Beelzebú, irootaki jowawijaakotantariri ikaatzi ipiyarishiritaiyini”. Jiyotakotzimaitakari Jesús ikinkishiritakari, ikantanakiri: “Aririka jantaminthatawakaiya atziri ipinkathariwintaitziri, ari jiñaakiro jowapintawakaiya. Iijatzi okimita aririka jantaminthatawakaayitaiya inampiki atziri, ari jiñaakiro jookawintawakaiya inampiki. Aririka jantaminthatawakaiya atziri ikaatzi isaikapankotawakaa, ari jiñaakiro jookawintawakaiya ipankoki. Ari inkantyaari iijatzi piyari aririkami jantaminthatawaiya. ¿Iiroma ithonka aririka jookawintawakaanatya? Iriirikami kamaari Beelzebú oshinchiinani naaka, ¿irijatzima kamaari oshinchiiriri piyotaaniyitari iiroka jowawijaakotantariri kaaganiritatsiri? Aririka okanta pikinkithatakotatziiri piyotaani, ari inkisantakimiro okaatzi pikantakiri. Tima Tasorintsinkantsi poñaachari Pawaki oshinchaanari naaka nowawijaakotantariri piyarishiritatsiri. Irijatzi Pawa omapokakimiri iiroka ipinkathariwintantzi. Aririka inkowaiti inkoshiitiri shintsitatsiri kamiitha atziri, ontzimatyii jitaitawatyaari joojoitiri, onkantya iiro ikisakowintantawo jashiwitari aririka jayitsiitiri. Tima ikaatzi kaari aapatziyanari naaka, iriitaki kisaniintanari. Inkaati kaari imitakotinani joyiipatakotina, japaatakotatyaana. Iro kantzimaitacha nokantzi naaka: Kantatsi impiyakotairi Pawa inkaati kaaripiroshiriwitachani, ari inkimitagairi ñaawaiwitawori kaaripirori ñaantsi. Iriima ookimotakirini Tasorintsinkantsi, iiro ipiyakoitairi. Ari okimitsitari iijatzi: Kantatsi impiyakotairi Pawa ookimowityaarini Itomi Atziri, iriima inkaati kijyimatakirini Tasorintsinkantsi, iiro ipiyakoitairi. Okimiwaitakawo aririka iñaitiro kamiithari chochoki, jiyotaitzi kamiithari inatzi owaato tsika opoñaaka chochoki. Ari okimitari iijatzi aririka iñaitiro chochoki piyantatsiri, jiyotaitzi kaaripirori onatzi owaato tsika opoñaaka iroori. Pikimitakari maanki, kaaripiroshiri pikantaiyakani. Tikaatsi pinkinakairo piñaawaitiro kamiithari, tii opantawo pikinkishiritari, irootaki okaaripirotantakari piñaawaiyitziri. Apaani kamiithashiriri ikinkishiritawo kamiithari, irootaki okamiithatantari jantayitziri. Iriima kaaripiroshiritatsiri tii ikinkishiritapiintawo kamiithari, irootaki okaaripirotantari jantayitziri. Irootaki nokantantari naaka, aritaki jaminakoyiitairo paata okaatzi kaaripirori iñaaniyiitari. Kamiitharika okaatzi piñaaniyitari, ari jaapatziyaitaimi. Irooma tiirika okamiithatzi, inkantayiitaimi: ‘Kaaripiroshiri pinatzi, ojyiki pinkimaatsitaiya’ ”.


Ipoña jakanaki Fariseo-paini itsipatakari Yotzinkariiti ikantanaki: “Yotaanarí, nokowi noñiimi pintasonkawintanti”. Ari jakanaki Jesús ikantzi: “Kaaripiroshiriri pinaiyini iiroka, pithainkani powakiri Pawa, pikowaiyini piñiina nontasonkawintanti. Iiromaita noñaayimiro, apa piñiiro kimityaawoni awijyimotakiriri pairani Jonás, iniyantakariri kimitariri antari omani, tima mawa kitiijyiri isaikaki imotziki. Ari inkimityaari iijatzi Itomi Atziri inkitawitapaintya mawa kitiijyiri kipatsiki. Paata aririka jaminakoyiitairo okaatzi jantayiitziri, ari jiyakowintaimi Nínive-jatzi, tima ikimisantairi pairani Jonás jowajyaantanairo ikaaripiroshiriwitaiyani. Jirika saikimotakimiri iiroka janairi Jonás. Paata aririka jaminakoyiitairo okaatzi jantayiitziri, ari iyakowintaimi tsinani pinkatharitatsiri pairani nampitsiki Sabá, tima opokashitakiri yotaniri pinkathari Salomón, okimisantairi. Jirika saikimotakimiri iiroka janairi Salomón”.


“Okimiwaitakawo isaikashiritantyaarimi piyari apaani atziri, ipankotsititakawomi jañaantari. Aririka jookawiityaari, awijakowitaa atziri isaikantakari piyari. Ikinawaiwita otzishimashiki, iiro iñi tsika isaiki. Impoñaatya inkantashiritai piyari: ‘Nompiyai nopankoki tsika nopoñaaka’. Piyaa piyari, iñaapairi atziri kamiitha opishitaka jañaantari, owaniinka okantaka. Impoña jiyaatashitakiri mapirotzirori ipiyaritzi, inkantakiri: ‘Thami aati nopankoki, pintsipatina ampinkathariti’. Jamaki inkaati 7. Ari jashironkaapirotaiya jirika atziri, iiro ikimitaa jashironkaawita pairani kapichiini. Ari pinkimitaiyaari iirokaiti”.


Iikiro ikinkithatakaatziiri Jesús apatowintakariri, ariitapaaka inaanati otsipatakari iririntzipaini, okatziyapaaka jikokiroki, okaimakaantapaakiri. Ikantawiitakari: “Ari ariita pinaanati otsipatakari pirintzipaini, okowi oñiimi”. Ari jakanaki ikantzi: “¿Tsika otzimikama pikinkishiritaiyarini iro nonaanatitari, iri nirintzitari?” Jookotanakiri ikaatzi jiyotaapiintakiri, ikantzi: “Jirikapaini iriitaki nokimitakaantairi nirintzi, irootaki nokimitakaantairi iijatzi nonaanati. Tima maawoni antanairori ikowiri Ashitairi Inkitijatzi, iriitaki nirintzitaari, irootaki notsirotaari, irootaki nonaanatitaari”.

聆听 Mateo 12