If you have would like a copy of this version please contact info@davaraudiobibles.org

Fanti Old Testament

<div class="version vid2914 iso6393fat" data-vid="2914" data-iso6393="fat">
 <div class="book bkGEN">
 <div class="chapter ch15" data-usfm="GEN.15">
 <div class="label">15</div><div class="s1">Nyankop&#596;n Nye Abram Dzi Ahy&#603;mu</div><div class="p"> 1Iyinom ekyir no EWURADZE n&#8217;as&#603;m baa Abram h&#596; w&#596; enyido adzehu mu d&#603;, Mma nnsuro, Abram: Emi nye wo koky&#603;m, na meb&#603;ma wo akatua a &#596;bor do. 2Na Abram see d&#603;, EWURADZE Nyankop&#596;n, eb&#603;nadze na edze b&#603;ma me, hw&#603; d&#603; minnyi ba na menam, na nyia obedzi m&#8217;adze nye Eliezer a ofi Damask&#596;s anaa? 3Na Abram see d&#603;, Hw&#603;, emi dze, emmaa me asefo: na, hw&#603;, nyia w&#596;awo no w&#596; me fie na obedzi m&#8217;adze. 4Na, hw&#603;, EWURADZE n&#8217;as&#603;m baa no h&#596; d&#603;, Nny&#603; oyi bi na &#596;b&#603;y&#603; wo dziadzenyi; na dza ofi woara wo nson mu b&#603;ba no, &#596;no na obedzi w&#8217;adze. 5#Rom 4.18; Heb 11.12 Na &#596;dze no puei, na &#596;see d&#603;, Afei hw&#603; sor, na kan nworaba no, kyer&#603; d&#603; ibotum akan a: na &#596;see no d&#603;, Mbr&#603; w&#8217;asefo b&#603;y&#603; nye no. 6#Rom 4.3; Gal 3.6; Jas 2.23 Na &#596;gyee EWURADZE dzii; na EWURADZE buu ne gyedzi ndzey&#603;tsenenee maa no. 7Na &#596;see no d&#603;, Emi nye EWURADZE a medze wo fi Kaldeafo Ur w&#596; Kaldea bae, d&#603; medze asaase yi reb&#603;ma wo, ma edze aay&#603; egyapadze. 8Na &#596;see d&#603;, EWURADZE Nyankop&#596;n, medze eb&#603;nadze na medze bohu d&#603; &#596;b&#603;y&#603; m&#8217;egyapadze? 9Na &#596;see no d&#603;, Fa nantwiba a oedzi mfe ebiasa, nye ap&#596;nkyeber a oedzi mfe ebiasa, nye oguannyin a oedzi mfe ebiasa, nye atamram, nye abor&#596;nomaba br&#603; me. 10Na &#596;dze iyinom nyinara bae, na &#596;paapaa h&#596;n mu ebien ebien, na &#596;dze afa afa no totoo h&#596;n afa afa ne p&#603;n do: na nnoma no dze &#596;ammpaapaa h&#596;n mu. 11Na nnoma a wodzi nam b&#603;gyegyee mbowa fun no do, na Abram kaa h&#596;n. 12#Job 4.13, 14 Na aber a wi rok&#596;t&#596; no, nda heii t&#596;&#596; Abram do; na, hw&#603;, sum k&#603;senara na hu t&#596;&#596; no do. 13#Eks 1.1-14; Ndwu 7 Na Ewuradze see Abram d&#603;, Hu no ampaara d&#603; w&#8217;asefo b&#603;y&#603; ah&#596;ho w&#596; asaase a &#596;nny&#603; h&#596;ndze do, na w&#596;b&#603;y&#603; nkowaa na w&#596;asom h&#596;n; na w&#596;b&#603;tseetsee h&#596;n mfe ahaanan, 14#Eks 12.40, 41; Ndwu 7.7 na &#596;man a w&#596;b&#596;som h&#596;n no, h&#596;n so mubobua h&#596;n ats&#603;n: na n&#8217;ekyir no w&#596;dze ahodze k&#603;se befi h&#596; ak&#596;. 15Na &#596;wo dze, eb&#596;k&#596; w&#8217;egyanom nky&#603;n asomdwee mu; wobesie wo w&#596; nk&#596;daaber pa mu. 16Na mbasantsen a otsia anan no mu na w&#596;b&#603;ba ha bio: osiand&#603; Amorifo emumuy&#603; nnyae nny&#603;&#603; ma. 17Na &#596;baa d&#603; aber a iwi k&#596;t&#596;ree, na &#596;y&#603;&#603; sum no, hw&#603;, fononoo a orupun wusiw, nye &#596;ts&#603;n a &#596;redz&#603;w botwaa mu w&#596; afa afa no ntamu. 18#Ndwu 7.5 Da no ara mu na EWURADZE nye Abram dzii ahy&#603;mu see d&#603;, W&#8217;asefo na medze asaase yi ama h&#596;n, ofi Egypt esutsen no ho kodu esutsen k&#603;se no, Eufrates esutsen no ho: 19Kenfo, Kenizfo, Kadmonfo, 20Hetfo, Perizfo, Refafo, 21Amorifo, Keenanfo, Girgasfo, nye Jebusfo asaase no.</div>
 </div>
 </div>
</div>

Mfantse Bible © Bible Society of Ghana, 2011.

Iyinom ekyir no EWURADZE n’asɛm baa Abram hɔ wɔ enyido adzehu mu dɛ, Mma nnsuro, Abram: Emi nye wo kokyɛm, na mebɛma wo akatua a ɔbor do. Na Abram see dɛ, EWURADZE Nyankopɔn, ebɛnadze na edze bɛma me, hwɛ dɛ minnyi ba na menam, na nyia obedzi m’adze nye Eliezer a ofi Damaskɔs anaa? Na Abram see dɛ, Hwɛ, emi dze, emmaa me asefo: na, hwɛ, nyia wɔawo no wɔ me fie na obedzi m’adze. Na, hwɛ, EWURADZE n’asɛm baa no hɔ dɛ, Nnyɛ oyi bi na ɔbɛyɛ wo dziadzenyi; na dza ofi woara wo nson mu bɛba no, ɔno na obedzi w’adze. Na ɔdze no puei, na ɔsee dɛ, Afei hwɛ sor, na kan nworaba no, kyerɛ dɛ ibotum akan a: na ɔsee no dɛ, Mbrɛ w’asefo bɛyɛ nye no. Na ɔgyee EWURADZE dzii; na EWURADZE buu ne gyedzi ndzeyɛtsenenee maa no. Na ɔsee no dɛ, Emi nye EWURADZE a medze wo fi Kaldeafo Ur wɔ Kaldea bae, dɛ medze asaase yi rebɛma wo, ma edze aayɛ egyapadze. Na ɔsee dɛ, EWURADZE Nyankopɔn, medze ebɛnadze na medze bohu dɛ ɔbɛyɛ m’egyapadze? Na ɔsee no dɛ, Fa nantwiba a oedzi mfe ebiasa, nye apɔnkyeber a oedzi mfe ebiasa, nye oguannyin a oedzi mfe ebiasa, nye atamram, nye aborɔnomaba brɛ me. Na ɔdze iyinom nyinara bae, na ɔpaapaa hɔn mu ebien ebien, na ɔdze afa afa no totoo hɔn afa afa ne pɛn do: na nnoma no dze ɔammpaapaa hɔn mu. Na nnoma a wodzi nam bɛgyegyee mbowa fun no do, na Abram kaa hɔn. Na aber a wi rokɔtɔ no, nda heii tɔɔ Abram do; na, hwɛ, sum kɛsenara na hu tɔɔ no do. Na Ewuradze see Abram dɛ, Hu no ampaara dɛ w’asefo bɛyɛ ahɔho wɔ asaase a ɔnnyɛ hɔndze do, na wɔbɛyɛ nkowaa na wɔasom hɔn; na wɔbɛtseetsee hɔn mfe ahaanan, na ɔman a wɔbɔsom hɔn no, hɔn so mubobua hɔn atsɛn: na n’ekyir no wɔdze ahodze kɛse befi hɔ akɔ. Na ɔwo dze, ebɔkɔ w’egyanom nkyɛn asomdwee mu; wobesie wo wɔ nkɔdaaber pa mu. Na mbasantsen a otsia anan no mu na wɔbɛba ha bio: osiandɛ Amorifo emumuyɛ nnyae nnyɛɛ ma. Na ɔbaa dɛ aber a iwi kɔtɔree, na ɔyɛɛ sum no, hwɛ, fononoo a orupun wusiw, nye ɔtsɛn a ɔredzɛw botwaa mu wɔ afa afa no ntamu. Da no ara mu na EWURADZE nye Abram dzii ahyɛmu see dɛ, W’asefo na medze asaase yi ama hɔn, ofi Egypt esutsen no ho kodu esutsen kɛse no, Eufrates esutsen no ho: Kenfo, Kenizfo, Kadmonfo, Hetfo, Perizfo, Refafo, Amorifo, Keenanfo, Girgasfo, nye Jebusfo asaase no.

聆听 Gyenesis 15