Ayangan Ifugao - 2010 Edition (Drama - NT)

<div class="version vid2230 iso6393ifb" data-vid="2230" data-iso6393="ifb">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s">Hay Na'na'at hidin Ma'alih Ister an Dumingguh din Hopap di Simana Santa#24:1-49 Na'at nin hidin Nisan/Abib 17 (Sunday), 30 A.D. hinan Simana Santa.</div><div class="s2">Hay Numbihhitah nan Lubu' Jesus</div><div class="r">(Mat. 28:1-10; Mk. 16:1-8; Jn. 20:1-18)</div><div class="p"> 1Heden Dumingguh we'weet ya immuy din binabaih nan lubu' ta iyuyda din lanan denenanda. 2Ya na'ulin din tanglib di lubu'. 3Mu unat goh himmigupda ya mi'id ah inah'upandah odol Apu Jesus, 4at manoh'ada ti agguyda inilay aatna. Ya himbumagga ya waday duwah#24:4 Anaad ta duwada mu hay intudun da Matthew ay Mark ya un oh'ohha an anghel (Mat. 28:2; Mk. 16:5)? Hay ugalin di Hudyu ya hin'umu'uddum ya anggay nan tagun munhapit di mabilang, at adi middum nan ibbana, at paddungnay oh'ohhan anghel an ta"on unda duwa. linala'in ni'ta'dog ay dida an ma'appaha' ya humiliy lubungda. 5Ya ma'ama'atta'otda, ya inlu'bubdan nunhippin dida. Mu inalin din linala'in diday, &#8220;Anaad ta umali ayuh tun mannig hi mataguh nan ilubu'an di natoy? 6Mid hitu ti namahuan, at matagu! At nomnomonyuh den inalinah din wadanyuh nan Provinciad Galilee 7ti inalinay, Nan napto' an Imbaluy di Tagu ya mipadpap hinan tatagun nun'abaholan, ya milanhah nan krus, mu hinan miyatluh algawna ya mamahuan.&#8221;#24:7 Lk. 9:22. 8At ninomnomdah de din inulgudna.</div><div class="p"> 9Ya unat goh nakakdah din way lubu' ya inulguddan amin din na'at hinan himpulu ta han ohan intudtuduwan Jesus ya hi an amin goh hidin udumnan i'ibbada. 10Ya danen binabain nun'ulgud hinan intudtuduwan Jesus ya da Mary an iMagdala, ya hi Joanna, ya hi Mary an hi inan Jacob,#24:10 Bahaom nan footnote di Mat. 4:21 ta innilaom di aat ten ngadan. ya nan udumnan binabai. 11Mu agguy kinulug nan intudtuduwan Jesus din inulgud nan binabai ti inalidah unda pangpang'ali. 12Mu limmahun hi Peter an timmagtag an immuy hinan lubu', ya nunluung ta indungawna, ya hay teblag Jesus ya anggay di tinnigna. Ya numbangngad, ya ninomnonomnomnay aat den na'na'at.</div><div class="s2">Hay Nangah'upan Jesus hidin Duwan Linala'in Umuy ad Emmaus</div><div class="r">(Mk. 16:12-13)</div><div class="p"> 13Heden algaw ya immuy din duwan i'ibban Jesus hinan higib an mungngadan ad Emmaus an himpulu ta oha nin di kilomitluh numbattanandad Jerusalem. 14Ya hidin pundaldallananda ya inulgu'ulguddan amin din na'na'at. 15Ya heden pun'ul'ulgudanda ya way ohaan mumbabaggaandah aat di na'na'at. Ya immuy nedelloh hi Jesus ay dida, ya nitnud an ni'daldalan ay dida, 16mu agguyda inimmatunan Hiya ti ay paddungnay nahanian di matada.</div><div class="p"> 17Ya inalinan diday, &#8220;Ngadan nen ul'ulgudonyu?&#8221;</div><div class="p">Ya inta'dogda, ya mattig an nidugah di nunlungdayaanda. 18Ya nan ohan didan mungngadan hi Cleopas ya tembalnan inalinay, &#8220;Mid mapto' ya He"a ya anggay di iJerusalem an agguy nanginnilah na'na'at hidin algaw an naluh an hiyah ten ul'ulgudonmi!&#8221;</div><div class="p"> 19Ya tembal Jesus an inalinan diday, &#8220;Ngadan nan na'na'at?&#8221;</div><div class="p">Ya inalidan Hiyay, &#8220;Hay na'na'at ay Jesus an iNazareth ti Hiyay propeta, ya hay nannig Apo Dios ya an amin nan tataguh aat di nangatna ya umipanoh'ay ina'inatna, ya ongol di umal'alu'an di hapitna. 20Mu dempap nan a'ap'apun di papadi ya nan udumna goh an a'ap'apumi Hiya, ya inyuydah nan gubilnu ta nahumalya, at pinatoyda ti inlanhadah nan krus. 21Ya enehdolmin Hiyay mamaliw hinan i'Israel, mu hiyah te atlun di algaw hi natayana. 22Ya hay oha goh ya umipanoh'ay inulgud nan i'ibbamin binabain da'mi ti immuyda anuh din lubu'nah din we'weet, 23mu mi'id ah tinnigdah odolna. Ya inalidah din numbangngadanda an paddungnay enenapday duwah anghel an inaliday timmagu anuh Jesus. 24At immuy nan udumnan da'mih nan lubu'na, ya tinnigda an immannung din inalin din binabai an mi'id di odolnah di.&#8221;</div><div class="p"> 25Ya inalinan diday, &#8220;Anaad ta umat ayuh na an nakudang di nomnomyu? Ah'ahhup ayun mangulug an amin hinan intudo' di propeta! 26Undan adi mahapul an mipaligligat hi Kristu ya un mipabagtu?&#8221; 27Ya ente"an Jesus an nangulgud ay didah nan aatna an ente"anah din intudo' Moses ya an amin hidin intudo' din propeta.</div><div class="p"> 28Ya hidin immatamdah nan higib an ayanda ya ay ihunay innayunan umu'umuy. 29Mu inal'alu'da Hiyan inaliday, &#8220;Mi'yiyan'an da'mih tu ti den na'unug di algaw, at na'uy an mahdom.&#8221; At nitnud ay dida ta ni'yiyan.</div><div class="p"> 30Ya unat goh ni'yubung ay didah nan lamehaan hi pangananda ya innalna din tinapay, ya nunyaman ay Apo Dios, ya inupe'upengna, ya indatnan dida. 31Ya heden nangatanah di ya paddungnay nadiat di matada, at inimmatunanda Hiya.#24:31 Mid mapto' ya tinnigday hugatnah nan ngamaynah din nangidatanan didah tinapay, at hiyaat unda inimmatunan Hiya. Mu himbumagga ya nami'id, at agguyda tinnig Hiya. 32Ya way ohan didaan inaliday, &#8220;Mapmaphod di nangelantah ni'haphapitanan ditah nan dalan hi nangituduwanah nan nitudo' hinan Hapit Apo Dios!&#8221;</div><div class="p"> 33Tadunan de ya nakakda, ya numbangngaddad Jerusalem. Ya inah'upanda din himpulu ta ohan intudtuduwan Jesus an na'amung, ya wah dida goh din udumnah nan i'ibbadan niddum. 34Ya inalidan diday, &#8220;Immannung an namahuan nan Apu tu'u ti nipattig ay Simon!&#8221; 35Ya inul'ulgud goh nan duway na'at hinan dalan, ya nan numpa'innilaanah nangupenganah din tinapay.</div><div class="s2">Hay Nipattigan Jesus hinan Intudtuduwana</div><div class="r">(Mat. 28:16-20; Mk. 16:14-18; Jn. 20:19-23)</div><div class="p"> 36Otog din pun'ul'ulgudanda ya numpattig hi Jesus an timma'dog, ya niginagwan dida, ya inalinan diday, &#8220;Mid al'alin da'yu.&#8221;</div><div class="p"> 37Ya immogyatda ya timma'otda ti hay ninomnomda ya banig. 38Ya inalinan diday, &#8220;Anaad ta tuma'ot ayu, ya munduwaduway punnomnomanyuh aat'u? 39Tigonyuy ngamay'u ya tun dapan'u, ya dapoonyuy odol'u ti nan banig ya mi'id lamohna ya tungalna, mu Ha"in ya wada.&#8221;</div><div class="p"> 40Ya unat goh inalinah ne ya impattignan diday ngamayna ya dapana. 41Mu nidugah di amanoh'anda ya amlongda, at hiyaat unda agguy kinulug hi un Hiya, at inalinan diday, &#8220;Olom ya waday ma'an hitu?&#8221; 42At indatdan Hiyay itang hi nalutuh ekan, 43at innalna, ya inihdana an titiggonda.</div><div class="p"> 44Ya inalinan diday, &#8220;Hiyah te umatan din inali' hidin wada' ay da'yu ti inali' di mahapul an mipa'annung an amin din nitudo' hi ma'at ay Ha"in an nitudo' hinan alibluliblun nitud'an di Uldin Apo Dios ay Moses, ya nan alibluliblun intudo' nan propeta, ya nan Liblu an Psalms goh.&#8221;</div><div class="p"> 45Ya impaphodnay nomnomda ta way inatdan nanginnilah nan aat di nitudo' hidin penghana, 46ya inalinay, &#8220;Hay nitudo' ya mahapul an mipaligligat hi Kristu, mu hinan miyatlun algaw ya mamahuan an malpuh nan wadan di natoy.#24:46 Psa. 16:9-11; 22:1-24; Isa. 53:1-12. 47Ya mahapul goh an waday mun'ulgud hi aat nan puntutuyuan di tataguh baholda ta ma'aliwan an adi ma'u'unung ti Ha"in dumalat. Ya heten ma'ulgud ya mahapul an mete"ad Jerusalem ta nangamung an amin hinan ahimpahimpapangilih tun luta. 48Ti da'yuy nangihtiguh tun na'na'at. 49At honogo' ay da'yu nan Na'abuniyanan an Lennawan intulag Ama,#24:49 Joel 2:28-29. at mihina ayuh tud Jerusalem ta nangamung un miyodol ay da'yu ti Hiyay mangidat hi abalinanyun malpud abuniyan.&#8221;</div><div class="s">Hay Nipatuluwan Jesus ad Abuniyan</div><div class="r">(Mk. 16:19-20)</div><div class="p"> 50Initnud Jesus dida ta nangamung dimmatongdad Bethany, ya inuyadnay ngamayna, ya inyadaogna dida. 51Ya otog din nangiyadaoganan dida ya tinaynana dida ti nipatulud abuniyan, 52at dinayawda Hiya. Ya unat goh nalpah ya nun'am'amlongdan numbangngad ad Jerusalem. 53Ya gunda umuy hinan Timplun Apo Dios ad Jerusalem ta ulgu'ulgudonday amaphodan Apo Dios.</div>
 </div>
 </div>
</div>

Heden Dumingguh we'weet ya immuy din binabaih nan lubu' ta iyuyda din lanan denenanda. Ya na'ulin din tanglib di lubu'. Mu unat goh himmigupda ya mi'id ah inah'upandah odol Apu Jesus, at manoh'ada ti agguyda inilay aatna. Ya himbumagga ya waday duwah linala'in ni'ta'dog ay dida an ma'appaha' ya humiliy lubungda. Ya ma'ama'atta'otda, ya inlu'bubdan nunhippin dida. Mu inalin din linala'in diday, “Anaad ta umali ayuh tun mannig hi mataguh nan ilubu'an di natoy? Mid hitu ti namahuan, at matagu! At nomnomonyuh den inalinah din wadanyuh nan Provinciad Galilee ti inalinay, Nan napto' an Imbaluy di Tagu ya mipadpap hinan tatagun nun'abaholan, ya milanhah nan krus, mu hinan miyatluh algawna ya mamahuan.” At ninomnomdah de din inulgudna.
Ya unat goh nakakdah din way lubu' ya inulguddan amin din na'at hinan himpulu ta han ohan intudtuduwan Jesus ya hi an amin goh hidin udumnan i'ibbada. Ya danen binabain nun'ulgud hinan intudtuduwan Jesus ya da Mary an iMagdala, ya hi Joanna, ya hi Mary an hi inan Jacob, ya nan udumnan binabai. Mu agguy kinulug nan intudtuduwan Jesus din inulgud nan binabai ti inalidah unda pangpang'ali. Mu limmahun hi Peter an timmagtag an immuy hinan lubu', ya nunluung ta indungawna, ya hay teblag Jesus ya anggay di tinnigna. Ya numbangngad, ya ninomnonomnomnay aat den na'na'at.


Heden algaw ya immuy din duwan i'ibban Jesus hinan higib an mungngadan ad Emmaus an himpulu ta oha nin di kilomitluh numbattanandad Jerusalem. Ya hidin pundaldallananda ya inulgu'ulguddan amin din na'na'at. Ya heden pun'ul'ulgudanda ya way ohaan mumbabaggaandah aat di na'na'at. Ya immuy nedelloh hi Jesus ay dida, ya nitnud an ni'daldalan ay dida, mu agguyda inimmatunan Hiya ti ay paddungnay nahanian di matada.
Ya inalinan diday, “Ngadan nen ul'ulgudonyu?”
Ya inta'dogda, ya mattig an nidugah di nunlungdayaanda. Ya nan ohan didan mungngadan hi Cleopas ya tembalnan inalinay, “Mid mapto' ya He"a ya anggay di iJerusalem an agguy nanginnilah na'na'at hidin algaw an naluh an hiyah ten ul'ulgudonmi!”
Ya tembal Jesus an inalinan diday, “Ngadan nan na'na'at?”
Ya inalidan Hiyay, “Hay na'na'at ay Jesus an iNazareth ti Hiyay propeta, ya hay nannig Apo Dios ya an amin nan tataguh aat di nangatna ya umipanoh'ay ina'inatna, ya ongol di umal'alu'an di hapitna. Mu dempap nan a'ap'apun di papadi ya nan udumna goh an a'ap'apumi Hiya, ya inyuydah nan gubilnu ta nahumalya, at pinatoyda ti inlanhadah nan krus. Ya enehdolmin Hiyay mamaliw hinan i'Israel, mu hiyah te atlun di algaw hi natayana. Ya hay oha goh ya umipanoh'ay inulgud nan i'ibbamin binabain da'mi ti immuyda anuh din lubu'nah din we'weet, mu mi'id ah tinnigdah odolna. Ya inalidah din numbangngadanda an paddungnay enenapday duwah anghel an inaliday timmagu anuh Jesus. At immuy nan udumnan da'mih nan lubu'na, ya tinnigda an immannung din inalin din binabai an mi'id di odolnah di.”
Ya inalinan diday, “Anaad ta umat ayuh na an nakudang di nomnomyu? Ah'ahhup ayun mangulug an amin hinan intudo' di propeta! Undan adi mahapul an mipaligligat hi Kristu ya un mipabagtu?” Ya ente"an Jesus an nangulgud ay didah nan aatna an ente"anah din intudo' Moses ya an amin hidin intudo' din propeta.
Ya hidin immatamdah nan higib an ayanda ya ay ihunay innayunan umu'umuy. Mu inal'alu'da Hiyan inaliday, “Mi'yiyan'an da'mih tu ti den na'unug di algaw, at na'uy an mahdom.” At nitnud ay dida ta ni'yiyan.
Ya unat goh ni'yubung ay didah nan lamehaan hi pangananda ya innalna din tinapay, ya nunyaman ay Apo Dios, ya inupe'upengna, ya indatnan dida. Ya heden nangatanah di ya paddungnay nadiat di matada, at inimmatunanda Hiya. Mu himbumagga ya nami'id, at agguyda tinnig Hiya. Ya way ohan didaan inaliday, “Mapmaphod di nangelantah ni'haphapitanan ditah nan dalan hi nangituduwanah nan nitudo' hinan Hapit Apo Dios!”
Tadunan de ya nakakda, ya numbangngaddad Jerusalem. Ya inah'upanda din himpulu ta ohan intudtuduwan Jesus an na'amung, ya wah dida goh din udumnah nan i'ibbadan niddum. Ya inalidan diday, “Immannung an namahuan nan Apu tu'u ti nipattig ay Simon!” Ya inul'ulgud goh nan duway na'at hinan dalan, ya nan numpa'innilaanah nangupenganah din tinapay.


Otog din pun'ul'ulgudanda ya numpattig hi Jesus an timma'dog, ya niginagwan dida, ya inalinan diday, “Mid al'alin da'yu.”
Ya immogyatda ya timma'otda ti hay ninomnomda ya banig. Ya inalinan diday, “Anaad ta tuma'ot ayu, ya munduwaduway punnomnomanyuh aat'u? Tigonyuy ngamay'u ya tun dapan'u, ya dapoonyuy odol'u ti nan banig ya mi'id lamohna ya tungalna, mu Ha"in ya wada.”
Ya unat goh inalinah ne ya impattignan diday ngamayna ya dapana. Mu nidugah di amanoh'anda ya amlongda, at hiyaat unda agguy kinulug hi un Hiya, at inalinan diday, “Olom ya waday ma'an hitu?” At indatdan Hiyay itang hi nalutuh ekan, at innalna, ya inihdana an titiggonda.
Ya inalinan diday, “Hiyah te umatan din inali' hidin wada' ay da'yu ti inali' di mahapul an mipa'annung an amin din nitudo' hi ma'at ay Ha"in an nitudo' hinan alibluliblun nitud'an di Uldin Apo Dios ay Moses, ya nan alibluliblun intudo' nan propeta, ya nan Liblu an Psalms goh.”
Ya impaphodnay nomnomda ta way inatdan nanginnilah nan aat di nitudo' hidin penghana, ya inalinay, “Hay nitudo' ya mahapul an mipaligligat hi Kristu, mu hinan miyatlun algaw ya mamahuan an malpuh nan wadan di natoy. Ya mahapul goh an waday mun'ulgud hi aat nan puntutuyuan di tataguh baholda ta ma'aliwan an adi ma'u'unung ti Ha"in dumalat. Ya heten ma'ulgud ya mahapul an mete"ad Jerusalem ta nangamung an amin hinan ahimpahimpapangilih tun luta. Ti da'yuy nangihtiguh tun na'na'at. At honogo' ay da'yu nan Na'abuniyanan an Lennawan intulag Ama, at mihina ayuh tud Jerusalem ta nangamung un miyodol ay da'yu ti Hiyay mangidat hi abalinanyun malpud abuniyan.”


Initnud Jesus dida ta nangamung dimmatongdad Bethany, ya inuyadnay ngamayna, ya inyadaogna dida. Ya otog din nangiyadaoganan dida ya tinaynana dida ti nipatulud abuniyan, at dinayawda Hiya. Ya unat goh nalpah ya nun'am'amlongdan numbangngad ad Jerusalem. Ya gunda umuy hinan Timplun Apo Dios ad Jerusalem ta ulgu'ulgudonday amaphodan Apo Dios.

聆听 Luke 24