Basketo - 2014 BSE (NT) Drama

Basketo - 2014 BSE (NT) Non Drama

ዬሱ̈ሲ ጾ̈ሳ̇̇ ኬ̈ ጋርታ̇ፖ ኬስካር ሉ̈ካምባራ ኢ ታማራን ኢ̈ክ ዬ̈ሪ “ጾ̈ሳ̇̇ ኬ̈ ዎዛርፌ̈ን ቆይሲ̈ርኮ ቤቃ̇ቤ” ጌይዴ። ኢ ኢንታ̇ኮ “ዓ ዎይ ዪንቲ̇ ቤ̈ቂ̈ራ? ቴ ዪንታ̇ክ ኪን ጋ̈ሬ፥ ሹቺ̇ ሹች ጋልዳ ኬ̈ሊንቲኖንዲፌ̈ኒ ዶኢባ̈ሴ። ዎይ ቢርት ላሊ̇ንቲ̇̈ሬ” ጌይዴ።
ዬሱ̈ሲ ዳብራዛይታ ኢንዲ̇ን ጋልዳ̇ ዶኣር ዎዶን ኢ ታማ̈ራን ፌ̈ብዶ̈ር ኢ̈ክ ዬ̈ሪ “ዓ ዎይ ባዚ ማ̈ቂ̇ዛ̈ዲ ኣ̈ንቲያ? ኔ ዬ̈ዚምቢኬ ዓና̇ ላይን ዉርሲምቦ ማሊ̇ን ኣብዛ ኑ̈ብ ሶ̈ላቤ?” ጋ̈ሪ ኦይጪ̇ዴ።
ዬሱ̈ሲ ኢንታ̇ኮ “ኦ̈ናካር ኣሲ ዪንታ̇ ባሊካይፌ̈ኒ ና̈ጊንቲ̇ብቴ! ዎይሊንን ዪንታ̇ኮ “ታ̈ኒ ክርስቶ̈ሳ” ጌዪ ሙታ̇ ቴ ሱምባር ዬ̈ሪ ዎይሊን ኣሳን ባሊ̈ሬ። ኡክ ቤሳ̇ ጋልዳ ኣሲ ዎል ዎልኣ ኦሊንታ̇ዚንዲኬ ጎት ቤሳ̇ ጋልዳ̇ ኦሊ ዲንዲኔ ጌይዝ ሶ̈ላ ዪንቲ̇ ሲስኪ̈ሬ። ዪ ዎይ ማ̈ቃካ̇ይ ኣቲ̇ባ̈ሶኮታ̇ቦ ኢ̈ጫፒ̇ቴ፥ ማ̈ቂ̇ናካር ዉርሲን ቢርቴ̇። ዎርዦ ዎርዣ ጋልዳ ዲንዲ̈ሬ፣ ካ̈ቲ ካ̈ታ ጋልዳ ኦል ዲን̈̇ሬ። ዱማ ዱማ ቤሳ̇ ጋልዳ ጋፊ ጌሊ̈ሬ ሳ̈ዛር ኤንኢ̈ሬ። ዪ ዎይ ማጮ̇ ዬላብ ዞ̈ቃ ቂዛ̈ዲፌ̈ኒዬ።
“ዪና̇ ኢዝባራ ኣሳን ዪንታ̇ ሜታብ ኣ̈ ኢሚ̇̈ሬ፥ ማ ዎሬ። ዪንቲ̇ ታ̈ና ኣማ̇ኒኖኮታ̇ቦ ዎርዣ ዎይ ዪንታ̇ ሺሪንቲ̈ሬ። ዪና̇ ኢዝባራ ዎይሊንን ፌ ኣማ̇ኒን ኣሺ̈ሬ። ፔታ̇ና ፔታ̇ና ሜታብ ኣ̈ ኢሚ̇̈ሬ፥ ዎልዎልኣር ኢጺ̇̈ሬ፥ ዎይሊን ዎርዳ ናባን ዲንዲ̈ሬ፥ ኢንታ̇ር ዎይሊን ኣስ ባሊ̈ሬ። ኢ̈ታ ኦ̈ሳ̇ ዎይሊሙታ̇ ሉኪ̇ዛኮታ̇ቦ ኣሳብ ዎ ካን ዛ̈ኪ̇̈ሬ። ዉርሲን ዬሊ̇ዝ ዲራ̈ስ ጋርዢኖን ፋጺ̈ሬ። ዎርዣ ዎይ̈ቦ ማርካ̇ ማ̈ቃ̇ምፔ̈ን ዓ ጾ̈ሳ̇̇ ካ̈ቲቲ ዎጛላ ኣላሚን ዎይን ጋልዳ ሳባ̇ኪንቲ̈ሬ፥ ዪና̇ ኢዝባራ ዉርሲን ዬላ̇̈ሬ።
“ናባ ዳኔ̈ሊ ሶ̈ሊኖንዲፌ̈ኒ ጾ̈ሳ̇̇ ኬ̈ን ቄ̈ዝ ባዚ ጌ̈ሻ̇ ቤሳ̇ ጋልዳ ኤቂ̇ ቤንቲ̇̈ሬ። ዪኖ̇ ናባ̇ቢዝ ኣሲ ቆፓ̇ጋ̈ቤ። ዪና̇ ኢዝባራ ዪሁዳ ጋዳ̇ ዎን ፉዳ ኢንዳ ዎ ቤስ̇ ዎጻ̇ጋ̈ቤ። ዛ̈ና ዎ ኣሲ ኬ̈ፖ ኣባክ ኤካ̇ንዳ ጋ̈ሪ ማ̈ቂ̇ ኬ̈ ጌላፖ̇ጋ̈ቤ። ዎት ጋዳ̇ ዎ ኣሲ ፌ ኣፊላ ኤካ̇ንዳ ጋ̈ሪ ጋስ ማ̈ቃ̇ፖጋ̈ቤ። ዪና̇ ኢዝባራ ዎዳንብኬ ኣሚ̇ሲዝ ጋጪናን ባዚ ኣዬ̇! ዪና̇ ኢዝ ኬሊ̇ንዳ ባርጊ ዎይ ሳምባታ ጋላስ ማ̈ቃካ̇ዮ̈ዲፌ̈ን ዎ̈ሲ̇ብቴ። ዪና̇ ኬሊ̇ምባራ ዓና̇ ኣላሚን ኮቺ̇ንቲ̇ኖምፖ ኤ̈̇ር ዓታ̇̈ብ ዬሊ̇ዝ ዲራ̈ስ ማ̈ቃካ̇ዮ ባዚ ዎሃፓሬ ኢዝፌ̈ኖ ባዚ ዉርሲ ማ̈ቃምፔ̈ን ባዮ̇ ጴች ሜቶ ኢዝ ጋላሲ̇ን ማ̈ቃ̇̈ሬ። ዪን ቃማ̇ን ጾ̈ሲ̇ ቃቢን ማሃካ̇ይኮ ዎኒ ፔቲ̇ ኣሳር ቡ̈ቲ̇ ፋጻንዳ̇ብ ዳንዳኢባ̈ስዶን፤ ዎቲናካር ጾ̈ሲ̇ ፌ̈ብ ማራ̇ጺኖ ኣሳን ጊሻ̇ቦ ጋ̈ሪ ቃሚ̇ን ቃቢንኔ።
“ዪና̇ ኢዝ ኬሊ̇ምባራ ኦ̈ናካር ኣሲ ዪንታ̇ኮ ‘ዓዲሼ ክርስቶ̈ሲ ዓይ ዎ’ ዎይ ‘ሴካንዳ̇ ዎ’ ጌዬጌይን ኣማ̇ናፒ̇ቴ። ዎርዳባር ፌ̈ና ክርስቶ̈ሳ ዪዝ ጌይዛንኬ ዎርዳ ናባን ዲንዲ̈ሬ። ኢንታ̇ብ ዳንዳኢንቴ̇ጌይን ሜላ ኣቲ̇ን ጾ̈ሳ̇̇̈ቦ ማራ̇ጺንቲ̇ኖ ኣሳን ባሊንዳቦ ጴች ታሚ̇ራ̈ታኬ ጋራ̇ሚሲዝ ባዛን ቤይሲ̈ሬ። ዪዚ ዓኖ̇ ዎይ ባዚን ቴ ዪንታ̇ቦ ቲ̈ኒታ̇ር ሶ̈ሊኔ።
“ዪ̈ኮታ̇ቦ ‘ዓዲሼ ኢ ባራሃ ጋርታ̇ ዎ’ ጌዬጌይን ዪንቲ̇ ኢና ሉካፒ̇ቴ፤ ‘ዓይ ጌ̈ማ ቤስ̇ ዎ’ ጌዬጌይንዳር ኣማ̇ናፒ̇ቴ። ዜ̈ሊን ኣፋ ዋልግ ጋ̈ር ኣዋ̈ፍ ኬሲፖ̇ ኣዋ̈ፍ ጌላ ቤንታ̇ዚንዲፌ̈ን ታ ኣሳ ናኣ ዬ̈ዚንዳር ዪና̇ ኢዝፌ̈ን ማ̈ቃ̇̈ሬ። ዓይቂ̇ኖ ባዚ ዎ ቤሳ̇ ጋልዳ ኣንካ ሺ̈ቂ̈ሬ።


“ዪን ሜታ ቃማንፖ ዎሃ ኤሊ̇ባራ
ኣዋ̈ፊንዳ ማ̇̈ሬ፥
ኣጋኒንዳር ፎኢሳባሴ፤
ቤ̈ርሳንር ኣፋፖ̇ ኬዲ̇̈ሬ፤
ኣፋ ዎ ዎልቃባሮ ባዛር ዎይ ኤንኢ̈ሬ።
ዪኒ̇ፖ ዎሃ ታ ኣሳ ናኣ ዓት ዬ̈ዚን ኤርሲዝ ማላ̇ ኣፋ ቤንቲ̇̈ሬ። ዪና̇ ኢዝባራ ዓና̇ ኣላሚን ጋልዳ ዎ ኣሲ ዎይ ዬኪ̇̈ሬ። ታ ኣሳ ናኣ̈ዲ ዎልቃባርኬ ጴች ቦንችባራ ኣፋ ሻ̈ራ ጋልባራ ዬ̈ዚምባ̇ር ኢንቲ̇ ቤቂ̇̈ሬ። ታ̈ኒ ጴች ዛያ ጊርሲ̇ ሲሲ̇ዝ ኪ̈ታንቻን ሚሻ̈ሬ፥ ኢንታ̇ር ሳ̈ዝ ኤ̈ሻ̇ ዎይ ሉካ̇ሪ ኣፎ̈ ሳ̈ዚን ቡጊዲምፖ̇ ኤ̈̇ር ቡጊዲን ዬላ̇ር ዎን ታ ታ̈ብ ቆሪኖ ኣሳን ሺ̈ሺ̇̈ሬ።


“ባላሳ ሚን ሚሳ̇ሊንዳ̇ ዪንታ̇ብ ቲሚርታ̇ ማ̈ቆ̇፥ ኢዝ ሻቃን ፉርቲ̇ ኢዝ ዋይን ጫ̈ልቄጌይን ዪና̇ ኢዝባራ ሴ̈ታ ኡኪ̇ኖን ዪንቲ̇ ኤሪ̈ሬ። ዪና̇ ኢዝፌ̈ኒ ዪንቲ̇ ዪ ዎይ ቤቃ̇ምባ̇ራ ቴ ኣሳ ናኣ ዬ̈ዝ ኬሊ̇ን ኡኪ̇ኖን ኤሪብቴ̇። ቴ ዪንታ̇ክ ኪን ጋ̈ሬ ዪ ዎይ ፎቲንቲ̇ዝ ዲራ̈ስ ዓ ዓታ̇ባሮ ኣሳ ዓይቂ̇ ዉሪባ̈ሴ። ኣፎ ሳ̈ዚንዳሬ ሳ̈ዶ̇ ሳ̈ዚንዳ̇ሬ ኣ̈̈ሬ፤ ታ ቃ̈ሊንዳ ፎቲንታ̇ካይ ኣታ̇ባሴ።
“ዪና̇ ኢዝ ቃሚ̇ንዲኬ ዪና̇ ኢዝ ሳኣ̈ቲን ታ ባ̈ባ ሙታ̇ ኤሪ̈ርዶኬ ሜላ ኣቲ̇ን ኣፎ ኪ̈ታ̇ንቻ̇ንር ማ̈ቂ̇ን ታ̈ኒ ጾ̈ሳ̇̇ ናኣ̈ዳር ማ̈ቂ̇ን ኦ̈ናካር ኤሪዝ ኣሲ ባዬ̇። ሚን ኖ̈ሂ ኬል̇ባራ ማ̈ቂ̇ኖንዲፌ̈ኒ ታ ኣሳ ናኣ̈ዲ ዬ̈ዚምባራ ዪና̇ ኢዝፌ̈ን ማ̈ቃ̇̈ሬ። ዪና̇ ኢዝ ኬል̇ባራ ይሳ̇ዝ ዋ̈ን ዬ̈ዚምፖ ቲ̈ን ኖ̈ሂ ጎጚን ጋርታ̇ ጌላዝ ቃሚ̇ን ዬሊ̇ዝ ዲራ̈ስ ኣሳን ሙዪሙታ̇ኬ ኡሽኪ̇ ሙታ̇፣ ኣቲናር ማጫ̇ ኤኪ̇ን ማጫ̇ ናኣር ኢስቲ̇ሙታ̇ ዎታዚምባ̇ራ፥ ይሳ̇ዝ ዋ̈ን ዬ̈ራ ዎይን ሜ̈ጫ ኤካ̇ ሉኪዝ ዲራ̈ስ ኢንቲ̇ ኤራካ̇ዬ፤ ታ ኣሳ ናኣ ዬንቲ̇ንዳሬ ዪና̇ ኢዝፌ̈ኔ። ዪና̇ ኢዝባራ ናምኢ ኣሳን ዎልኣ ዎት ጋዳ̇ ዎት ዎቲሬ፤ ኢንታ̇ ጋርታ̇ፖ ፔታ̇ና ኤኪንቲ̇̈ሬ ፔታ̇ና ኣቲ̇̈ሬ። ናምኢ ማጫ̇ን ዎልኣ ዎን ዎንቲ̇̈ሬ፤ ኢንታ̇ ጋርታ̇ፖ̇ ፔታ̇ኒን ኤኪ̇ንታ̇ሬ ፔታ̇ኒን ኣታ̇ሬ።
“ዪዚ ዪንታ̇ ጎዳ̈ዲ ኣ̈ንታ̇ ዬይርኮ ዪንቲ̇ ኤሪባ̈ሶኮታ̇ቦ ሚ̈ጛር ና̈ጊብቴ̇። ና̈ሳ ኣ̈ሊን ባ̈ባዲ ሶላ ኢ ኣ̈ል ኣ̈ፊን ሳኣ̈ታባር ዬይርኮ ኢ ዎ̈ን ኤሪኖኮ ባርካር ና̈ጊ̈ርዶን፥ ፌ ኣ̈ሊን ሶላ ቦ̈ካ̇ምፔ̇̈ን ኣሺ̇̈ባ̈ሶን፤ ዪኖ̇ ዪንቲ̇ ኤሪብቴ̇። ዪና̇ ኢዝፌ̈ን ቴ ኣሳ ናኣ̈ዲ ዪንቲ̇ ቆፓካ̇ዮ ሳኣታ ጋርታ̇ ዬይዛኮታ̇ቦ ጊ̈ጊንታ̇ር ዶኢብቴ̇።


“ፌ ኣ̈ሎ ኣሳንቦ ኢንቲ̇ ሞ̈ዝ ፊ̈ሺን ኢዝ ኬሊ̇ምባ̇ር ኢማ̇ምፔ̈ን ላ̈ዲ ፌ ኣ̈ሎ ኣሳን ጋልዳ ሹ̈ሚዛ ኤጫኬ ኣማ̇ኒንቲ̇ኖ ኣሽካራ ኦ̈ኖ? ላ̈ ዬ̈ዚምባራ ኢ ኢያ ኪ̈ቲ̇ኖንዲፌ̈ን ኦ̈ሙታ̇ ቤንቲ̇ዝ ኣሽካራ ዪ̈ዲ ኣንጂንቲኖ̈ዳ። ቴ ዪንታ̇ክ ኪን ጋ̈ሬ ላ̈̈ዲ ዪ ኣሽካራ ፌ̈ብ ዎ ቆሊን ዎይ ጋልዳ ሹ̈ሚ̈ሬ። ኣሽካራ ኢ̈ትኮ ‘ቴ ላ̈ ዓት ዬ̈ባሴ ጋሚኢ̈ሬ’ ጌዪ ቆፓ̇ሪ፥ ፌባር ኦ̈ዝ ኣሳን ቡኪ̇፥ ማሲቲዝ ኣሳንባር ሙዪ ኡሽኪ̇ ኤ̈̇ጌይን፥ ላ̈̈ዲ ኢ ቆፓካ̇ዮ ቃምኬ̇ ኢ ኤራካ̇ዮ ሳኣ̈ታ ጋልዳ̇ ዬ̈ሪ ኢያ ቃጺ̇ ቃጻ̇ር ኣሺ̈ሬ፤ ኢ ዶኣዝ ቤሲ̇ንዳር ኣሳ ቲ̈ን ኮሽ ማይጻር ቤንታንዳብ ኮዪዝ ኢ̈ት ኣሳንባራ ማ̈ቃ̇̈ሬ ቤ̈ስ ኢና ኢ̈ብ ዬ̈ፊኬ ኣቺ̇ ሙንት ማ̈ቃ̇̈ሬ” ጌይዴ።

聆听 ማ̈ቶ̈ሳ 24