Di Nyoo Testiment eena Bileez Kriol

<div class="version vid409 iso6393bzj" data-vid="409" data-iso6393="bzj">
 <div class="book bkJHN">
 <div class="chapter ch9" data-usfm="JHN.9">
 <div class="label">9</div><div class="s">Jeezas heel wahn man weh mi baan blain</div><div class="p"> 1Az Jeezas mi-di waak lang, ih si wahn man weh mi baan blain. 2Ih disaipl dehn aks ahn seh, &#8220;Teecha, da wai dis man baan blain? Da kaa hihn sin, er da kaa ih ma ahn ih pa sin?&#8221;</div><div class="p"> 3Jeezas ansa dehn seh, &#8220;Fi hihn blainis noh ga notn fi du wid fi hihn sin er ih ma ahn ih pa sin. Bot hihn mi baan blain soh dat Gaad ku shoa ih powa chroo weh ih wahn du fi dis man. 4Wi hafu du weh di Wan weh sen mi waahn wi du wail da stil day. Nait di kohn, ahn nobadi kyaahn du notn wen nait kohn. 5Az lang az Ai deh ya eena dis werl, Ai da di Lait weh shoa peepl how fi liv.&#8221;</div><div class="p"> 6-7Wen Jeezas don seh dis, ih spit pahn di grong ahn den ih miks op di spit ahn di dert ahn mek lee mod. Den ih spred di mod oava di man aiy dehn, ahn ih tel ahn seh, &#8220;Goh goh wash aaf yu aiy dehn eena di pool weh nayhn Sailoam.&#8221; (Sailoam meen &#8220;di Wan weh dehn sen.&#8221;) Soh di man gaahn gaahn wash ih aiy dehn, ahn den ih kuda mi si. Afta dat, ih gaahn bak hoahn.</div><div class="p"> 8Di man nayba dehn ahn aala dehn wan weh doz noa ahn az wahn bega staat tu aks, &#8220;Dis da noh di sayhn man weh doz sidong di bayg?&#8221; 9Som a dehn mi-di seh, &#8220;Da hihn.&#8221;</div><div class="p">Ahn sohn neks wan seh, &#8220;No, da noh hihn, da sohnbadi weh oanli luk laik hihn.&#8221;</div><div class="p">Bot di man ihself seh, &#8220;Da mee da di sayhn man.&#8221;</div><div class="p"> 10Bot di peepl dehn aks ahn agen, &#8220;Den da how yoo ku si now den?&#8221;</div><div class="p"> 11Di man ansa dehn seh, &#8220;Da man weh nayhn Jeezas miks op sohn mod ahn spred it oava mi aiy dehn ahn tel mi, &#8216;Goh da di pool weh nayhn Sailoam ahn wash aaf yu aiy dehn.&#8217; Den Ah gaahn gaahn wash mi aiy dehn ahn den Ah kuda mi si.&#8221;</div><div class="p"> 12Den dehn aks di man, &#8220;Da weh hihn deh?&#8221;</div><div class="p">Di man seh, &#8220;Ai noh noa.&#8221;</div><div class="s">Di Farisee dehn kweschan di man weh mi blain</div><div class="p"> 13Dehn kehr di man weh mi blain fronta di Farisee dehn. 14Now di day wen Jeezas miks di mod ahn put it pahn di man aiy dehn da-mi di Sabat. 15Den di Farisee dehn staat tu aks di man aal oava agen da how ih mi geh fi si.</div><div class="p">Di man tel dehn seh, &#8220;Di man put mod pahn mi aiy dehn. Den Ah wash dehn aaf, ahn now Ah ku si.&#8221;</div><div class="p"> 16Som a di Farisee dehn seh, &#8220;Dis Jeezas hihn da noh fahn Gaad kaa hihn noh kip di Sabat.&#8221;</div><div class="p">Bot sohn neks wan dehn seh, &#8220;Bot how sohnbadi weh da wahn sina wahn ku du mirakl laik dehnya?&#8221; Ahn soh dehn mi ga divizhan monks dehnself.</div><div class="p"> 17Soh dehn aks di man agen, &#8220;Wel, weh yoo ga fi seh bowt di man weh heel yu, laik how da fi yoo aiy dehn ih heel?&#8221;</div><div class="p">Di man seh, &#8220;Hihn da wahn prafit.&#8221;</div><div class="p"> 18-19Di Jooish leeda dehn stil neva bileev seh hihn da-mi di man weh mi baan blain ahn now kuda mi si, soh dehn kaal een ih ma ahn ih pa ahn aks dehn seh, &#8220;Dis da fi unu son weh mi baan blain? Ahn how kom ih ku si now?&#8221;</div><div class="p"> 20Di man ma ahn pa ansa dehn seh, &#8220;Wee noa seh dat dis da fi wee son, ahn dat ih mi baan blain. 21Bot wee noh noa da how kom hihn ku si now, er da hoo mek ih ku si. Aks hihn noh? Hihn oal nof fi taak fi fi hihnself.&#8221; 22Di man ma ahn ih pa mi seh dat kaa dehn mi frayd fi di Jooish leeda dehn. Yu si, di leeda dehn mi don seh dat enibadi weh seh dat Jeezas da-mi di Krais#9:22 Er: Mesaiya. mi wahn geh kik owta di sinagag.#9:22 Sinagag da laik wahn kamyooniti senta weh di Jooish peepl dehn meet fi wership Gaad. 23Dats wai di man ma ahn pa seh, &#8220;Aks hihn noh? Ih oal nof.&#8221;</div><div class="p"> 24Soh di Jooish leeda dehn kaal bak di man weh mi blain wahn sekant taim. Dehn tel ahn seh, &#8220;Sway fronta Gaad ahn tel di chroot.#Jashwa&#160;7:19. Dis man weh heel yu da wahn sina, noh chroo?&#8221;</div><div class="p"> 25Di man ansa seh, &#8220;Ai noh noa weda ih da sina er nat! Di oanli ting Ai noa, Ai mi blain, ahn now Ah ku si.&#8221;</div><div class="p"> 26Dehn tel ahn seh, &#8220;Weh ih du tu yu? Da how ih mek yu si?&#8221;</div><div class="p"> 27Di man ansa dehn seh, &#8220;Ah don tel unu aredi ahn unu neva waahn lisn. Soh wai unu waahn yehr it agen? Unu waahn bee wan a fi hihn falowaz tu den?&#8221;</div><div class="p"> 28Di Jooish leeda dehn staat tu insolt di man. Dehn seh, &#8220;Yoo da wan a fi hihn falowa dehn, bot wee fala Moaziz. 29Wee noa dat Gaad mi taak tu Moaziz, bot az tu dis man hihn, wee noh noa weh hihn kohn fram.&#8221;</div><div class="p"> 30Di man ansa dehn seh, &#8220;Yu noa, da wahn foni ting! Unu noh noa weh hihn kohn fram, bot yet hihn mek Ai ku si. 31Wi noa dat Gaad noh lisn tu sinaz, bot ih lisn tu dehn wan weh wership ahn, ahn du weh ih seh. 32Fahn di taim di werl mek, nobadi neva yehr yet bowt enibadi di mek wahn persn weh baan blain ku si. 33If dis man da neva fahn Gaad, hihn kudn du notn.&#8221;</div><div class="p"> 34Dehn ansa ahn seh, &#8220;Yoo ful op a wikidnis fahn yu baan, ahn now yoo di chrai teech wee?&#8221; Ahn wid dat dehn pich ahn owt.</div><div class="s">Jeezas taak bowt dehn wan weh blain fi chroo</div><div class="p"> 35Jeezas yehr seh dehn mi pich owt di man owta di sinagag, ahn wen ih fain ahn, ih seh, &#8220;Yoo bileev eena di Son a Man?&#8221;#9:35 Son a Man da-mi wahn naym weh Jeezas kaal ihself.</div><div class="p"> 36Di man aks ahn seh, &#8220;Da hoo da di Son a Man, Sa? Tel mi soh dat Ah ku bileev eena ahn.&#8221;</div><div class="p"> 37Jeezas seh, &#8220;Yu don si ahn, ahn di Wan weh di taak tu yu, da hihn.&#8221;</div><div class="p"> 38Di man seh, &#8220;Laad, Ah bileev.&#8221; Ahn ih staat tu wership Jeezas.</div><div class="p"> 39Jeezas seh, &#8220;Ai kom eena dis werl fi ekspoaz peepl sin. Ah kohn soh dat dehn wan weh blain ku si, ahn fi shoa dehn wan weh tink dehn ku si, dat dehn blain.&#8221;</div><div class="p"> 40Som a di Farisee dehn weh mi deh kloas yehr weh Jeezas seh, ahn dehn seh tu ahn, &#8220;Yoo kyaahn di seh dat wee blain.&#8221;</div><div class="p"> 41Jeezas tel dehn seh, &#8220;If unu mi blain, den unu wudn gilti a no sin. Bot laik how unu seh, &#8216;Wee ku si,&#8217; dat meen unu stil gilti a unu sin.&#8221;</div>
 </div>
 </div>
</div>

Az Jeezas mi-di waak lang, ih si wahn man weh mi baan blain. Ih disaipl dehn aks ahn seh, “Teecha, da wai dis man baan blain? Da kaa hihn sin, er da kaa ih ma ahn ih pa sin?”
Jeezas ansa dehn seh, “Fi hihn blainis noh ga notn fi du wid fi hihn sin er ih ma ahn ih pa sin. Bot hihn mi baan blain soh dat Gaad ku shoa ih powa chroo weh ih wahn du fi dis man. Wi hafu du weh di Wan weh sen mi waahn wi du wail da stil day. Nait di kohn, ahn nobadi kyaahn du notn wen nait kohn. Az lang az Ai deh ya eena dis werl, Ai da di Lait weh shoa peepl how fi liv.”
Wen Jeezas don seh dis, ih spit pahn di grong ahn den ih miks op di spit ahn di dert ahn mek lee mod. Den ih spred di mod oava di man aiy dehn, ahn ih tel ahn seh, “Goh goh wash aaf yu aiy dehn eena di pool weh nayhn Sailoam.” (Sailoam meen “di Wan weh dehn sen.”) Soh di man gaahn gaahn wash ih aiy dehn, ahn den ih kuda mi si. Afta dat, ih gaahn bak hoahn.
Di man nayba dehn ahn aala dehn wan weh doz noa ahn az wahn bega staat tu aks, “Dis da noh di sayhn man weh doz sidong di bayg?” Som a dehn mi-di seh, “Da hihn.”
Ahn sohn neks wan seh, “No, da noh hihn, da sohnbadi weh oanli luk laik hihn.”
Bot di man ihself seh, “Da mee da di sayhn man.”
Bot di peepl dehn aks ahn agen, “Den da how yoo ku si now den?”
Di man ansa dehn seh, “Da man weh nayhn Jeezas miks op sohn mod ahn spred it oava mi aiy dehn ahn tel mi, ‘Goh da di pool weh nayhn Sailoam ahn wash aaf yu aiy dehn.’ Den Ah gaahn gaahn wash mi aiy dehn ahn den Ah kuda mi si.”
Den dehn aks di man, “Da weh hihn deh?”
Di man seh, “Ai noh noa.”

Dehn kehr di man weh mi blain fronta di Farisee dehn. Now di day wen Jeezas miks di mod ahn put it pahn di man aiy dehn da-mi di Sabat. Den di Farisee dehn staat tu aks di man aal oava agen da how ih mi geh fi si.
Di man tel dehn seh, “Di man put mod pahn mi aiy dehn. Den Ah wash dehn aaf, ahn now Ah ku si.”
Som a di Farisee dehn seh, “Dis Jeezas hihn da noh fahn Gaad kaa hihn noh kip di Sabat.”
Bot sohn neks wan dehn seh, “Bot how sohnbadi weh da wahn sina wahn ku du mirakl laik dehnya?” Ahn soh dehn mi ga divizhan monks dehnself.
Soh dehn aks di man agen, “Wel, weh yoo ga fi seh bowt di man weh heel yu, laik how da fi yoo aiy dehn ih heel?”
Di man seh, “Hihn da wahn prafit.”
Di Jooish leeda dehn stil neva bileev seh hihn da-mi di man weh mi baan blain ahn now kuda mi si, soh dehn kaal een ih ma ahn ih pa ahn aks dehn seh, “Dis da fi unu son weh mi baan blain? Ahn how kom ih ku si now?”
Di man ma ahn pa ansa dehn seh, “Wee noa seh dat dis da fi wee son, ahn dat ih mi baan blain. Bot wee noh noa da how kom hihn ku si now, er da hoo mek ih ku si. Aks hihn noh? Hihn oal nof fi taak fi fi hihnself.” Di man ma ahn ih pa mi seh dat kaa dehn mi frayd fi di Jooish leeda dehn. Yu si, di leeda dehn mi don seh dat enibadi weh seh dat Jeezas da-mi di Krais mi wahn geh kik owta di sinagag. Dats wai di man ma ahn pa seh, “Aks hihn noh? Ih oal nof.”
Soh di Jooish leeda dehn kaal bak di man weh mi blain wahn sekant taim. Dehn tel ahn seh, “Sway fronta Gaad ahn tel di chroot. Dis man weh heel yu da wahn sina, noh chroo?”
Di man ansa seh, “Ai noh noa weda ih da sina er nat! Di oanli ting Ai noa, Ai mi blain, ahn now Ah ku si.”
Dehn tel ahn seh, “Weh ih du tu yu? Da how ih mek yu si?”
Di man ansa dehn seh, “Ah don tel unu aredi ahn unu neva waahn lisn. Soh wai unu waahn yehr it agen? Unu waahn bee wan a fi hihn falowaz tu den?”
Di Jooish leeda dehn staat tu insolt di man. Dehn seh, “Yoo da wan a fi hihn falowa dehn, bot wee fala Moaziz. Wee noa dat Gaad mi taak tu Moaziz, bot az tu dis man hihn, wee noh noa weh hihn kohn fram.”
Di man ansa dehn seh, “Yu noa, da wahn foni ting! Unu noh noa weh hihn kohn fram, bot yet hihn mek Ai ku si. Wi noa dat Gaad noh lisn tu sinaz, bot ih lisn tu dehn wan weh wership ahn, ahn du weh ih seh. Fahn di taim di werl mek, nobadi neva yehr yet bowt enibadi di mek wahn persn weh baan blain ku si. If dis man da neva fahn Gaad, hihn kudn du notn.”
Dehn ansa ahn seh, “Yoo ful op a wikidnis fahn yu baan, ahn now yoo di chrai teech wee?” Ahn wid dat dehn pich ahn owt.

Jeezas yehr seh dehn mi pich owt di man owta di sinagag, ahn wen ih fain ahn, ih seh, “Yoo bileev eena di Son a Man?”
Di man aks ahn seh, “Da hoo da di Son a Man, Sa? Tel mi soh dat Ah ku bileev eena ahn.”
Jeezas seh, “Yu don si ahn, ahn di Wan weh di taak tu yu, da hihn.”
Di man seh, “Laad, Ah bileev.” Ahn ih staat tu wership Jeezas.
Jeezas seh, “Ai kom eena dis werl fi ekspoaz peepl sin. Ah kohn soh dat dehn wan weh blain ku si, ahn fi shoa dehn wan weh tink dehn ku si, dat dehn blain.”
Som a di Farisee dehn weh mi deh kloas yehr weh Jeezas seh, ahn dehn seh tu ahn, “Yoo kyaahn di seh dat wee blain.”
Jeezas tel dehn seh, “If unu mi blain, den unu wudn gilti a no sin. Bot laik how unu seh, ‘Wee ku si,’ dat meen unu stil gilti a unu sin.”

聆听 Jan 9