If you have would like a copy of this version please contact info@davarpartners.org

Bali Old Testament

<div class="version vid302 iso6393ban" data-vid="302" data-iso6393="ban">
 <div class="book bkGEN">
 <div class="chapter ch9" data-usfm="GEN.9">
 <div class="label">9</div><div class="s">Prajanjian Ida Sang Hyang Widi Wasa marep ring Dane Nuh</div><div class="p"> 1Ida Sang Hyang Widi Wasa raris ngamertanin Dane Nuh miwah oka-okan danene. Irika Ida masabda ring dane sareng sami kadi asapuniki: &#8220;Endah-gumendah tur sayan ngliunangja, ebekinja gumine. 2Sawatek burone di gumine muah sakancan kedise di ambarane, muah sakancan gumatap-gumitipe ane ada di gumine, muah sakancan bene di pasihe, makejang lakar pada takut tur jejeh ngetor marep teken kita, tur ia makejang kaserahang teken kita. 3Sakancan gumatap-gumitipe ane idup, lakar dadi dedaaran kitane. Ento makejang suba paicayang Ulun teken kita, buka Ulun suba maicayang sakancan entik-entikane ane gadang lumlum teken kita. 4Sakewala eda pesan kita naar daging ane enu misi getih di tengahne. Sawireh angkihane ento ada di getihne. 5Yening ada anak ngamatiang jlema, ia lakar kasisipang. Ulun lakar ngamatiang sakancan burone ane ngamatiang manusa. 6Nyenja ane ngamatiang jlema ia masih lakar matiang anak, sawireh manusane ento kakardi baan Ida Sang Hyang Widi Wasa satinut teken gambar muah palawatan Idane ngraga.</div><div class="p"> 7Kita ene patut endah-gumendah tur sayan ngliunang apanga katurunan kitane ngebekin gumine.&#8221;</div><div class="p"> 8Ida Sang Hyang Widi Wasa tumuli masabda ring Dane Nuh miwah oka-okan danene sane nyarengin dane irika, sapuniki: 9&#8220;Ane jani Ulun ngadakang prajanjian teken katurunan kitane, 10muah teken sawatek ane idup, sakancan kedis, muah sakancan burone, sawatek ane ajak kita pesu uli kapale ento. 11Ulun ngadakang prajanjian teken kita makejang, nah ento ngawit uli jani tusing ada buin blabar agung ane lakar nyirnayang sawatek ane idup, buina tusing ada buin blabar agung ane lakar nguugang gumine. 12Makadadi painget prajanjian ane adakang Ulun teken kita, muah teken sakancan ane idup, ane bareng-bareng teken kita, turun-temurun salawas-lawasne, 13Ulun mentang bantang panah Ulune di ambarane. Ento makadadi painget prajanjian Ulune teken gumine. 14Yen Ulun ngadakang mega di langite, tur bantang panahe ento ngenah di ambarane, 15Ulun lakar inget teken prajanjian ane suba adakang Ulun teken kita muah teken sawatek ane idup, tur yehe tusing buin dadi blabar agung nyirnayang sawatek ane idup. 16Yen bantang panahe ento ngenah di megane, Ulun lakar nyingak bantang panahe ento, tur Ulun lakar inget teken prajanjian Ulun ane langgeng, nah ento, prajanjian Ida Sang Hyang Widi Wasa marep teken sawatek ane idup, sawatek ane ada di gumine. 17Ento ane makadadi painget prajanjian ane adakang Ulun marep teken sakancan ane ada di gumine.&#8221;</div><div class="s">Dane Nuh miwah oka-okan danene</div><div class="p"> 18Paraputran Dane Nuhe sane medal saking kapale punika, inggih punika Dane Sem, Ham miwah Yapet. (Dane Ham punika dados ajin dane Kanaan.) 19Makatetiga punika okan Dane Nuh, tur saking sang tiga punika wetu jadmane sane ngebekin jagate sami.</div><div class="p"> 20Dane Nuh dados anak tani. Dane sane pangawit makarya abian anggur. 21Sasampune dane nginum anggur, dane tumuli punyah, tur dane sirep malugas ring pondok danene. 22Dane Ham, ajin dane Kanaan, ngaksi pranan ajin danene raris dane nyritayang indike punika ring semeton danene makakalih, sane wenten ring jabaan. 23Dane Sem miwah Yapet tumuli ngambil wastra tur kakeberang ring palan danene sareng kalih, raris dane mamargi makirig tur ngangkebin pranan ajin danene, sinambi dane matolihan ka samping, mangda dane nenten nyingak pranan ajin danene. 24Sasampun Dane Nuh eling ring raga, tur dane mireng indik sane kalaksanayang antuk okan danene pinih alit marep ring ragan danene, 25dane raris ngandika sapuniki:</div><div class="q1">&#8220;Wastu kena temah I Kanaan!</div><div class="q1">Wastu ia dadi panjak ane paling nista marep teken nyama-nyamanne.&#8221;</div><div class="p"> 26Malih dane ngandika sapuniki:</div><div class="q1">&#8220;Pujija Ida Sang Hyang Widi Wasa, Widin I Seme!</div><div class="q1">Nanging I Kanaan apanga dadi panjaknyane.</div><div class="q1"> 27Dumadak Ida Sang Hyang Widi Wasa nglimbakang tongos I Yapete,</div><div class="q1">buina apanga ia nongos di pondok-pondok I Seme,</div><div class="q1">nanging I Kanaan apanga dadi panjaknyane.&#8221;</div><div class="p"> 28Sasampun blabar agunge punika, Dane Nuh kantun nyeneng malih tigang atus seket warsa. 29Kenginan Dane Nuh mayusa sangang atus seket warsa, raris dane seda.</div>
 </div>
 </div>
</div>

Today's Bali Bible “Cakepan Suci” © Indonesian Bible Society, 1990.

Ida Sang Hyang Widi Wasa raris ngamertanin Dane Nuh miwah oka-okan danene. Irika Ida masabda ring dane sareng sami kadi asapuniki: “Endah-gumendah tur sayan ngliunangja, ebekinja gumine. Sawatek burone di gumine muah sakancan kedise di ambarane, muah sakancan gumatap-gumitipe ane ada di gumine, muah sakancan bene di pasihe, makejang lakar pada takut tur jejeh ngetor marep teken kita, tur ia makejang kaserahang teken kita. Sakancan gumatap-gumitipe ane idup, lakar dadi dedaaran kitane. Ento makejang suba paicayang Ulun teken kita, buka Ulun suba maicayang sakancan entik-entikane ane gadang lumlum teken kita. Sakewala eda pesan kita naar daging ane enu misi getih di tengahne. Sawireh angkihane ento ada di getihne. Yening ada anak ngamatiang jlema, ia lakar kasisipang. Ulun lakar ngamatiang sakancan burone ane ngamatiang manusa. Nyenja ane ngamatiang jlema ia masih lakar matiang anak, sawireh manusane ento kakardi baan Ida Sang Hyang Widi Wasa satinut teken gambar muah palawatan Idane ngraga.
Kita ene patut endah-gumendah tur sayan ngliunang apanga katurunan kitane ngebekin gumine.”
Ida Sang Hyang Widi Wasa tumuli masabda ring Dane Nuh miwah oka-okan danene sane nyarengin dane irika, sapuniki: “Ane jani Ulun ngadakang prajanjian teken katurunan kitane, muah teken sawatek ane idup, sakancan kedis, muah sakancan burone, sawatek ane ajak kita pesu uli kapale ento. Ulun ngadakang prajanjian teken kita makejang, nah ento ngawit uli jani tusing ada buin blabar agung ane lakar nyirnayang sawatek ane idup, buina tusing ada buin blabar agung ane lakar nguugang gumine. Makadadi painget prajanjian ane adakang Ulun teken kita, muah teken sakancan ane idup, ane bareng-bareng teken kita, turun-temurun salawas-lawasne, Ulun mentang bantang panah Ulune di ambarane. Ento makadadi painget prajanjian Ulune teken gumine. Yen Ulun ngadakang mega di langite, tur bantang panahe ento ngenah di ambarane, Ulun lakar inget teken prajanjian ane suba adakang Ulun teken kita muah teken sawatek ane idup, tur yehe tusing buin dadi blabar agung nyirnayang sawatek ane idup. Yen bantang panahe ento ngenah di megane, Ulun lakar nyingak bantang panahe ento, tur Ulun lakar inget teken prajanjian Ulun ane langgeng, nah ento, prajanjian Ida Sang Hyang Widi Wasa marep teken sawatek ane idup, sawatek ane ada di gumine. Ento ane makadadi painget prajanjian ane adakang Ulun marep teken sakancan ane ada di gumine.”

Paraputran Dane Nuhe sane medal saking kapale punika, inggih punika Dane Sem, Ham miwah Yapet. (Dane Ham punika dados ajin dane Kanaan.) Makatetiga punika okan Dane Nuh, tur saking sang tiga punika wetu jadmane sane ngebekin jagate sami.
Dane Nuh dados anak tani. Dane sane pangawit makarya abian anggur. Sasampune dane nginum anggur, dane tumuli punyah, tur dane sirep malugas ring pondok danene. Dane Ham, ajin dane Kanaan, ngaksi pranan ajin danene raris dane nyritayang indike punika ring semeton danene makakalih, sane wenten ring jabaan. Dane Sem miwah Yapet tumuli ngambil wastra tur kakeberang ring palan danene sareng kalih, raris dane mamargi makirig tur ngangkebin pranan ajin danene, sinambi dane matolihan ka samping, mangda dane nenten nyingak pranan ajin danene. Sasampun Dane Nuh eling ring raga, tur dane mireng indik sane kalaksanayang antuk okan danene pinih alit marep ring ragan danene, dane raris ngandika sapuniki:
“Wastu kena temah I Kanaan!
Wastu ia dadi panjak ane paling nista marep teken nyama-nyamanne.”
Malih dane ngandika sapuniki:
“Pujija Ida Sang Hyang Widi Wasa, Widin I Seme!
Nanging I Kanaan apanga dadi panjaknyane.
Dumadak Ida Sang Hyang Widi Wasa nglimbakang tongos I Yapete,
buina apanga ia nongos di pondok-pondok I Seme,
nanging I Kanaan apanga dadi panjaknyane.”
Sasampun blabar agunge punika, Dane Nuh kantun nyeneng malih tigang atus seket warsa. Kenginan Dane Nuh mayusa sangang atus seket warsa, raris dane seda.

聆听 PURWAKANING DADI 9