If you would like a copy of this version please contact info@davaraudiobibles.org

Nyakyusa-Ngonde (Malawi) Bible

<div class="version vid4049 iso6393nyy" data-vid="4049" data-iso6393="nyy">
 <div class="book bkJHN">
 <div class="chapter ch2" data-usfm="JHN.2">
 <div class="label">2</div><div class="s">Ubwegi nkaya ka Kana</div><div class="p"> 1Pisiku lya butatu, bulinkuyapo ubwegi nkaya ka Kana nkisu kya Galilai, unna gwa Yesu alinkuya papo. 2Yope Yesu nabafundigwa bake, babilikiligwe kubwegi. 3Lelo bo ubwalwa bwa mafilu bwagilwe, unna gwa Yesu alinkumbula alinkuti, &#8220;Ubwalwa bwa mafilu bumalike.&#8221; 4Umwene Yesu alinkumwamula alinkuti, &#8220;Gwe nkikulu, tuli buki nanine nanugwe? Akabalilo kangu kakali ukwisa.&#8221; 5Umwene unna alinkubabula ababombi alinkuti, &#8220;Syosa isi linga ikubabula, syo mubombege itolo.&#8221; 6Syabikigwe papo indeko sya mabwe sihano nayimo, ukufwana nulwiho lwa kwiyelusya abaYuda, yimo yimo amalitala amalongo mabili (20). 7Popapo Yesu alinkubabula alinkuti, &#8220;Amwisusye amisi mundeko.&#8221; Balinkwisusya ukufika pamwanya. 8Alinkubabula alinkuti, &#8220;Amunegege lelo, muntwalile unjabafyakulya,&#8221; abene balinkuntwalila. 9Umwene unjabafyakulya bo aganogelisye amisi aga galipelile ukuya bwalwa bwa mafilu, akagamenye kuno gafumile &#8212; loli ababombi aba banegelelaga amisi, bo bamenye, &#8212; popapo unjabafyakulya alinkumbilikila umwegankikulu, 10alinkumbula alinkuti, &#8220;Umundu gwesa ikutala ukutegelesya ubwalwa bwa mafilu ubununu, lelo linga abandu banwile fiyo, po ikwega ububibipo; loli ugwe gwafisile ubwalwa ubununu ukufika ulu.&#8221;</div><div class="p"> 11Isi syo abombile Yesu nkaya ka Kana nkisu kya Galilai, bulinkuya bo bwandilo bwa fika, mo alinkwibonekesya ubukulumba bwake; bope nabafundigwa bake balinkwenda nukumwitika.</div><div class="p"> 12 # 
 Mat 4.13
 Panyuma pali sisisi Yesu alinkusuluka ukubuka nkaya ka Kapernaumu, yuyo nunna, nabanuguna, palikimo nabafundigwa bake; mo balinkwakugonamo amasiku manandi.</div><div class="s">Yesu ikwingila Nnyumba ya Kyala</div><div class="r">(Mat 21.12-13; Mar 11.15-17; Luk 19.45-46)</div><div class="p"> 13 # 
 Kuso 12.1-27
 Lelo bo Ikyaka kya Pasa gwa baYuda kisegelile, Yesu alinkufyuka ukubuka mu Yerusalemu. 14Popapo alinkubaga Nnyumba ya Kyala abandu aba bulisyaga ing'ombe ning'osi ningunde, naba busamaga indalama, batugesye pamesa syabo. 15Alinkunienga ulugoye ukuya kikoti, alinkubakagamo bosa Nnyumba ya Kyala, palikimo ning'osi syabo, ning'ombe syabo, alinkona indalama sya busaniandalama, alinkukupusya nimesa syabo. 16Abene abulisyangunde alinkubabula alinkuti, &#8220;Amusisosyepo isi, mungayipelaga inyumba ya Tata ukuya nyumba ya sokoni.&#8221; 17#Salimo 69.9Abafundigwa bake balinkukumbuka ukuti lisimbigwe ili likuti, Ilyoyo panongwa ya nyumba yako lisakundya. 18Popapo lelo abaYuda balinkumwamula balinkuti, &#8220;Kyo kimanyilo kiliku ikya kutunangisya, ukuti gwe gwa kubomba sisisi?&#8221; 19#Mat 26.61; 27.40; Mar 14.58; 15.29Umwene Yesu alinkubamula alinkuti, &#8220;Amomole Inyumba ya Kyala iyi, kumasiku matatu itolo nisakuyiyengaga kangi.&#8221; 20Popapo abaYuda balinkuti, &#8220;Inyumba ya Kyala iyi yayengigwe ifyinja amalongo mana na fihano na kimo (46), loli ugwe kuyoba ukuti gwisakuyiyenga kangi kumasiku matatu itolo?&#8221; 21Loli inyumba iyi ayiyobaga go gu mbili gwake. 22Lelo bo asyukile mbafwe, abafundigwa bake balinkukumbuka ukuti asiyobile sisisi, balinkusitika isi syali mmasimbo kangi nisyu lila aliyobile Yesu.</div><div class="s">Muno Yesu abamanyile abandu</div><div class="p"> 23Lelo bo Yesu ali mu Yerusalemu paKyaka kya Pasa, abandu ba bingi balinkuyitika ingamu yake bo bafibwene ifika ifi apelile. 24Umwene Yesu alinkusita nukubasubila, papo umwene abamenye bosa, 25namanga akalondaga ukuti yumo ansisimikisye isya mundu, papo asimenye yuyo isi sili mmundu.</div>
 </div>
 </div>
</div>

BAIBULO INONGWA INUNU © Bible Society of Malawi, 2017.

Pisiku lya butatu, bulinkuyapo ubwegi nkaya ka Kana nkisu kya Galilai, unna gwa Yesu alinkuya papo. Yope Yesu nabafundigwa bake, babilikiligwe kubwegi. Lelo bo ubwalwa bwa mafilu bwagilwe, unna gwa Yesu alinkumbula alinkuti, “Ubwalwa bwa mafilu bumalike.” Umwene Yesu alinkumwamula alinkuti, “Gwe nkikulu, tuli buki nanine nanugwe? Akabalilo kangu kakali ukwisa.” Umwene unna alinkubabula ababombi alinkuti, “Syosa isi linga ikubabula, syo mubombege itolo.” Syabikigwe papo indeko sya mabwe sihano nayimo, ukufwana nulwiho lwa kwiyelusya abaYuda, yimo yimo amalitala amalongo mabili (20). Popapo Yesu alinkubabula alinkuti, “Amwisusye amisi mundeko.” Balinkwisusya ukufika pamwanya. Alinkubabula alinkuti, “Amunegege lelo, muntwalile unjabafyakulya,” abene balinkuntwalila. Umwene unjabafyakulya bo aganogelisye amisi aga galipelile ukuya bwalwa bwa mafilu, akagamenye kuno gafumile — loli ababombi aba banegelelaga amisi, bo bamenye, — popapo unjabafyakulya alinkumbilikila umwegankikulu, alinkumbula alinkuti, “Umundu gwesa ikutala ukutegelesya ubwalwa bwa mafilu ubununu, lelo linga abandu banwile fiyo, po ikwega ububibipo; loli ugwe gwafisile ubwalwa ubununu ukufika ulu.”
Isi syo abombile Yesu nkaya ka Kana nkisu kya Galilai, bulinkuya bo bwandilo bwa fika, mo alinkwibonekesya ubukulumba bwake; bope nabafundigwa bake balinkwenda nukumwitika.
Panyuma pali sisisi Yesu alinkusuluka ukubuka nkaya ka Kapernaumu, yuyo nunna, nabanuguna, palikimo nabafundigwa bake; mo balinkwakugonamo amasiku manandi.


Lelo bo Ikyaka kya Pasa gwa baYuda kisegelile, Yesu alinkufyuka ukubuka mu Yerusalemu. Popapo alinkubaga Nnyumba ya Kyala abandu aba bulisyaga ing'ombe ning'osi ningunde, naba busamaga indalama, batugesye pamesa syabo. Alinkunienga ulugoye ukuya kikoti, alinkubakagamo bosa Nnyumba ya Kyala, palikimo ning'osi syabo, ning'ombe syabo, alinkona indalama sya busaniandalama, alinkukupusya nimesa syabo. Abene abulisyangunde alinkubabula alinkuti, “Amusisosyepo isi, mungayipelaga inyumba ya Tata ukuya nyumba ya sokoni.” Abafundigwa bake balinkukumbuka ukuti lisimbigwe ili likuti, Ilyoyo panongwa ya nyumba yako lisakundya. Popapo lelo abaYuda balinkumwamula balinkuti, “Kyo kimanyilo kiliku ikya kutunangisya, ukuti gwe gwa kubomba sisisi?” Umwene Yesu alinkubamula alinkuti, “Amomole Inyumba ya Kyala iyi, kumasiku matatu itolo nisakuyiyengaga kangi.” Popapo abaYuda balinkuti, “Inyumba ya Kyala iyi yayengigwe ifyinja amalongo mana na fihano na kimo (46), loli ugwe kuyoba ukuti gwisakuyiyenga kangi kumasiku matatu itolo?” Loli inyumba iyi ayiyobaga go gu mbili gwake. Lelo bo asyukile mbafwe, abafundigwa bake balinkukumbuka ukuti asiyobile sisisi, balinkusitika isi syali mmasimbo kangi nisyu lila aliyobile Yesu.

Lelo bo Yesu ali mu Yerusalemu paKyaka kya Pasa, abandu ba bingi balinkuyitika ingamu yake bo bafibwene ifika ifi apelile. Umwene Yesu alinkusita nukubasubila, papo umwene abamenye bosa, namanga akalondaga ukuti yumo ansisimikisye isya mundu, papo asimenye yuyo isi sili mmundu.

聆听 YOHANI 2