℗ 2013 Wycliffe Bible Translators, Inc.

Arop-Lokep - 2013 Edition (NT)

<div class="version vid1409 iso6393apr" data-vid="1409" data-iso6393="apr">
    <div class="book bkJHN">
        <div class="chapter ch9" data-usfm="JHN.9">
            <div class="label">9</div><div class="s"><span class="heading">Yesu Ikarata Tool Yo Tinana Ipasuiu Ngan Matan Kis I</span></div><div class="p"><span class="content">  </span><span class="verse v1" data-usfm="JHN.9.1"><span class="label">1</span><span class="content">Yesu igege di Yuda tina, motong la ipa a ila, ngan ikamata tool atu in matan kis. Ngan tool tani in kene yo tinana ipasuiu ye i, ngan matana nga ikis nen. </span></span><span class="verse v2" data-usfm="JHN.9.2"><span class="label">2</span><span class="content">Motong la di galiunu tikamata tool tani le nga titoru nen, &#8220;Pannoongoo, sei iyei sennene a le tinana ipasuiu ngan matan kis nen nga, ye taunu, too tamana le tinana?&#8221;</span></span></div><div class="p"><span class="verse v2" data-usfm="JHN.9.2"><span class="content">  </span></span><span class="verse v3" data-usfm="JHN.9.3"><span class="label">3</span><span class="content">Titoru nen, motong la Yesu iraua betanga kidi nen, &#8220;Ye taunu, too tamana le tinana la tiyei sennene ngan la le matana nga ikis nen, ngan tiap. Bong so yo nen in bet pombe ye, a bet nen ngan ikarata dada pang Maro bet ipitnai gurana le urata ki le iken mallangana pang di tooltool. </span></span><span class="verse v4" data-usfm="JHN.9.4"><span class="label">4</span><span class="content">Dookoot nga ni galanga nen, le ken tayei urata ke tool yo iwangau a asi i. Kumata bet tanepe nen le lo bong pombe nga, ngan kene tani in tool sa ke bet iyei urata yo nen ngan mulu tiap. </span></span><span class="verse v5" data-usfm="JHN.9.5"><span class="label">5</span><span class="content">Ngan ye kene yo anepe ye tana i nga, ngan au i la bet ayei ben sul pang di tooltool ke tana i.&#8221;</span></span></div><div class="p"><span class="verse v5" data-usfm="JHN.9.5"><span class="content">  </span></span><span class="verse v6" data-usfm="JHN.9.6"><span class="label">6</span><span class="content">Yesu iwete nen a imot, motong la ikoronai ngoonoo du ye tana, inbe isaraii ye bene le iyei ben tingi, motong ikap a isama tool mata kis tani, in matana ye. </span></span><span class="verse v7" data-usfm="JHN.9.7"><span class="label">7</span><span class="content">Inbe iwete panga nen, &#8220;Kula le la kupusu matam ye ran kelingi yo ene Siloam ni.&#8221; (Ngan betanga yo Siloam i, in punu ben Tiwanga). Le nga tool tani in ila la ipusu matana, motong la ye kene yo bet imulu a ila pang rumu ki ye in nga, ngan le matan galanga a ikamata ni ye dook mata.</span></span></div><div class="p"><span class="verse v7" data-usfm="JHN.9.7"><span class="content">  </span></span><span class="verse v8" data-usfm="JHN.9.8"><span class="label">8</span><span class="content">Motong la di tooltool yo tinepe potai ye nga, ngan tiye di tooltool kapala yo mugu ngan tikamata igaugau pat le so ye di tooltool nga, ngan tikamata le tipartortor nen, &#8220;Ai, i tool tani yo mugu ngan iwurur a igaugau pat le so in naii, too?&#8221;</span></span></div><div class="p"><span class="verse v8" data-usfm="JHN.9.8"><span class="content">  </span></span><span class="verse v9" data-usfm="JHN.9.9"><span class="label">9</span><span class="content">Ngan di tooltool kapala tiyei ne, &#8220;E, ye tani naii.&#8221;</span></span></div><div class="p"><span class="verse v9" data-usfm="JHN.9.9"><span class="content">Bong di kapala tiyei ne, &#8220;Tiap, ye in matana dawa ben tool tani in leu, bong in tool san.&#8221;</span></span></div><div class="p"><span class="verse v9" data-usfm="JHN.9.9"><span class="content">Ngan tiwete nen, motong la tool tani iyei ne, &#8220;Ai, i au tani naii.&#8221;</span></span></div><div class="p"><span class="verse v9" data-usfm="JHN.9.9"><span class="content">  </span></span><span class="verse v10" data-usfm="JHN.9.10"><span class="label">10</span><span class="content">Le nga di tooltool tina ngan titoru. Tiyei ne, &#8220;Nga kuyei balai a le matam rere, inbe kumata ni ye nga?&#8221;</span></span></div><div class="p"><span class="verse v10" data-usfm="JHN.9.10"><span class="content">  </span></span><span class="verse v11" data-usfm="JHN.9.11"><span class="label">11</span><span class="content">Motong la iwete pang di nen, &#8220;Tool yo tipootoo ene ye Yesu i, in iyei tana le iyei ben tingi, motong la isama matak ye, inbe iwete pau bet la apusu matak ye ran kelingi yo Siloam i. Le nga ala la apusu matak ye ran tani, ngan la le matak rere a akamata ni ye nga.&#8221;</span></span></div><div class="p"><span class="verse v11" data-usfm="JHN.9.11"><span class="content">  </span></span><span class="verse v12" data-usfm="JHN.9.12"><span class="label">12</span><span class="content">Iwete nen, motong la di tooltool tina ngan titoru. Tiyei ne, &#8220;Ngan tool tani in inepe ngai?&#8221;</span></span></div><div class="p"><span class="verse v12" data-usfm="JHN.9.12"><span class="content">Ngan iyei ne, &#8220;Atoo, au i lok galanga ye tiap.&#8221;</span></span></div><div class="s"><span class="heading">Di Paresi Titor Panini Tool Tani Ye Tool Yo Ikarata I</span></div><div class="p"><span class="verse v12" data-usfm="JHN.9.12"><span class="content">  </span></span><span class="verse v13" data-usfm="JHN.9.13"><span class="label">13</span><span class="content">Motong la tikaua tool tani yo mugu ngan matan kis i, in a tila pang ye di Paresi. </span></span><span class="verse v14" data-usfm="JHN.9.14"><span class="label">14</span><span class="content">Yesoo, ye kene yo Yesu iyei tana le ben tingi a ikarata tool tani in matana le dook mata ye i, in ye lal kidi Yuda ke sungunu. </span></span><span class="verse v15" data-usfm="JHN.9.15"><span class="label">15</span><span class="content">Motong la di Paresi tina ngan titoro tool tani. Tiyei ne, &#8220;Ai, matam nga gelei a le dook mata nga?&#8221;</span></span></div><div class="p"><span class="verse v15" data-usfm="JHN.9.15"><span class="content">Ngan tool tani in iwete pang di nen, &#8220;Isama matak ye tana yo iyei le ben tingi nga, motong la apusu matak ye ran, ngan la le dookoot nga matak rere a akamata ni ye nga.&#8221;</span></span></div><div class="p"><span class="verse v15" data-usfm="JHN.9.15"><span class="content">  </span></span><span class="verse v16" data-usfm="JHN.9.16"><span class="label">16</span><span class="content">Iwete pang di nen, motong la di Paresi kapala tiyei ne, &#8220;Tool in Maro iwanga la isi, nga tiap, yesoo ikap tutu lal kiidi Yuda yo ke sungunu, in tiap.&#8221;</span></span></div><div class="p"><span class="verse v16" data-usfm="JHN.9.16"><span class="content">Bong di Paresi tina kapala tiyei ne, &#8220;Nga gelei, tool yo ke geingi sennene i, in ke bet iyei mos yo nen nga?&#8221; Ngan nen le di tapdi tiparpoto.</span></span></div><div class="p"><span class="verse v16" data-usfm="JHN.9.16"><span class="content">  </span></span><span class="verse v17" data-usfm="JHN.9.17"><span class="label">17</span><span class="content">Motong la di Paresi tina ngan tiportak bet titoro tool mata kis tani, in mulu nen, &#8220;Lom tar bet tool tani yo iyei ong le matam rere i, in tool balai?&#8221;</span></span></div><div class="p"><span class="verse v17" data-usfm="JHN.9.17"><span class="content">Ngan iraua betanga kidi nen, &#8220;Ye in Maro koonoo atu.&#8221;</span></span></div><div class="p"><span class="verse v17" data-usfm="JHN.9.17"><span class="content">  </span></span><span class="verse v18" data-usfm="JHN.9.18"><span class="label">18</span><span class="content">Mugu ngan tool tani in matan kis, motong la dookoot nga matan rere nga, bong di kuto maimai ke di Yuda titara lodi medana ye yo nen, ngan tiap. Le nga tiwanga pang tamana le tinana a timan. </span></span><span class="verse v19" data-usfm="JHN.9.19"><span class="label">19</span><span class="content">Timan, motong la titor di nen, &#8220;Ai, i angru natumu tani yo kawete bet ye kene yo tinana ipasuiu ye in nga, ngan matan kis, in naii, too? Ngan nga gelei a le dookoot ngan ikamata ni nga?&#8221;</span></span></div><div class="p"><span class="verse v19" data-usfm="JHN.9.19"><span class="content">  </span></span><span class="verse v20" data-usfm="JHN.9.20"><span class="label">20</span><span class="content">Ngan tamana le tinana tiyei ne, &#8220;Amru nga lomam galanga ben i natumam, inbe kene yo tinana ipasuiu ye in nga, ngan matan kis. </span></span><span class="verse v21" data-usfm="JHN.9.21"><span class="label">21</span><span class="content">Bong gelei a le dookoot nga ikamata ni, inbe sei tool iyei matana nga le irere i, in amru nga lomam galanga ye tiap. Le bet nen ngan katoru. Ye in tool maiyoko, le ole ye taunu iwete pang.&#8221; </span></span><span class="verse v22" data-usfm="JHN.9.22"><span class="label">22</span><span class="content">Ngan tool tani in tamana le tinana titattadai di Yuda, ngan la le tiwete betanga nen nga. Titattadai di nen, yesoo mugu ngan di kuto maimai ke di Yuda tiraua betanga bet kumata le tool sa iwete a ipapos ben Yesu in Kirisi nga, ngan ole tigunkala le ke bet ilo rumu kidi Yuda ke gaongo in lono lo iye di tigaua mulu tiap. </span></span><span class="verse v23" data-usfm="JHN.9.23"><span class="label">23</span><span class="content">Ngan ye punu in la le tool tani tamana le tinana tiyei ne, &#8220;Katoru. Ye in tool maiyoko oo.&#8221;</span></span></div><div class="p"><span class="verse v23" data-usfm="JHN.9.23"><span class="content">  </span></span><span class="verse v24" data-usfm="JHN.9.24"><span class="label">24</span><span class="content">Motong la di Yuda tina ngan tikiui tool tani yo matan kis in paru ki man tiwete panga nen, &#8220;Dookoot nga kuyitmaka Maro ene, inbe kuwete betanga moolmool pam ye matana. Oo kuwete, am nga lomam galanga bet tool yo kuweta i, in tool ke geingi sennene.&#8221;</span></span></div><div class="p"><span class="verse v24" data-usfm="JHN.9.24"><span class="content">  </span></span><span class="verse v25" data-usfm="JHN.9.25"><span class="label">25</span><span class="content">Tiwete nen, motong la iraua betanga kidi nen, &#8220;Au i lok galanga tiap bet ye in tool ke geingi sennene, too tiap. Bong so ataleu yo lok galanga ye, in nen, mugu ngan matak kis, bong dookoot nga matak rere le akamata ni ye.&#8221;</span></span></div><div class="p"><span class="verse v25" data-usfm="JHN.9.25"><span class="content">  </span></span><span class="verse v26" data-usfm="JHN.9.26"><span class="label">26</span><span class="content">Motong la di Yuda tina ngan titoru mulu nen, &#8220;Tool tani in iyeie soo so pong? Inbe iyei matam balai a irere nga?&#8221;</span></span></div><div class="p"><span class="verse v26" data-usfm="JHN.9.26"><span class="content">  </span></span><span class="verse v27" data-usfm="JHN.9.27"><span class="label">27</span><span class="content">Titoru nen, motong la iraua torungu kidi. Iyei ne, &#8220;Awete pang a kalongo koote. E nga gelei a lomu bet kalongo mulu nga? Ang nga o lomu bet kayei ben di galiunu lapau, too?&#8221;</span></span></div><div class="p"><span class="verse v27" data-usfm="JHN.9.27"><span class="content">  </span></span><span class="verse v28" data-usfm="JHN.9.28"><span class="label">28</span><span class="content">Tool tani in iwete nen, le nga di Paresi tina ngan katedi malmal le tiwete panga nen, &#8220;Ong in la kuyei tool tani in galiunu i. Bong am nga Mose di galiunu. </span></span><span class="verse v29" data-usfm="JHN.9.29"><span class="label">29</span><span class="content">Inbe am nga lomam galanga nen, betanga yo Mose ikap, ngan Maro iwetekes panga. Bong tool in, lomam galanga ye ni yo ipa ye, in tiap.&#8221;</span></span></div><div class="p"><span class="verse v29" data-usfm="JHN.9.29"><span class="content">  </span></span><span class="verse v30" data-usfm="JHN.9.30"><span class="label">30</span><span class="content">Motong la tool tani in iraua betanga kidi nen, &#8220;Tool ni la iyei matak nga le irere mulu i. E, dookoot nga kawete googoomu a kawete bet lomu galanga ye ni yo ipa ye, in tiap. </span></span><span class="verse v31" data-usfm="JHN.9.31"><span class="label">31</span><span class="content">Idi nga lod galanga nen, Maro in ke bet ilongo betanga ke di tooltool yo ke geingi sennene, ngan tiap. Bong ye in ole ilongo betanga ke tool yo isung panga, inbe itoo dada le imot yo Maro lono bet itoo nga. </span></span><span class="verse v32" data-usfm="JHN.9.32"><span class="label">32</span><span class="content">Ngan mukot yege ni le se dookoot nga, ngan talongo toko gasanga ke tool sa bet iyeie tool atu yo tinana ipasuiu ngan matan kis in le matan rere, ngan tiap. </span></span><span class="verse v33" data-usfm="JHN.9.33"><span class="label">33</span><span class="content">Le kumata bet tool i Maro iwanga la isi ngan tiap nga, ngan matin nga le iyei so yo nen, nga tiap.&#8221;</span></span></div><div class="p"><span class="verse v33" data-usfm="JHN.9.33"><span class="content">  </span></span><span class="verse v34" data-usfm="JHN.9.34"><span class="label">34</span><span class="content">Iwete nen, motong la di Paresi tiraua betanga ki nen, &#8220;Ong in ye kene yo tinam ipasui ong ye in nga, ngan kupa ye sennene la kusi nga. E nga gelei, bet kupatomonai am, too?&#8221; Motong la di Paresi tina ngan tigunkala le ke bet ilo rumu kidi Yuda ke gaongo in lono lo iye di tigaua mulu tiap.</span></span></div><div class="s"><span class="heading">Di Tooltool Yo Titara Lodi Medana Tiap Nga, </span><span class="heading">Ngan Tiyei Dawa Ben Di Tooltool Mata Kis</span></div><div class="p"><span class="verse v34" data-usfm="JHN.9.34"><span class="content">  </span></span><span class="verse v35" data-usfm="JHN.9.35"><span class="label">35</span><span class="content">Yesu ilongo betanga ke so tina yo pombe ye tool tani nga, le nga la ipusye, motong la iwete panga nen, &#8220;Ai, kutara lom medana pang Tool Moolmool ke Maro, too tiap?&#8221;</span></span></div><div class="p"><span class="verse v35" data-usfm="JHN.9.35"><span class="content">  </span></span><span class="verse v36" data-usfm="JHN.9.36"><span class="label">36</span><span class="content">Motong la tool tani itoru nen, &#8220;Tool mai, atorong, Tool Moolmool ke Maro, in sei? Oo, kuweta pau a nen ngan atara lok medana panga.&#8221;</span></span></div><div class="p"><span class="verse v36" data-usfm="JHN.9.36"><span class="content">  </span></span><span class="verse v37" data-usfm="JHN.9.37"><span class="label">37</span><span class="content">Tool tani in iwete nen, motong la Yesu iyei ne, &#8220;Tool yo dookoot kumata i, in ye tani naii la iwetewete pong i.&#8221;</span></span></div><div class="p"><span class="verse v37" data-usfm="JHN.9.37"><span class="content">  </span></span><span class="verse v38" data-usfm="JHN.9.38"><span class="label">38</span><span class="content">Motong la tool tani in iyei ne, &#8220;Tool Mai, au i atara lok medana pong.&#8221; Motong la igun turunu, inbe isung pang Yesu.</span></span></div><div class="p"><span class="verse v38" data-usfm="JHN.9.38"><span class="content">  </span></span><span class="verse v39" data-usfm="JHN.9.39"><span class="label">39</span><span class="content">Motong la Yesu iwete panga nen, &#8220;Ye punu yo au i asi tana ye i, in bet si akarata betanga ke di tooltool ye dada le urata kidi yo tiyei nga. Ngan nanga, di tooltool yo matadi kisis nga, ngan ole matadi rere a tikamata ni mulu. E di tooltool yo matadi rere a tikamata ni nga, ngan ole tiyei ben di mata kis.&#8221;</span></span></div><div class="p"><span class="verse v39" data-usfm="JHN.9.39"><span class="content">  </span></span><span class="verse v40" data-usfm="JHN.9.40"><span class="label">40</span><span class="content">Yesu iwete nen, motong la di Paresi pattu yo tinepe potai ye nga, ngan tilongo tina yo iwete nen nga, le nga titoru. Tiyei ne, &#8220;Ai, nga gelei? Kuwete bet am nga matamam nga ikisis lapau, too?&#8221;</span></span></div><div class="p"><span class="verse v40" data-usfm="JHN.9.40"><span class="content">  </span></span><span class="verse v41" data-usfm="JHN.9.41"><span class="label">41</span><span class="content">Motong la iwete pang di nen, &#8220;Kumata bet matamu ngan ikisis nga, ngan matin nga le taukamu busunu yo ke sennene nga. Bong dookoot nga kawete bet matamu ngan irere a kakamata ni, le sennene kiang nangan la ikenen go ngan.&#8221;</span></span></div>
        </div>
    </div>
</div>

Yesu igege di Yuda tina, motong la ipa a ila, ngan ikamata tool atu in matan kis. Ngan tool tani in kene yo tinana ipasuiu ye i, ngan matana nga ikis nen. Motong la di galiunu tikamata tool tani le nga titoru nen, “Pannoongoo, sei iyei sennene a le tinana ipasuiu ngan matan kis nen nga, ye taunu, too tamana le tinana?”
Titoru nen, motong la Yesu iraua betanga kidi nen, “Ye taunu, too tamana le tinana la tiyei sennene ngan la le matana nga ikis nen, ngan tiap. Bong so yo nen in bet pombe ye, a bet nen ngan ikarata dada pang Maro bet ipitnai gurana le urata ki le iken mallangana pang di tooltool. Dookoot nga ni galanga nen, le ken tayei urata ke tool yo iwangau a asi i. Kumata bet tanepe nen le lo bong pombe nga, ngan kene tani in tool sa ke bet iyei urata yo nen ngan mulu tiap. Ngan ye kene yo anepe ye tana i nga, ngan au i la bet ayei ben sul pang di tooltool ke tana i.”
Yesu iwete nen a imot, motong la ikoronai ngoonoo du ye tana, inbe isaraii ye bene le iyei ben tingi, motong ikap a isama tool mata kis tani, in matana ye. Inbe iwete panga nen, “Kula le la kupusu matam ye ran kelingi yo ene Siloam ni.” (Ngan betanga yo Siloam i, in punu ben Tiwanga). Le nga tool tani in ila la ipusu matana, motong la ye kene yo bet imulu a ila pang rumu ki ye in nga, ngan le matan galanga a ikamata ni ye dook mata.
Motong la di tooltool yo tinepe potai ye nga, ngan tiye di tooltool kapala yo mugu ngan tikamata igaugau pat le so ye di tooltool nga, ngan tikamata le tipartortor nen, “Ai, i tool tani yo mugu ngan iwurur a igaugau pat le so in naii, too?”
Ngan di tooltool kapala tiyei ne, “E, ye tani naii.”
Bong di kapala tiyei ne, “Tiap, ye in matana dawa ben tool tani in leu, bong in tool san.”
Ngan tiwete nen, motong la tool tani iyei ne, “Ai, i au tani naii.”
Le nga di tooltool tina ngan titoru. Tiyei ne, “Nga kuyei balai a le matam rere, inbe kumata ni ye nga?”
Motong la iwete pang di nen, “Tool yo tipootoo ene ye Yesu i, in iyei tana le iyei ben tingi, motong la isama matak ye, inbe iwete pau bet la apusu matak ye ran kelingi yo Siloam i. Le nga ala la apusu matak ye ran tani, ngan la le matak rere a akamata ni ye nga.”
Iwete nen, motong la di tooltool tina ngan titoru. Tiyei ne, “Ngan tool tani in inepe ngai?”
Ngan iyei ne, “Atoo, au i lok galanga ye tiap.”

Motong la tikaua tool tani yo mugu ngan matan kis i, in a tila pang ye di Paresi. Yesoo, ye kene yo Yesu iyei tana le ben tingi a ikarata tool tani in matana le dook mata ye i, in ye lal kidi Yuda ke sungunu. Motong la di Paresi tina ngan titoro tool tani. Tiyei ne, “Ai, matam nga gelei a le dook mata nga?”
Ngan tool tani in iwete pang di nen, “Isama matak ye tana yo iyei le ben tingi nga, motong la apusu matak ye ran, ngan la le dookoot nga matak rere a akamata ni ye nga.”
Iwete pang di nen, motong la di Paresi kapala tiyei ne, “Tool in Maro iwanga la isi, nga tiap, yesoo ikap tutu lal kiidi Yuda yo ke sungunu, in tiap.”
Bong di Paresi tina kapala tiyei ne, “Nga gelei, tool yo ke geingi sennene i, in ke bet iyei mos yo nen nga?” Ngan nen le di tapdi tiparpoto.
Motong la di Paresi tina ngan tiportak bet titoro tool mata kis tani, in mulu nen, “Lom tar bet tool tani yo iyei ong le matam rere i, in tool balai?”
Ngan iraua betanga kidi nen, “Ye in Maro koonoo atu.”
Mugu ngan tool tani in matan kis, motong la dookoot nga matan rere nga, bong di kuto maimai ke di Yuda titara lodi medana ye yo nen, ngan tiap. Le nga tiwanga pang tamana le tinana a timan. Timan, motong la titor di nen, “Ai, i angru natumu tani yo kawete bet ye kene yo tinana ipasuiu ye in nga, ngan matan kis, in naii, too? Ngan nga gelei a le dookoot ngan ikamata ni nga?”
Ngan tamana le tinana tiyei ne, “Amru nga lomam galanga ben i natumam, inbe kene yo tinana ipasuiu ye in nga, ngan matan kis. Bong gelei a le dookoot nga ikamata ni, inbe sei tool iyei matana nga le irere i, in amru nga lomam galanga ye tiap. Le bet nen ngan katoru. Ye in tool maiyoko, le ole ye taunu iwete pang.” Ngan tool tani in tamana le tinana titattadai di Yuda, ngan la le tiwete betanga nen nga. Titattadai di nen, yesoo mugu ngan di kuto maimai ke di Yuda tiraua betanga bet kumata le tool sa iwete a ipapos ben Yesu in Kirisi nga, ngan ole tigunkala le ke bet ilo rumu kidi Yuda ke gaongo in lono lo iye di tigaua mulu tiap. Ngan ye punu in la le tool tani tamana le tinana tiyei ne, “Katoru. Ye in tool maiyoko oo.”
Motong la di Yuda tina ngan tikiui tool tani yo matan kis in paru ki man tiwete panga nen, “Dookoot nga kuyitmaka Maro ene, inbe kuwete betanga moolmool pam ye matana. Oo kuwete, am nga lomam galanga bet tool yo kuweta i, in tool ke geingi sennene.”
Tiwete nen, motong la iraua betanga kidi nen, “Au i lok galanga tiap bet ye in tool ke geingi sennene, too tiap. Bong so ataleu yo lok galanga ye, in nen, mugu ngan matak kis, bong dookoot nga matak rere le akamata ni ye.”
Motong la di Yuda tina ngan titoru mulu nen, “Tool tani in iyeie soo so pong? Inbe iyei matam balai a irere nga?”
Titoru nen, motong la iraua torungu kidi. Iyei ne, “Awete pang a kalongo koote. E nga gelei a lomu bet kalongo mulu nga? Ang nga o lomu bet kayei ben di galiunu lapau, too?”
Tool tani in iwete nen, le nga di Paresi tina ngan katedi malmal le tiwete panga nen, “Ong in la kuyei tool tani in galiunu i. Bong am nga Mose di galiunu. Inbe am nga lomam galanga nen, betanga yo Mose ikap, ngan Maro iwetekes panga. Bong tool in, lomam galanga ye ni yo ipa ye, in tiap.”
Motong la tool tani in iraua betanga kidi nen, “Tool ni la iyei matak nga le irere mulu i. E, dookoot nga kawete googoomu a kawete bet lomu galanga ye ni yo ipa ye, in tiap. Idi nga lod galanga nen, Maro in ke bet ilongo betanga ke di tooltool yo ke geingi sennene, ngan tiap. Bong ye in ole ilongo betanga ke tool yo isung panga, inbe itoo dada le imot yo Maro lono bet itoo nga. Ngan mukot yege ni le se dookoot nga, ngan talongo toko gasanga ke tool sa bet iyeie tool atu yo tinana ipasuiu ngan matan kis in le matan rere, ngan tiap. Le kumata bet tool i Maro iwanga la isi ngan tiap nga, ngan matin nga le iyei so yo nen, nga tiap.”
Iwete nen, motong la di Paresi tiraua betanga ki nen, “Ong in ye kene yo tinam ipasui ong ye in nga, ngan kupa ye sennene la kusi nga. E nga gelei, bet kupatomonai am, too?” Motong la di Paresi tina ngan tigunkala le ke bet ilo rumu kidi Yuda ke gaongo in lono lo iye di tigaua mulu tiap.

Yesu ilongo betanga ke so tina yo pombe ye tool tani nga, le nga la ipusye, motong la iwete panga nen, “Ai, kutara lom medana pang Tool Moolmool ke Maro, too tiap?”
Motong la tool tani itoru nen, “Tool mai, atorong, Tool Moolmool ke Maro, in sei? Oo, kuweta pau a nen ngan atara lok medana panga.”
Tool tani in iwete nen, motong la Yesu iyei ne, “Tool yo dookoot kumata i, in ye tani naii la iwetewete pong i.”
Motong la tool tani in iyei ne, “Tool Mai, au i atara lok medana pong.” Motong la igun turunu, inbe isung pang Yesu.
Motong la Yesu iwete panga nen, “Ye punu yo au i asi tana ye i, in bet si akarata betanga ke di tooltool ye dada le urata kidi yo tiyei nga. Ngan nanga, di tooltool yo matadi kisis nga, ngan ole matadi rere a tikamata ni mulu. E di tooltool yo matadi rere a tikamata ni nga, ngan ole tiyei ben di mata kis.”
Yesu iwete nen, motong la di Paresi pattu yo tinepe potai ye nga, ngan tilongo tina yo iwete nen nga, le nga titoru. Tiyei ne, “Ai, nga gelei? Kuwete bet am nga matamam nga ikisis lapau, too?”
Motong la iwete pang di nen, “Kumata bet matamu ngan ikisis nga, ngan matin nga le taukamu busunu yo ke sennene nga. Bong dookoot nga kawete bet matamu ngan irere a kakamata ni, le sennene kiang nangan la ikenen go ngan.”

聆听 Yowan (Jon) 9