Quechua Ambo-Pasco - WBT Version (Non-Drama NT)

Quechua Ambo-Pasco - WBT Version (Drama NT)

<div class="version vid1769 iso6393qva" data-vid="1769" data-iso6393="qva">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s">Wa&#241;unganpita Jes&#250;s cawarimungan</div><div class="r">(San Mateo 28.1-10; San Marcos 16.1-8; San Juan 20.1-10)</div><div class="p"> 1Chaypita sem&#228;na galarinan junag tuta chaca chacala Jes&#250;s pamparangancagman, camaringan perf&#252;mita apacurcur warmicuna aywap&#228;curan. 2Chrayap&#228;cunanp&#228;ga sepult&#252;ra chaparag rumi juc l&#228;duman ashuchisha cayc&#228;nag. 3Chayman yaycur manam tarip&#228;curannachu Jesuspa cuerpunta. 4Chaymi manchacasha ricacur ima ruraytapis mana cam&#228;pac&#228;riranchu. Chaynuy carcaptinmi ishcay runacuna chipipaycag r&#246;pasha paycunapa &#241;aupagninchru ricacuran. 5Chaymi paycunata ricaycur pasaypa mancharir gongurpacayc&#228;riran. Chauraga chay runacunanam nip&#228;curan: &#8220;&#191;Imanirtag wa&#241;ushacuna cangancagchru cawarimushana caycagta ashircanqui? 6-7Yarp&#228;p&#228;cuy Galilea provinciachru caycar Diospita shamusha Runata juchasapa runacunapa maquinman entregasha cananpag canganta nip&#228;cushungayquita. &#191;Manachu chaychru nip&#228;cushushcanqui Diospita shamusha Runata crucificaypa wa&#241;uchip&#228;cuptinpis quimsa junagtaga cawarimunanpag canganta?&#8221;</div><div class="p"> 8Chaynuy niptinmi Jes&#250;s chaynuy ningancunata paycuna yarp&#228;p&#228;curan. 9Chaymi Jes&#250;s pamparangancagpita cutiyc&#228;rir willaran chrunca juc (11) apostulcunata y chaychru cag runacunatapis. 10Chay willapagcunaga caran Mar&#237;a Magdalena, Juana, Santiagupa maman Mar&#237;a y paycunawan aywag warmicuna. 11Warmicuna chaynuy willap&#228;cuptinpis l&#246;cutaycanganta yarpar apostulcuna manam criyip&#228;curanchu. 12[Pedrum ichanga c&#246;rriypa aywaran Jesusta pampap&#228;cungancagman. Pamparangancagta arcaycurmi s&#228;banaslatana ricaran. Chaylatana tariycurmi almirasha cuticuran.]</div><div class="s">Ema&#250;s cami&#241;uchru ishcay disc&#239;puluncunata Jes&#250;s ricaripangan</div><div class="r">(San Marcos 16.12-13)</div><div class="p"> 13Chay junagmi Jesuspa ishcay disc&#239;puluncuna aywarcaran Ema&#250;s marcaman. Ema&#250;s caran Jerusalenpita ishcay l&#235;wanuy. 14Paycunaga Jes&#250;s wa&#241;unganpita parlaraycar aywarcaran. 15Chaynuy parlaraycar aywarcaptinmi Jes&#250;s taripaycur paycunawan iwal aywaran. 16Chaynuy paycunawan aywaycaptinpis manam tantiyap&#228;curanchu Jes&#250;s canganta.</div><div class="p"> 17Chaymi Jes&#250;s tapuran: &#8220;&#191;Imapita parlartag aywarcanqui?&#8221;</div><div class="p">Chaynuy niptin laquisha ichricayc&#228;riran.</div><div class="p"> 18Chauraga Cleofas jutiyog runa niran: &#8220;Pascua fiestaman shamog runacunapis chaypitaga lapanmi musyap&#228;cun cay junagcuna Jerusalenchru ima pasangancunatapis. &#191;Manachu gam musyanqui?&#8221;</div><div class="p"> 19Niptinmi Jes&#250;s tapuran: &#8220;&#191;Imatag casha?&#8221; nir.</div><div class="p">Paycuna nip&#228;curan: &#8220;Nazaret marcapita Jesusmi Tayta Diospa willacognin caran. Paymi Tayta Diospa munayninwan alicunata rurar Tayta Dios ningancunata lapan runacunata willaparan. Chay ningancunam y rurangancunam p&#239; mayp&#228;pis ali caran. 20Paytam c&#252;racunapa mandagnincunawan lapan autorid&#228;cuna Pil&#228;tuman entreg&#228;p&#228;cusha crucificaypa wa&#241;uchinanpag. 21Nogacuna yarp&#228;p&#228;cur&#228; chriquimagninchicunapa munayninpita pay jorgam&#228;nanchipag canganta. Canan junagwanga quimsa junagnam wa&#241;ungan. 22-23Canan tuta nogacunawan cag waquin warmicuna manchac&#228;chip&#228;camasha. Paycunam Jesusta pampap&#228;cungancagman chaca chacala aywar cuerpunta mana tarip&#228;cushanachu. Chaypita wasiman cutiycamur willap&#228;camasha Jes&#250;s cawarimunganta. Angilcuna ricariparcur paycunata Jes&#250;s cawarimunganta willasha. 24Chauraga waquincag disc&#239;puluncunapis pamparangancagman aywar warmicuna willacungannuylam Jesuspa cuerpunta mana tarip&#228;cushachu. Chaynuypis Jes&#250;s cawarimusha caycagta manam ricap&#228;curanchu&#8221;.</div><div class="p"> 25-26Chaymi paycunata Jes&#250;s niran: &#8220;Dios cachramungan Salvador wa&#241;unganpita cawarimur Diospa &#241;aupagninman cutinanp&#228;ga nacananr&#228;mi caran. &#191;Imanirtag gamcuna mana tantiyap&#228;cunquichu? &#191;Imanirtag sasatarag criyip&#228;cunqui Tayta Diospa willacognincuna ningancunatapis?&#8221;</div><div class="p"> 27Chaynuy nirmi paycunata tantiyachiran quiquinpag imanuy escribiraycangantapis. Chaynuy yarp&#228;chiran Mois&#233;s escribingan leycunapita galaycur Diospa willacognincuna escribingancama.</div><div class="p"> 28Chaymi Ema&#250;s marcaman chrayayc&#228;rirna paycunapita Jes&#250;s pasagtucuran. 29Pasacuyta munaptinmi payta qu&#235;dachip&#228;curan: &#8220;Pacha chacaycannam. Caylachr&#252;na qu&#235;dacushun&#8221; nir.</div><div class="p">Chaynuy niptinmi Jes&#250;s paycunawan qu&#235;dacuran. 30Chaypita m&#235;sacagman Jes&#250;s jamaycurnam tantata aptarcur Tayta Diosta agradecicuran. Nircurna partir partircur paycunata aypuran. 31Chauraga chay h&#246;ram Jes&#250;s canganta reguip&#228;curan. Jes&#250;s canganta reguir&#228;riptinnam illac&#228;curan.</div><div class="p"> 32Illacaruptinnam quiquinpura caynuy ninac&#228;riran: &#8220;&#161;Jesusmi casha! &#161;Rasuntachrar cami&#241;uchru Tayta Dios escribichinganta parlap&#228;manganchi h&#246;ra shongunchipis cushicuran!&#8221;</div><div class="p"> 33Chauraga chay h&#246;ra jucla Jerusalenman cutic&#228;riran. Chrayaycurnam chrunca juc (11) apostulcunata y waquin disc&#239;puluncunatapis tarip&#228;curan. 34Chrayayc&#228;riptinnam paycunata apostulcuna caynuy willaparan: &#8220;&#161;Rasunpam Se&#241;or Jes&#250;s cawarimusha! &#161;Simontapis ricaripasham!&#8221;</div><div class="p"> 35Niptinnam paycunapis willaparan cami&#241;uchru ima pasangancunatapis, y tantata Jes&#250;s partingan h&#246;ra payta reguip&#228;cungantapis.</div><div class="s">Apostulnincunata Jes&#250;s ricaripangan</div><div class="r">(San Mateo 28.16-20; San Marcos 16.14-18; San Juan 20.19-23)</div><div class="p"> 36Chaynuy parlarcaptinmi may&#228;nipita Jes&#250;s paycunapa chraupinchru ricacuran: &#8220;Jauca cawap&#228;cuy&#8221; nir.</div><div class="p"> 37Chauraga paycuna alma canganta yarpar fiyupa manchac&#228;p&#228;curan.</div><div class="p"> 38Chauraga Jes&#250;s niran: &#8220;&#191;Imanirtag manchacasha carcanqui? &#191;Imanirtag noga cang&#228;ta mana criyip&#228;cunquichu? 39Ricap&#228;cuy maqu&#239;ta y chraqu&#239;tapis. Nogam cayc&#228;. Yatap&#228;camay. Yarp&#228;p&#228;cungayquinuypis manam almachu c&#228;. Almaga aychaynag y tulluynagmi&#8221;.</div><div class="p"> 40Chaynuy nir ricachiran maquinta y chraquintapis. 41Chauraga pay canganta ricaycur lapan cushic&#228;riran. Chaynuy cushicurpis manar&#228;mi criyip&#228;curanchu. Chaynuy mana criyiptinmi Jes&#250;s tapuran: &#8220;&#191;Imalapis micun&#228;pag caycanchu?&#8221; nir.</div><div class="p"> 42Chaynuy niptinmi juc partin cancasha pesc&#228;dutawan [urunguypa mishquinta] micunanpag gop&#228;curan. 43Chaytam paycuna ricaycaptin micuran. 44Micucurcurnam niran: &#8220;Mois&#233;s, Tayta Diospa willacognincuna y salmucunata escribegcunapis lapanmi escribip&#228;curan nogata ima pasam&#228;nanpag cagpita. Gamcunawan caycar willar&#228; lapan chay escribiraycangancuna cumplinanpag canganta. Chay willang&#228;nuylam pasamasha&#8221;.</div><div class="p"> 45Chaynuy nirmi Tayta Dios escribichingancunata tantiyachiran. 46Nircur niran: &#8220;Noga Dios cachramungan Salvador wa&#241;un&#228;pag y wa&#241;ung&#228;pita quimsa junagta cawarimun&#228;pag cangan escribiraycanmi. 47-48Musyap&#228;cungayquinuypis chay escribirangannuylam lapanpis pasasha. Chaymi nogapa jut&#239;chru runacunata willap&#228;nayqui juchacunapita wanacunanpag. Chaynuypam Tayta Dios perdunanga juch&#228;cungancunata. Jerusalenpita galaycur may chaypapis aywar lapan runacunata chaynuy willapanqui. 49Nogam gamcunaman Tayt&#228; promitingan Santu Espirituta cachramushag. Ichanga Jerusalenlachru shuwararcay Diospa munayninta cielupita chrasquip&#228;cungayquicama. Santu Espirituta chrasquingayquicama. Chrasquicurnam Diospa munayninwanna cap&#228;cunqui&#8221;.</div><div class="s">Cieluman Jes&#250;s cutingan</div><div class="r">(San Marcos 16.19-20; Hechos 1.9-11)</div><div class="p"> 50Chaypita apostulnincunata Jerusalenpita Betaniaman Jes&#250;s pusharan. Chaychru caycarna maquinta jogarcur paycunata yanap&#228;nanpag Tayta Diosta rugacuran. 51Chaynuy paycunapag rugacuycarnam aywacuran y cielumanna apacuran. 52Chaychru apostulcuna Jesusta adorarc&#228;rirmi Jerusalenman cushisha cutic&#228;riran. 53Tayta Diosta alab&#228;nanpag waran waran templuman aywap&#228;cog. [Am&#233;n.]</div>
 </div>
 </div>
</div>

Chaypita semäna galarinan junag tuta chaca chacala Jesús pamparangancagman, camaringan perfümita apacurcur warmicuna aywapäcuran. Chrayapäcunanpäga sepultüra chaparag rumi juc läduman ashuchisha caycänag. Chayman yaycur manam taripäcurannachu Jesuspa cuerpunta. Chaymi manchacasha ricacur ima ruraytapis mana camäpacäriranchu. Chaynuy carcaptinmi ishcay runacuna chipipaycag röpasha paycunapa ñaupagninchru ricacuran. Chaymi paycunata ricaycur pasaypa mancharir gongurpacaycäriran. Chauraga chay runacunanam nipäcuran: “¿Imanirtag wañushacuna cangancagchru cawarimushana caycagta ashircanqui? Yarpäpäcuy Galilea provinciachru caycar Diospita shamusha Runata juchasapa runacunapa maquinman entregasha cananpag canganta nipäcushungayquita. ¿Manachu chaychru nipäcushushcanqui Diospita shamusha Runata crucificaypa wañuchipäcuptinpis quimsa junagtaga cawarimunanpag canganta?”
Chaynuy niptinmi Jesús chaynuy ningancunata paycuna yarpäpäcuran. Chaymi Jesús pamparangancagpita cutiycärir willaran chrunca juc (11) apostulcunata y chaychru cag runacunatapis. Chay willapagcunaga caran María Magdalena, Juana, Santiagupa maman María y paycunawan aywag warmicuna. Warmicuna chaynuy willapäcuptinpis löcutaycanganta yarpar apostulcuna manam criyipäcuranchu. [Pedrum ichanga cörriypa aywaran Jesusta pampapäcungancagman. Pamparangancagta arcaycurmi säbanaslatana ricaran. Chaylatana tariycurmi almirasha cuticuran.]


Chay junagmi Jesuspa ishcay discïpuluncuna aywarcaran Emaús marcaman. Emaús caran Jerusalenpita ishcay lëwanuy. Paycunaga Jesús wañunganpita parlaraycar aywarcaran. Chaynuy parlaraycar aywarcaptinmi Jesús taripaycur paycunawan iwal aywaran. Chaynuy paycunawan aywaycaptinpis manam tantiyapäcuranchu Jesús canganta.
Chaymi Jesús tapuran: “¿Imapita parlartag aywarcanqui?”
Chaynuy niptin laquisha ichricaycäriran.
Chauraga Cleofas jutiyog runa niran: “Pascua fiestaman shamog runacunapis chaypitaga lapanmi musyapäcun cay junagcuna Jerusalenchru ima pasangancunatapis. ¿Manachu gam musyanqui?”
Niptinmi Jesús tapuran: “¿Imatag casha?” nir.
Paycuna nipäcuran: “Nazaret marcapita Jesusmi Tayta Diospa willacognin caran. Paymi Tayta Diospa munayninwan alicunata rurar Tayta Dios ningancunata lapan runacunata willaparan. Chay ningancunam y rurangancunam pï maypäpis ali caran. Paytam cüracunapa mandagnincunawan lapan autoridäcuna Pilätuman entregäpäcusha crucificaypa wañuchinanpag. Nogacuna yarpäpäcurä chriquimagninchicunapa munayninpita pay jorgamänanchipag canganta. Canan junagwanga quimsa junagnam wañungan. Canan tuta nogacunawan cag waquin warmicuna manchacächipäcamasha. Paycunam Jesusta pampapäcungancagman chaca chacala aywar cuerpunta mana taripäcushanachu. Chaypita wasiman cutiycamur willapäcamasha Jesús cawarimunganta. Angilcuna ricariparcur paycunata Jesús cawarimunganta willasha. Chauraga waquincag discïpuluncunapis pamparangancagman aywar warmicuna willacungannuylam Jesuspa cuerpunta mana taripäcushachu. Chaynuypis Jesús cawarimusha caycagta manam ricapäcuranchu”.
Chaymi paycunata Jesús niran: “Dios cachramungan Salvador wañunganpita cawarimur Diospa ñaupagninman cutinanpäga nacananrämi caran. ¿Imanirtag gamcuna mana tantiyapäcunquichu? ¿Imanirtag sasatarag criyipäcunqui Tayta Diospa willacognincuna ningancunatapis?”
Chaynuy nirmi paycunata tantiyachiran quiquinpag imanuy escribiraycangantapis. Chaynuy yarpächiran Moisés escribingan leycunapita galaycur Diospa willacognincuna escribingancama.
Chaymi Emaús marcaman chrayaycärirna paycunapita Jesús pasagtucuran. Pasacuyta munaptinmi payta quëdachipäcuran: “Pacha chacaycannam. Caylachrüna quëdacushun” nir.
Chaynuy niptinmi Jesús paycunawan quëdacuran. Chaypita mësacagman Jesús jamaycurnam tantata aptarcur Tayta Diosta agradecicuran. Nircurna partir partircur paycunata aypuran. Chauraga chay höram Jesús canganta reguipäcuran. Jesús canganta reguiräriptinnam illacäcuran.
Illacaruptinnam quiquinpura caynuy ninacäriran: “¡Jesusmi casha! ¡Rasuntachrar camiñuchru Tayta Dios escribichinganta parlapämanganchi höra shongunchipis cushicuran!”
Chauraga chay höra jucla Jerusalenman cuticäriran. Chrayaycurnam chrunca juc (11) apostulcunata y waquin discïpuluncunatapis taripäcuran. Chrayaycäriptinnam paycunata apostulcuna caynuy willaparan: “¡Rasunpam Señor Jesús cawarimusha! ¡Simontapis ricaripasham!”
Niptinnam paycunapis willaparan camiñuchru ima pasangancunatapis, y tantata Jesús partingan höra payta reguipäcungantapis.


Chaynuy parlarcaptinmi mayänipita Jesús paycunapa chraupinchru ricacuran: “Jauca cawapäcuy” nir.
Chauraga paycuna alma canganta yarpar fiyupa manchacäpäcuran.
Chauraga Jesús niran: “¿Imanirtag manchacasha carcanqui? ¿Imanirtag noga cangäta mana criyipäcunquichu? Ricapäcuy maquïta y chraquïtapis. Nogam caycä. Yatapäcamay. Yarpäpäcungayquinuypis manam almachu cä. Almaga aychaynag y tulluynagmi”.
Chaynuy nir ricachiran maquinta y chraquintapis. Chauraga pay canganta ricaycur lapan cushicäriran. Chaynuy cushicurpis manarämi criyipäcuranchu. Chaynuy mana criyiptinmi Jesús tapuran: “¿Imalapis micunäpag caycanchu?” nir.
Chaynuy niptinmi juc partin cancasha pescädutawan [urunguypa mishquinta] micunanpag gopäcuran. Chaytam paycuna ricaycaptin micuran. Micucurcurnam niran: “Moisés, Tayta Diospa willacognincuna y salmucunata escribegcunapis lapanmi escribipäcuran nogata ima pasamänanpag cagpita. Gamcunawan caycar willarä lapan chay escribiraycangancuna cumplinanpag canganta. Chay willangänuylam pasamasha”.
Chaynuy nirmi Tayta Dios escribichingancunata tantiyachiran. Nircur niran: “Noga Dios cachramungan Salvador wañunäpag y wañungäpita quimsa junagta cawarimunäpag cangan escribiraycanmi. Musyapäcungayquinuypis chay escribirangannuylam lapanpis pasasha. Chaymi nogapa jutïchru runacunata willapänayqui juchacunapita wanacunanpag. Chaynuypam Tayta Dios perdunanga juchäcungancunata. Jerusalenpita galaycur may chaypapis aywar lapan runacunata chaynuy willapanqui. Nogam gamcunaman Taytä promitingan Santu Espirituta cachramushag. Ichanga Jerusalenlachru shuwararcay Diospa munayninta cielupita chrasquipäcungayquicama. Santu Espirituta chrasquingayquicama. Chrasquicurnam Diospa munayninwanna capäcunqui”.


Chaypita apostulnincunata Jerusalenpita Betaniaman Jesús pusharan. Chaychru caycarna maquinta jogarcur paycunata yanapänanpag Tayta Diosta rugacuran. Chaynuy paycunapag rugacuycarnam aywacuran y cielumanna apacuran. Chaychru apostulcuna Jesusta adorarcärirmi Jerusalenman cushisha cuticäriran. Tayta Diosta alabänanpag waran waran templuman aywapäcog. [Amén.]

聆听 San Lucas 24