If you have would like a copy of this version please contact info@davarpartners.org

The Acholi Old Testament

<div class="version vid559 iso6393ach" data-vid="559" data-iso6393="ach">
 <div class="book bkGEN">
 <div class="chapter ch8" data-usfm="GEN.8">
 <div class="label">8</div><div class="s1">Pii al&#331;ka otwo woko</div><div class="p"> 1Luba&#331;a opo kom Nua ki lee tim ducu, ki lee ma paco ducu ma yam tye kacel kwede i yeya. Luba&#331;a omiyo yamo okodo wi lobo, ci pii ocako dwon. 2Wa&#331; it me kut matut oculle woko, ki polo bene ocegge woko, ki kot ma corre a ki i polo bene ocok woko, 3pii omedde ki dwon woko i wi lobo jwijwi. Ka nino okato miya acel ki pyerabic, pii ono&#331;o odwon woko. 4I dwe me abiro, i nino dwe apar wiye abirone, yeya ogem i wi got Ararat. 5Pii omedde ki dwon woko nio kwede i dwe me apar; i dwe me apar, i nino dwe acel, wi godi maboco gucako nen.</div><div class="p"> 6Ka nino pyera&#331;wen okato, Nua oyabo wa&#331; dirica ma yam otuco i yeya-ni, 7ocwalo agak woko; ci obedo ka tuk, kun wirre kwede tu&#331;&#331;i ki tu&#331;&#331;i, nio ka piny otwo woko. 8Dok ocwalo amam woko nia ki bote, wek enen ka pii do&#331; otyeko dwon woko ki i lobo ada. 9Ento amam pe omedo ki no&#331;o ka ma opye iye ki tyene, ci odok bote cen i yeya, pien ono&#331;o pii pud omwonyo wi lobo woko ducu. Ci Nua oryeyo bade, omake, odwoke i yeya bote. 10Dok okuro pi nino abiro mukene, ka dok ocwalo amam woko nia ki i yeya. 11Amam dok odok bote i yeya ma ono&#331;o piny do&#331; oyuto; nen, en otino pot yat jeituni ma opwono madyak i doge. Kit meno Nua onia&#331; ni pii do&#331; otyeko dwon woko ki i wi lobo. 12Dok omedde ki kuro pi nino abiro mukene, dok ocwalo amam woko; ci do&#331; pe odok bote matwal.</div><div class="p"> 13I mwaka me miya abicel ki acel me dit pa Nua, i dwe mukwo&#331;o, i nino dwe acel, en aye pii otwo iye woko liwe&#331; wi lobo. Nua ocako puto wi yeya woko, ci oneno wi lobo otwo woko. 14I dwe me aryo, i nino dwe pyeraryo wiye abiro, ono&#331;o lobo do&#331; otwo woko. 15Luba&#331;a owaco bot Nua ni, 16&#8220;Do&#331; ikat woko ki i yeya, in ki dakoni, ki awobeni ki mongi kacel kwedi. 17Kel woko gin makwo ducu ma gitye kwedi, wa kit kom ducu, winyo ki lee ki gin ducu ma lak alaka wi lobo, wek gucorre i wi lobo, kun ginywal, ginya i wi lobo.&#8221; 18Kit meno Nua okato woko, ki awobene ki dakone, ki mon pa awobene kacel kwede. 19Ki lee ducu ki gin ducu ma lak alaka, ki winyo ducu, gin ducu ma giwoto wi lobo, gucako mol, gukato woko ki i yeya, ma oporo kit kwagi ducu.</div><div class="p"> 20Nua ocano keno tyer pi Rwot, ci oyero lee ma gicamo ki i kit kwagi acel acel, ki winyo ma gicamo ki i kit kwagi acel acel, otyero gitum awa&#331;a i wi keno tyer. 21Ka Rwot o&#331;weyo gin ma &#331;wece kur ma yomo cwiny, Rwot oloko i cwinye kekene ni, &#8220;An pe dok abiceno lobo pi dano, kadi bed tam ducu ma i cwinye kemo bal keken nia wa i tinone; pe do&#331; abineko gin makwo ducu kit ma yam atimo. 22Ka lobo pud tye, ci kare me coc ki kac, wa koyo ki lyeto, ki oro ki cwir, dyece&#331; ki dyewor, pe bigik matwal.&#8221;</div>
 </div>
 </div>
</div>

Acholi Bible © Bible Society of Uganda, 1985.

Lubaŋa opo kom Nua ki lee tim ducu, ki lee ma paco ducu ma yam tye kacel kwede i yeya. Lubaŋa omiyo yamo okodo wi lobo, ci pii ocako dwon. Waŋ it me kut matut oculle woko, ki polo bene ocegge woko, ki kot ma corre a ki i polo bene ocok woko, pii omedde ki dwon woko i wi lobo jwijwi. Ka nino okato miya acel ki pyerabic, pii onoŋo odwon woko. I dwe me abiro, i nino dwe apar wiye abirone, yeya ogem i wi got Ararat. Pii omedde ki dwon woko nio kwede i dwe me apar; i dwe me apar, i nino dwe acel, wi godi maboco gucako nen.
Ka nino pyeraŋwen okato, Nua oyabo waŋ dirica ma yam otuco i yeya-ni, ocwalo agak woko; ci obedo ka tuk, kun wirre kwede tuŋŋi ki tuŋŋi, nio ka piny otwo woko. Dok ocwalo amam woko nia ki bote, wek enen ka pii doŋ otyeko dwon woko ki i lobo ada. Ento amam pe omedo ki noŋo ka ma opye iye ki tyene, ci odok bote cen i yeya, pien onoŋo pii pud omwonyo wi lobo woko ducu. Ci Nua oryeyo bade, omake, odwoke i yeya bote. Dok okuro pi nino abiro mukene, ka dok ocwalo amam woko nia ki i yeya. Amam dok odok bote i yeya ma onoŋo piny doŋ oyuto; nen, en otino pot yat jeituni ma opwono madyak i doge. Kit meno Nua oniaŋ ni pii doŋ otyeko dwon woko ki i wi lobo. Dok omedde ki kuro pi nino abiro mukene, dok ocwalo amam woko; ci doŋ pe odok bote matwal.
I mwaka me miya abicel ki acel me dit pa Nua, i dwe mukwoŋo, i nino dwe acel, en aye pii otwo iye woko liweŋ wi lobo. Nua ocako puto wi yeya woko, ci oneno wi lobo otwo woko. I dwe me aryo, i nino dwe pyeraryo wiye abiro, onoŋo lobo doŋ otwo woko. Lubaŋa owaco bot Nua ni, “Doŋ ikat woko ki i yeya, in ki dakoni, ki awobeni ki mongi kacel kwedi. Kel woko gin makwo ducu ma gitye kwedi, wa kit kom ducu, winyo ki lee ki gin ducu ma lak alaka wi lobo, wek gucorre i wi lobo, kun ginywal, ginya i wi lobo.” Kit meno Nua okato woko, ki awobene ki dakone, ki mon pa awobene kacel kwede. Ki lee ducu ki gin ducu ma lak alaka, ki winyo ducu, gin ducu ma giwoto wi lobo, gucako mol, gukato woko ki i yeya, ma oporo kit kwagi ducu.
Nua ocano keno tyer pi Rwot, ci oyero lee ma gicamo ki i kit kwagi acel acel, ki winyo ma gicamo ki i kit kwagi acel acel, otyero gitum awaŋa i wi keno tyer. Ka Rwot oŋweyo gin ma ŋwece kur ma yomo cwiny, Rwot oloko i cwinye kekene ni, “An pe dok abiceno lobo pi dano, kadi bed tam ducu ma i cwinye kemo bal keken nia wa i tinone; pe doŋ abineko gin makwo ducu kit ma yam atimo. Ka lobo pud tye, ci kare me coc ki kac, wa koyo ki lyeto, ki oro ki cwir, dyeceŋ ki dyewor, pe bigik matwal.”

聆听 Acakki 8