Burunge: Ila⁄imbidu Gu ⁄abu hari Burungaisoo (Bible)

Ila⁄imbidu Gu  ⁄abu hari Burungaisoo

<div class="version vid2304 iso6393bds" data-vid="2304" data-iso6393="bds">
 <div class="book bkJHN">
 <div class="chapter ch11" data-usfm="JHN.11">
 <div class="label">11</div><div class="s1">Gwaa&#42892;araa da Lasaaro</div><div class="p"> 1Inkoo, yaa wana heedi waku uma gosi na Lasaaro, ina yaa mama&#8260;i. Ina yaa yaamulooay gu tongoo da Betaniyaa, tongoo daa ilii ibimaamidiye Mariyaa haa Maarita hhiee kosi. 2Mariyaa na hatira daa maakhadi Looimoo gu Go&#245; hari du&#8260;iya da tafu hhoi haa gi busliti ye&#42892;eeroo kosi hari quubu gosi. Ha&#227; hhia gosi Lasaaro naa mama&#8260;i. 3Teesaaqay, hhiee hhanki gu cada gi ya&#8260;abiri ya&#8260;aboo daqa Yeesuge tuba, &#8220;Looimoo gu Go&#245;, daagoogu ga sla&#42892;ade mama&#8260;i khisla.&#8221;</div><div class="p"> 4Qatlay Yeesu giyaa ilii akhasi gimbaki gi kaay tuba, &#8220;Ga&#8260;ayki haraa khayaaba gwaa&#42892;araa, yantii ca&#8260;i sa daareesa Iliitleemu, haa hari amotee Nanku Iliitleemu duguma daareesi.&#8221; 5Inkoo, Yeesu yaa slai Maarita haa hhioo dosi Mariyaa haa hhia gooina Lasaaro. 6Teesaaqay see, qatlay Yeesu giyaa ilii akhasi tuba, Lasaaro mama&#8260;i, Yeesu yaa meeti yade daqa giyaa iliiwane balalu cada.</div><div class="p"> 7Da hhe&#42892;esi, gi kaay sa sirakoomiisee dosi tuba, &#8220;Paaree ki&#8260;anee hhapee da Yudaayage.&#8221;</div><div class="p"> 8Sirakoomiisee dosi gi kaayri sa ina tuba, &#8220;Maarimuu, ti qatlay coko&#8260;u kilesi gungii catu, Wayahuudi hi&#297; slaiyay cakhadiru ugu hari tle&#8260;e&#7869;. Inkoo ugu kara sla&#42892;adaa ki&#8260;araa yade?&#8221;</div><div class="p"> 9Yeesu gigi ilaki&#8260;isi inay tuba, &#8220;Inkoo, qatlay gu tleemaa ti mibiibaslii haa cada? Bere heedi khoci hari qatlay gu tleemaa hiitatafidiyaaba, sa gimba ina ariirina cencee da khooroti. 10Bere heedi khoci hari qatlay gu amasi hiitatafidi, sa gimba cencee wantaaba wa&#42892;ay kosii.&#8221;</div><div class="p"> 11Yeesu giyaa ilii hhe&#42892;esi coco&#42892;omoo gimbakee, gi ilakoomi gimba sa inay tuba, &#8220;Daagoori Lasaaro hi&#297; qaati,#11:11 Daagoori Lasaaro hi&#297; qaati: Ti&#42892;ii sirakoomiisee da Yeesu diginti bambeei, sa gimba Yeesu hi&#297; yakwi gimba gu gwaa&#42892;araa da Lasaaro hari gu&#42892;udee. teesaaqay see, ana hagu hiitlaysakaw.&#8221;</div><div class="p"> 12Da hhe&#42892;esi, sirakoomiisee dosi gi kaayri sa ina tuba, &#8220;Looimoo gu Go&#245;, bere ina hinti qaati dugu hhoeesi.&#8221; 13Te&#42892;esii, Yeesu yaati giimaamisi gimba gu gwaa&#42892;araa da Lasaaro. Sirakoomiisee dosi yaa caahhiriiba, inay yaati ilatahhiri tuba, ina hiti giimaamisi tuba, Lasaaro hiti gui kilesi.</div><div class="p"> 14Teesaaqay, Yeesu sigigi kaay inay pandataa tuba, &#8220;Lasaaro hi&#297; hhami. 15Ana ha&#227; hha&#42892;aluudi sa unkuray ambee ana ha&#227; waaraaba yade ina gi&#297; ilii hhami. Sa gimbakee, unkuray hiidahhasiday &#8260;imbaraa. Inkoo paaree daqa dosii.&#8221;</div><div class="p"> 16Da hhe&#42892;esi, Toomaasi daa eteediidine Irangimoo, gi kaay sa sirakoomiisee dene&#42892;ee kosi tuba, &#8220;Dandiray see paaree, ma kaka&#8260;ukayni sliimaa haa ina.&#8221;</div><div class="s1">Yeesu slafimisi haa hadimisi slafimaa</div><div class="p"> 17Qatlay Yeesu haa sirakoomiisee dosi giyaa ilii day yade, gi slayri Lasaaro yaa hhe&#42892;esi yaa ibiidi balalu cigahha ayisage. 18Inkoo, tongoo da Betaniyaa yaa ciyoomoo wanta haa yaamu gu Yerusaleemu, segaru&#361; gu kilomiita tami. 19Wayahuudi wa&#8260;a yaa khayri, ma tlaatlaqasiri Maarita haa Mariyaa, sa gwaa&#42892;araa da hhia gooina Lasaaro. 20Qatlay Maarita giyaa ilii akhasidi tuba, Yeesu yaa khoci, gugi amoodabaawa kaydi. Mariyaa gi meti ayage.</div><div class="p"> 21Maarita gi kaadi sa Yeesu tuba, &#8220;Looimoo gu Go&#245;, bere hanti wanta ti&#42892;ii, hhia goy hi&#297; gwaaiyaaba. 22Inkoo see ana khua ambee, idoo ga firinte daqa Iliitleemuge, Iliitleemu sugu hadisi ugu.&#8221;</div><div class="p"> 23Yeesu gi kaay sa Maarita tuba, &#8220;Hhia googi yaa slafi ayisago.&#8221;</div><div class="p"> 24Maarita gugi ilaki&#8260;isidi ina tuba, &#8220;Ana khua ina maa slafi yaagii ca&#8260;i ayisago sliimaa haa hida gwaa kaka&#8260;ee baloo da hiifaakooge.&#8221;</div><div class="p"> 25Yeesu sagagi kaay ina tuba, &#8220;Ana no&#243; slafimisa hida haa sigigi hadimisa slafimaa. Heedi go&#243; &#8260;imba ana, gimati gwaai see, ina hiti ibiidi. 26Kara, heedi gu koomaa slafimaa, slime hino&#243; &#8260;imba ana, ina gwaaiyaaba koraraa haa koraraa go&#243;ba hiifaakoo. Ha&#227; &#8260;imbidii gimbaki?&#8221;</div><div class="p"> 27Maarita gi kaadi sa Yeesu tuba, &#8220;Ee Looimoo gu Go&#245;, ha&#227; &#8260;imbi ambee, ugu na Kristu, Nanku Iliitleemu, gwaa khawa ti&#42892;ii khoorooge.&#8221;</div><div class="s1">Yeesu &#8260;aa&#8260;i sa Lasaaro</div><div class="p"> 28Maarita giyaa ilii hhe&#42892;esidi coco&#42892;omoo gimbaki, gi eteeda kaydi hhioo dosi Mariyaa, sagagi kaadi tuba, &#8220;Maarimuu wana ti&#42892;ii, digi eteedina.&#8221; 29Mariyaa giyaa ilii akhasidi gimbakee, gii tlaydi ciraai, gi hadakaydi daqa Yeesuge. 30Inkoo, Yeesu yaa kahhi dawaraa tongoteesiige, ina yaa kahhi daqatiray hingaa ilii slaslayri haa Maarita. 31Wayahuudi gwaa waaree sliimaa haa Mariyaa wa&#42892;ay gu marage gi tlaatlaqamisiyay, gi aniri Mariyaa hingii tlaydi ciraai haa gii ca&#8260;adi khoorooge. Inay gigi sirakoniri tay ilahudeemisiyay tuba, ina hiti &#8260;aa&#8260;imu kayda ayisage.</div><div class="p"> 32Mariyaa giyaa ilii daadi daqatiray Yeesu giyaa iliiwane haa gugi anti, gii huu&#42892;udi ye&#42892;eeroo kosii. Sugugi kaadi tuba, &#8220;Looimoo gu Go&#245;, bere hanti wanta ti&#42892;ii, hhia goy hi&#297; hhanaaba.&#8221;</div><div class="p"> 33Qatlay Yeesu giyaa ilii arimi Mariyaa &#8260;aa&#8260;ada, slime Wayahuudi gwaa waaree sliimaa haa ina &#8260;aa&#8260;iyay, Yeesu gi arimi slahhaa&#42892;amee da didiri muuna gosii haa gi li&#8260;i. 34Da hhe&#42892;esi, gigi maasi tuba, &#8220;Hagu&#361; kaale qaasidiri?&#8221; Inay sugugi kaayri ina tuba, &#8220;Looimoo gu Go&#245;, khoca arimi.&#8221;</div><div class="p"> 35Yeesu gi &#8260;aa&#8260;i.</div><div class="p"> 36Teesaaqay, Wayahuudi gwaa waaree te&#42892;esii, gi kaayri tuba, &#8220;Yu&#42892;udiyaa idoo gwaa iliislaiye Lasaaro!&#8221; 37Teesaaqay see, wakinay gi kaayri tuba, &#8220;Ina gwaa hhoeesu ilaa gu heedi gwaa ilahhamu, yaa hiidahhasiibaslii tlaatlahhasa Lasaaro, ma may gwaa&#42892;araa?&#8221;</div><div class="s1">Yeesu slafisi Lasaaro</div><div class="p"> 38Yeesu tay hi&#297; kara arimi slahhaa&#42892;amee da didiri muuna gosii, gi day ayisage. Ayisatee dagaatii khuri maraiyage, dagagi ilakhupisi hari tlaa&#8260;a da didiri. 39Yeesu gi kaay tuba, &#8220;Surukusa tlaa&#8260;atee.&#8221; Maarita hhioo dosi hikira gwaa hhamu gi kaadi tuba, &#8220;Looimoo gu Go&#245;, inkoo hi&#297; tlaatleesi tli&#8260;araa, sa gimba kona balalu cigahha ayisage!&#8221; 40Yeesu sagagi kaay tuba, &#8220;Inkoo, ana sigi&#297; kaaybaslii ambee, bere ha &#8260;imbida ha anta wanqamee da Iliitleemu?&#8221;</div><div class="p"> 41Teesaaqay, inay gi surukusiri tlaa&#8260;atira ayisago. Te&#42892;esii, Yeesu gi waratlaysi ilaa kosi rawaage gi kaay tuba, &#8220;Taataa, &#8260;iisoo sa gimba hani&#297; akhasidi. 42Ana haa caahhi ambee, ugu hano&#243; akhamisida ana balalu sliimaa. Inkoo ana hanti kaay gimbaki, sa raqati da hida di&#297; qadimiti ti&#42892;ii, inay ma &#8260;imbiri tuba, ugu naa ana ya&#8260;abidi.&#8221;</div><div class="p"> 43Yeesu giyaa ilii hhe&#42892;esi coco&#42892;omoo gimbaki, gi eteedi hari afoo da didiri tuba, &#8220;Lasaaro, ca&#8260;aayu tay khoorooge!&#8221; 44Lasaaro, hi&#297; gwaa gwaau yaagii ca&#8260;i khoorooge, tay dabai&#297; haa ye&#42892;eeroo kosi digi&#297; khiidimi hari qayru gu hhou gu &#8260;abaaku. Kara pandaa dosi daga&#227; khiidimi hari dahhamu gu &#8260;abaaku.</div><div class="p">Yeesu sigigi kaay inay tuba, &#8220;Gweedakuna ma waaudi.&#8221;</div><div class="s1">Ilakhuukhu&#42892;usa da gaasaraa Yeesu</div><div class="p"> 45Teesaaqay, Wayahuudi wa&#8260;a tla&#8260;a&#227; gu hhakiray gwaa khawee sa tlaatlaqamisu Mariyaa, giyaa ilii aniri gimba Yeesu giyaa yondiidi, inay gugi &#8260;imbiri. 46Teesaaqay see, wakinay tla&#8260;a&#227; gooinaa gi hadakayri daqa Farisaayooge, haa sigigi kaayri gimba di&#297; yondiidi ha Yeesu. 47Da hhe&#42892;esi, hhapalooee da deni haa Farisaayoo gi eteediri hiikurunkurida da balasaa da didiri. Te&#42892;esii, hingigi maamisiri inay haa inay tuba, &#8220;Inkoo hati malee laqana? Heediki yondimaamidi gimba wa&#8260;a gu baka&#42892;asa. 48Bere hagu mayna ina ma ilakoomi yondu taqay, hida go&#245; gu &#8260;imbiyay ina. Da hhe&#42892;esi, Waruumi yaa khayay gi hhamisiyay mara goori gu didiru gu Iliitleemu haa hhapee doori.&#8221;</div><div class="p"> 49Te&#42892;esii, le&#7869; tla&#8260;a&#227; gooinay daa eteediidine na Kayaafa, gwaa hhapalooay gu didiru korikee, gi kaay tuba, &#8220;Unkuray ha hhidintay idoo lensee! 50Unkuray hhidintaaii tuba, daraatii boo&#8260;i daqa doogunay heedi le&#7869; gwaa&#42892;araa sa hida, ba&#8260;ay da hhamisaraa hhapee go&#245;?&#8221;</div><div class="p"> 51Inkoo, Kayaafa yaati gimbuusiiba gimbaki hari ilahudaa kosi ina loi. Ina hhapalooay gu didiru gooay korikee, yaa tletimi tuba, Yeesu hiti gwaai sa hhapee da Wayahuudi. 52Kara ina hiti gwaaiyaaba sa Wayahuudi kilesi, slime ti sa ya&#42892;ay go&#245; gu Iliitleemu gwaa pasidee, ma higiraa khay go&#245; daqa lenge.</div><div class="p"> 53Teesaaqay, tlaatleesoo da baloteesaago, giyaadimiisee da Wayahuudi yaa tlaatleesiri ilakhuukhu&#42892;umisu, ma gaasiri Yeesu. 54Sa gimbakee, Yeesu yaa khookhocimiiba kara pandataa tla&#8260;a&#227; gu Wayahuudige. Ina hingaati pasli haa inay haa gi waaudi daqa wakay daa ilaciyaa haa kongoqomee, tongoo do&#243; eteedine na Efurayiimu. Ina gi ibiidi taysi sliimaa haa sirakoomiisee dosi.</div><div class="p"> 55Inkoo, losona gu Pasaaka gu Wayahuudi yaa daadaauusi. Hida wa&#8260;a tongagugo gii laabiri hadakawa Yerusaleemuge baloo da losona giyaa ilii kahhade, ma hingi ilabuusliri ou gooinay. 56Inay yaa damaamidiyay Yeesu. Qatlay giyaa ilii qadimidiri mara gu didiruge gu Iliitleemu, hingaa maamisiri tuba, &#8220;Ha&#227; malee antiri? Gu lou, heediki yaa khayaabaslii losonage?&#8221; 57Inkoo, hhapalooee da deni da Wayahuudi haa Farisaayoo yaa hadisiri ilakaawa tuba, bere heedi baraslayi Yeesu daqa gi iliiwane, kwanda gi kaayiye, magu ooyiri.</div>
 </div>
 </div>
</div>

Inkoo, yaa wana heedi waku uma gosi na Lasaaro, ina yaa mama⁄i. Ina yaa yaamulooay gu tongoo da Betaniyaa, tongoo daa ilii ibimaamidiye Mariyaa haa Maarita hhiee kosi. Mariyaa na hatira daa maakhadi Looimoo gu Goõ hari du⁄iya da tafu hhoi haa gi busliti yeꞌeeroo kosi hari quubu gosi. Haã hhia gosi Lasaaro naa mama⁄i. Teesaaqay, hhiee hhanki gu cada gi ya⁄abiri ya⁄aboo daqa Yeesuge tuba, “Looimoo gu Goõ, daagoogu ga slaꞌade mama⁄i khisla.”
Qatlay Yeesu giyaa ilii akhasi gimbaki gi kaay tuba, “Ga⁄ayki haraa khayaaba gwaaꞌaraa, yantii ca⁄i sa daareesa Iliitleemu, haa hari amotee Nanku Iliitleemu duguma daareesi.” Inkoo, Yeesu yaa slai Maarita haa hhioo dosi Mariyaa haa hhia gooina Lasaaro. Teesaaqay see, qatlay Yeesu giyaa ilii akhasi tuba, Lasaaro mama⁄i, Yeesu yaa meeti yade daqa giyaa iliiwane balalu cada.
Da hheꞌesi, gi kaay sa sirakoomiisee dosi tuba, “Paaree ki⁄anee hhapee da Yudaayage.”
Sirakoomiisee dosi gi kaayri sa ina tuba, “Maarimuu, ti qatlay coko⁄u kilesi gungii catu, Wayahuudi hiĩ slaiyay cakhadiru ugu hari tle⁄eẽ. Inkoo ugu kara slaꞌadaa ki⁄araa yade?”
Yeesu gigi ilaki⁄isi inay tuba, “Inkoo, qatlay gu tleemaa ti mibiibaslii haa cada? Bere heedi khoci hari qatlay gu tleemaa hiitatafidiyaaba, sa gimba ina ariirina cencee da khooroti. Bere heedi khoci hari qatlay gu amasi hiitatafidi, sa gimba cencee wantaaba waꞌay kosii.”
Yeesu giyaa ilii hheꞌesi cocoꞌomoo gimbakee, gi ilakoomi gimba sa inay tuba, “Daagoori Lasaaro hiĩ qaati, teesaaqay see, ana hagu hiitlaysakaw.”
Da hheꞌesi, sirakoomiisee dosi gi kaayri sa ina tuba, “Looimoo gu Goõ, bere ina hinti qaati dugu hhoeesi.” Teꞌesii, Yeesu yaati giimaamisi gimba gu gwaaꞌaraa da Lasaaro. Sirakoomiisee dosi yaa caahhiriiba, inay yaati ilatahhiri tuba, ina hiti giimaamisi tuba, Lasaaro hiti gui kilesi.
Teesaaqay, Yeesu sigigi kaay inay pandataa tuba, “Lasaaro hiĩ hhami. Ana haã hhaꞌaluudi sa unkuray ambee ana haã waaraaba yade ina giĩ ilii hhami. Sa gimbakee, unkuray hiidahhasiday ⁄imbaraa. Inkoo paaree daqa dosii.”
Da hheꞌesi, Toomaasi daa eteediidine Irangimoo, gi kaay sa sirakoomiisee deneꞌee kosi tuba, “Dandiray see paaree, ma kaka⁄ukayni sliimaa haa ina.”

Qatlay Yeesu haa sirakoomiisee dosi giyaa ilii day yade, gi slayri Lasaaro yaa hheꞌesi yaa ibiidi balalu cigahha ayisage. Inkoo, tongoo da Betaniyaa yaa ciyoomoo wanta haa yaamu gu Yerusaleemu, segaruũ gu kilomiita tami. Wayahuudi wa⁄a yaa khayri, ma tlaatlaqasiri Maarita haa Mariyaa, sa gwaaꞌaraa da hhia gooina Lasaaro. Qatlay Maarita giyaa ilii akhasidi tuba, Yeesu yaa khoci, gugi amoodabaawa kaydi. Mariyaa gi meti ayage.
Maarita gi kaadi sa Yeesu tuba, “Looimoo gu Goõ, bere hanti wanta tiꞌii, hhia goy hiĩ gwaaiyaaba. Inkoo see ana khua ambee, idoo ga firinte daqa Iliitleemuge, Iliitleemu sugu hadisi ugu.”
Yeesu gi kaay sa Maarita tuba, “Hhia googi yaa slafi ayisago.”
Maarita gugi ilaki⁄isidi ina tuba, “Ana khua ina maa slafi yaagii ca⁄i ayisago sliimaa haa hida gwaa kaka⁄ee baloo da hiifaakooge.”
Yeesu sagagi kaay ina tuba, “Ana noó slafimisa hida haa sigigi hadimisa slafimaa. Heedi goó ⁄imba ana, gimati gwaai see, ina hiti ibiidi. Kara, heedi gu koomaa slafimaa, slime hinoó ⁄imba ana, ina gwaaiyaaba koraraa haa koraraa goóba hiifaakoo. Haã ⁄imbidii gimbaki?”
Maarita gi kaadi sa Yeesu tuba, “Ee Looimoo gu Goõ, haã ⁄imbi ambee, ugu na Kristu, Nanku Iliitleemu, gwaa khawa tiꞌii khoorooge.”

Maarita giyaa ilii hheꞌesidi cocoꞌomoo gimbaki, gi eteeda kaydi hhioo dosi Mariyaa, sagagi kaadi tuba, “Maarimuu wana tiꞌii, digi eteedina.” Mariyaa giyaa ilii akhasidi gimbakee, gii tlaydi ciraai, gi hadakaydi daqa Yeesuge. Inkoo, Yeesu yaa kahhi dawaraa tongoteesiige, ina yaa kahhi daqatiray hingaa ilii slaslayri haa Maarita. Wayahuudi gwaa waaree sliimaa haa Mariyaa waꞌay gu marage gi tlaatlaqamisiyay, gi aniri Mariyaa hingii tlaydi ciraai haa gii ca⁄adi khoorooge. Inay gigi sirakoniri tay ilahudeemisiyay tuba, ina hiti ⁄aa⁄imu kayda ayisage.
Mariyaa giyaa ilii daadi daqatiray Yeesu giyaa iliiwane haa gugi anti, gii huuꞌudi yeꞌeeroo kosii. Sugugi kaadi tuba, “Looimoo gu Goõ, bere hanti wanta tiꞌii, hhia goy hiĩ hhanaaba.”
Qatlay Yeesu giyaa ilii arimi Mariyaa ⁄aa⁄ada, slime Wayahuudi gwaa waaree sliimaa haa ina ⁄aa⁄iyay, Yeesu gi arimi slahhaaꞌamee da didiri muuna gosii haa gi li⁄i. Da hheꞌesi, gigi maasi tuba, “Haguũ kaale qaasidiri?” Inay sugugi kaayri ina tuba, “Looimoo gu Goõ, khoca arimi.”
Yeesu gi ⁄aa⁄i.
Teesaaqay, Wayahuudi gwaa waaree teꞌesii, gi kaayri tuba, “Yuꞌudiyaa idoo gwaa iliislaiye Lasaaro!” Teesaaqay see, wakinay gi kaayri tuba, “Ina gwaa hhoeesu ilaa gu heedi gwaa ilahhamu, yaa hiidahhasiibaslii tlaatlahhasa Lasaaro, ma may gwaaꞌaraa?”

Yeesu tay hiĩ kara arimi slahhaaꞌamee da didiri muuna gosii, gi day ayisage. Ayisatee dagaatii khuri maraiyage, dagagi ilakhupisi hari tlaa⁄a da didiri. Yeesu gi kaay tuba, “Surukusa tlaa⁄atee.” Maarita hhioo dosi hikira gwaa hhamu gi kaadi tuba, “Looimoo gu Goõ, inkoo hiĩ tlaatleesi tli⁄araa, sa gimba kona balalu cigahha ayisage!” Yeesu sagagi kaay tuba, “Inkoo, ana sigiĩ kaaybaslii ambee, bere ha ⁄imbida ha anta wanqamee da Iliitleemu?”
Teesaaqay, inay gi surukusiri tlaa⁄atira ayisago. Teꞌesii, Yeesu gi waratlaysi ilaa kosi rawaage gi kaay tuba, “Taataa, ⁄iisoo sa gimba haniĩ akhasidi. Ana haa caahhi ambee, ugu hanoó akhamisida ana balalu sliimaa. Inkoo ana hanti kaay gimbaki, sa raqati da hida diĩ qadimiti tiꞌii, inay ma ⁄imbiri tuba, ugu naa ana ya⁄abidi.”
Yeesu giyaa ilii hheꞌesi cocoꞌomoo gimbaki, gi eteedi hari afoo da didiri tuba, “Lasaaro, ca⁄aayu tay khoorooge!” Lasaaro, hiĩ gwaa gwaau yaagii ca⁄i khoorooge, tay dabaiĩ haa yeꞌeeroo kosi digiĩ khiidimi hari qayru gu hhou gu ⁄abaaku. Kara pandaa dosi dagaã khiidimi hari dahhamu gu ⁄abaaku.
Yeesu sigigi kaay inay tuba, “Gweedakuna ma waaudi.”

Teesaaqay, Wayahuudi wa⁄a tla⁄aã gu hhakiray gwaa khawee sa tlaatlaqamisu Mariyaa, giyaa ilii aniri gimba Yeesu giyaa yondiidi, inay gugi ⁄imbiri. Teesaaqay see, wakinay tla⁄aã gooinaa gi hadakayri daqa Farisaayooge, haa sigigi kaayri gimba diĩ yondiidi ha Yeesu. Da hheꞌesi, hhapalooee da deni haa Farisaayoo gi eteediri hiikurunkurida da balasaa da didiri. Teꞌesii, hingigi maamisiri inay haa inay tuba, “Inkoo hati malee laqana? Heediki yondimaamidi gimba wa⁄a gu bakaꞌasa. Bere hagu mayna ina ma ilakoomi yondu taqay, hida goõ gu ⁄imbiyay ina. Da hheꞌesi, Waruumi yaa khayay gi hhamisiyay mara goori gu didiru gu Iliitleemu haa hhapee doori.”
Teꞌesii, leẽ tla⁄aã gooinay daa eteediidine na Kayaafa, gwaa hhapalooay gu didiru korikee, gi kaay tuba, “Unkuray ha hhidintay idoo lensee! Unkuray hhidintaaii tuba, daraatii boo⁄i daqa doogunay heedi leẽ gwaaꞌaraa sa hida, ba⁄ay da hhamisaraa hhapee goõ?”
Inkoo, Kayaafa yaati gimbuusiiba gimbaki hari ilahudaa kosi ina loi. Ina hhapalooay gu didiru gooay korikee, yaa tletimi tuba, Yeesu hiti gwaai sa hhapee da Wayahuudi. Kara ina hiti gwaaiyaaba sa Wayahuudi kilesi, slime ti sa yaꞌay goõ gu Iliitleemu gwaa pasidee, ma higiraa khay goõ daqa lenge.
Teesaaqay, tlaatleesoo da baloteesaago, giyaadimiisee da Wayahuudi yaa tlaatleesiri ilakhuukhuꞌumisu, ma gaasiri Yeesu. Sa gimbakee, Yeesu yaa khookhocimiiba kara pandataa tla⁄aã gu Wayahuudige. Ina hingaati pasli haa inay haa gi waaudi daqa wakay daa ilaciyaa haa kongoqomee, tongoo doó eteedine na Efurayiimu. Ina gi ibiidi taysi sliimaa haa sirakoomiisee dosi.
Inkoo, losona gu Pasaaka gu Wayahuudi yaa daadaauusi. Hida wa⁄a tongagugo gii laabiri hadakawa Yerusaleemuge baloo da losona giyaa ilii kahhade, ma hingi ilabuusliri ou gooinay. Inay yaa damaamidiyay Yeesu. Qatlay giyaa ilii qadimidiri mara gu didiruge gu Iliitleemu, hingaa maamisiri tuba, “Haã malee antiri? Gu lou, heediki yaa khayaabaslii losonage?” Inkoo, hhapalooee da deni da Wayahuudi haa Farisaayoo yaa hadisiri ilakaawa tuba, bere heedi baraslayi Yeesu daqa gi iliiwane, kwanda gi kaayiye, magu ooyiri.

聆听 Yohaana 11